spot_img
Wednesday, November 30, 2022
spot_img

သစ်ထုတ်လုပ်မှုတွေကို တားမြစ်တဲ့ အမိန့် ကရင်နီ အစိုးရထုတ်ပြန်

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်တွင်းက သစ်ထုတ်လုပ်မှုတွေကို ပိတ်ပင်တားမြစ်သွားမှာဖြစ်ပြီး ထုတ်လုပ်မှုတွေ့ရှိပါက အရေးယူဆောင်ရွက်သွားမယ်လို့ ကရင်နီအစိုးရ ပြည်ထဲရေးဝန်ကြီး ခူညေးရယ်က ပြောပါတယ်။

“ အရေးယူမယ်ဆိုတာကတော့ ကျနော်တိုမှာရှိနေတဲ့ တပ်အားလုံးတော့ ညွှန်ကြားထားပြီးပြီ တရားဝင်ဝင်၊ တရားမဝင်ဝင် အဲ့ဒီသစ်ထုတ်လုပ်ပြီဆိုကတည်းက ပြည်ထဲရေးမှာက ရဲတွေရှိမယ်။ တရားဥပဒေစိုးမိုးရေးပေါ့။ တရားဥပဒေစိုးမိုးရေးအရပဲ ကျနော်တို့ အရေးယူသွားမှာပါ။ လူထုလုံခြုံရေးနဲ့ တရားဥပဒေ စိုးမိုးရေးဌာနဆိုတာ ရှိပါတယ်။ ကျနော်တို့ ကရင်နီပြည်နယ်မှာရှိတဲ့ တရားဥပဒေစိုးမိုးရေးအရ ကျနော်တို့ အရေးယူဆောင်ရွက်သွားမှာ မလို့ပါ။ ဥပမာ သစ်တွေ၊ ကားတွေ၊ လူတွေ ဖမ်းဆီးကောင်း ဖမ်းဆီးမယ်ပေါ့။ သစ်တွေ သိမ်းရင်သိမ်းမယ်ပေါ့။ ဘာဖြစ်လို့လဲဆိုတော့ လုံးဝခွင့်မပြုတော့ဘူးလေ။” လို့ ကရင်နီ အစိုးရ ပြည်ထဲရေးဝန်ကြီး ခူညေးရယ်က ပြောပါတယ်။

ကရင်နီပြည်နယ်ကို ပြန်လည်ထူထောင်ရေးပြုလုပ်တဲ့အချိန် လိုအပ်တဲ့သစ်တွေကို အသုံးပြုနိုင်ဖို့ အခုလိုတားမြစ်ရတာဖြစ်တယ်လို့ သူက ဆက်ပြောပါတယ်။

အာဏာသိမ်းပြီးနောက်ပိုင်း လက်ရှိ ကရင်နီပြည်မှာ ကြုံတွေ့လာရတဲ့ ခေတ်ဆိုးခေတ်ပျက်အခြေအနေကို အခွင့်ကောင်းယူပြီး စစ်ကောင်စီနဲ့ လက်ဝါးခြင်းရိုက်ပြီး စီးပွားရှာနေတဲ့ စီးပွားရေးလုပ်ငန်းရှင်တွေကိုတွေ့နေရဆဲဖြစ်ကြောင်း အမိန့်စာထုတ်ပြန်ချက်မှာ ဖော်ပြထားပါတယ်။

သစ်ထုတ်လုပ်မှု မှန်သမျှကို ပိတ်ပင်သွားမှာဖြစ်ပြီး သစ်ထုတ်လုပ်မှု၊ သစ်သယ်ယူမှုတွေကိုပါ အရေးယူသွားမှာဖြစ်တယ်လို့ ခူညေးရယ် က ပြောပါတယ်။

အဆိုပါ အမိန့်စာကို ကရင်နီ အစိုးရ ပြည်ထဲရေးဝန်ကြီး ခူညေးရယ်က လက်မှတ်ရေးထိုး ပြီး က ယမန်နေ့ မတ်လ ၉ရက်နေ့မှာ ထုတ်ပြန်ထားတာဖြစ်ပါတယ်။

spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...