spot_img
Friday, December 9, 2022
spot_img

လွိုင်ကော်လေဆိပ်မှာ ခရီးသည်တင်လေယာဉ် အဆင်း ပစ်ခတ်ခံရပြီး အမျိုးသားတစ်ဦး ထိခိုက်ဒဏ်ရာရ

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ (စက်တင်ဘာလ ၃၀ရက်) နံနက်ပိုင်းမှာ ရန်ကုန်- လွိုင်ကော် ခရီးသည်တင်ဆောင်လာတဲ့ လေယာဉ်တစ်စီး လွိုင်ကော်လေဆိပ်အဆင်းမှာ သေနတ်နဲ့ပစ်ခတ်ခံရပြီးနောက် ခရီးသည်အမျိုးသားတစ်ဦး ကျည်ဆန်ထိမှန်ပြီး ထိခိုက်ဒဏ်ရာရရှိခဲ့တယ်လို့ သိရပါတယ်။

မြန်မာအမျိုးသားလေကြောင်းလိုင်း (MNA) ခရီးသည်တင်လေယာဉ် XY-AML နဲ့ ခရီးသည် ၆၀ကျော်လိုက်ပါစီးနင်းလာပြီး နံနက် ၈နာရီ ၄၅မိနစ်မှာ လေဆိပ်အဆင်း အနိမ့်ပိုင်းပျံသန်းနေစဉ် ပစ်ခတ်ခံရတာဖြစ်ပါတယ်။

မြေပြင်ကနေ ပစ်ခတ်ခံရပြီးနောက် လေယာဉ်ဘယ်ဖက်ဝမ်းဗိုက်ဖက်မှာ ကျည်ဆန်ဖောက်ဝင်ခဲ့ပြီး ပြတင်းပေါက်ဖက်မှာ စီးနင်းလိုက်ပါလာတဲ့ လွိုင်ကော်မြို့နေ ခရီးသည်အမျိုးသားတစ်ဦးပါးကို ကျည်ထိမှန်ခဲ့ပြီး လက်ရှိမှာ လွိုင်ကော်ပြည်သူ့ဆေးရုံကြီးမှာ ဆေးကုသမှုခံယူနေတယ်လို့ သိရပါတယ်။

ပစ်ခတ်ခံရတဲ့ဖြစ်စဉ်ပြီးနောက် လွိုင်ကော်လေဆိပ်နဲ့ လမ်းမကြီးတစ်လျှောက် စစ်ကောင်စီလုံခြုံရေးအင်အားတိုးချဲ့ထားပြီး လမ်းသွားလမ်းလာကို စစ်ဆေးမေးမြန်းမှုပြုလုပ်ခဲ့တယ်လို့ မျက်မြင်ဒေသခံတစ်ဦးက ပြောပါတယ်။

“ခါတိုင်းကတော့ ၈နာရီကျော်လောက်ဆိုရင် လေယာဉ်ဆင်းတယ်ပေါ့နော။ ဒီမနက်မှာ အဲ့ဖက်တစ်ဝိုက် လုံခြုံရေးအင်အားချထားတာတွေ့ရတယ် မေးမြန်းမှုတချို့ကိုလည်း တွေ့ရတယ်။ အကြောင်းရင်းဖြစ်စဉ်တော့မသိရဘူး။ အိမ်ရောက်မှပဲ လိုင်းပေါ် လေယာဉ်ပစ်ခံရတယ် ခရီးသည်တစ်ဦးထိခိုက်ဒဏ်ရာရတယ်ဆိုတဲ့ ဓါတ်ပုံနဲ့ အကြောင်းအရာတွေ တွေ့ရတယ်ပေါ့နော။”

လွိုင်ကော်မြို့ပေါ်မှာ မနက်ပိုင်း ပစ်ခတ်မှုဖြစ်စဉ်အတွင်း လက်နက်ကြီး ပစ်ခတ်မှု အသံ မရှိသေးဘူးလို့ ဒေသခံတွေကပြောပါတယ်။ နံနက် ၁၀နာရီကျော်အချိန်မှသာ လက်နက်ကြီးပစ်ခတ်ခံ စတင်ကြားရတယ်လို့ ဆိုပါတယ်။ နေ့လည်ပိုင်း ၁၂နာရီအထိ လေယာဥ်ပစ်ခတ်မှုဖြစ်စဉ်နဲ့ပတ်သက်ပြီး မည်သည့်အဖွဲ့က မည်သည့်အကြောင်းအရင်းကြောင့် ပစ်ခတ်တာကို မသိရှိရသေးသလို ထုတ်ပြန်ပြောဆိုတာလည်းမရှိသေးပါဘူး။

spot_imgspot_imgspot_imgspot_img

More from the blog

ဆီးသူးတော်စစ်ဘေးဒုက္ခသည်စခန်းမှာ အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ် အနောက်ဘက်ခြမ်းက ဆီးသူးတော်စစ်ဘေးဒုက္ခသည်စခန်းမှာ အလှူရှင်မရောက်တာ သုံးလကျော်ပြီဖြစ်တဲ့အတွက် အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်တယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လူဦးရေ ၁၀၀၀ကျော်နဲ့ အိမ်ခြေ ၁၆၀ ကျော်ရှိတဲ့ အဲဒီစစ်ဘေးဒုက္ခသည်စခန်းမှာ ၆ အိမ်လောက်က စားဝတ်နေရေး ခက်ခဲတဲ့အတွက် စစ်ဘေးဒုက္ခသည်စခန်းမှာ...

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...