သီးနှံများပျက်စီးခဲ့ကြသည့် ဒေသခံများ အစားအသောက်နှင့် အလှူငွေအချို့ရရှိ

ဂျိုးဇက်

ကြွက်များကြောင့် သီးနှံများပျက်ဆီးသွားခဲ့ကြသည့် ရှမ်းပြည်တောင်ပိုင်း၊ ဖယ်ခုံမြို့နယ်၊ သိကျိတ်အုပ်စုတွင်းရှိ ဒေသခံများအား ကုမ္ပဏီတချို့နှင့်အလှူရှင်များက ငွေနှင့်အစားအသောက် အဝတ်အစားများ ထောက်ပံ့ခဲ့ကြသည်ဟု ၎င်းအုပ်စုမှ ဥက္ကဌ ဦးသိုင်းကျော်လှက ပြောသည်။

ပြီးခဲ့သည့် ဇူလိုင်လပိုင်းမှစပြီး စပါးအနှံစတင်ထွက်သည့်အချိန်တွင် ကြွက်များ ဖျက်ဆီးခံလိုက်ရသည်အတွက် ဒေသခံများ အခက်အခဲကြုံတွေ့ခဲ့ကြရခြင်းဖြစ်သည်။

“ရွာတိုင်း ပျက်ဆီးသွားပါတယ်။ လေဒူခေါင် တစ်ရွာတည်းမှာတောင် ဧက ၈ဝ လောက် ဖျက်ဆီးခံရတယ်။ ဘေးကကျေးရွာတွေ မပါသေးဘူး။ အစက ပြောင်းဖူးပင်ကို အရင်ဆုံးဖျက်တယ်။ ပြောင်းဖူးကုန်တော့ စပါးပင် ထပ်မံ ဖျက်ဆီးတယ်။” ဟု ဦးသိုင်းကျော်လှက ပြောသည်။

ကြွက်များကြောင့် ပျက်စီးသွားသည့်သီးနှံများမှာ စပါး၊ ငရုတ်သီး၊ သခွားသီး၊ ဖာလာ နှစ်ရှည်ပင်များ စုစုပေါင်း ဧက ၅၀ဝ ခန့်ရှိသည်ဟု သိရသည်။

ရှမ်းပြည်နယ်အစိုးရ နေရာပြန်လည်ချထားရေးဦးစီးဌာန၏ အစီအစဉ်ဖြင့် အနာဂတ် အလင်းတန်း မြန်ုမာဖောင်ဒေးရှင်းနှင့် စိန်နော်သတ္တုတူးဖော်ရေးကုမ္ပဏီ ၊ ထီးဒေးစတားကုမ္ပဏီ၊ စုဝေအောင် စက်မှုထုတ်လုပ်မှုကုမ္ပဏီ၊ Southern Nonferrous Metal ကုမ္ပဏီတို့မှ ပူးပေါင်းပြီး တစ်အိမ်ထောင်အတွက် ငွေ (၅၀၀၀၀/ိ) ကျပ်နှင့် ဆန်အိတ်၊ စောင်၊ အဝတ်အထည်များ ကိုလာရောက် လှူဒါန်းသွားခဲ့ခြင်းဖြစ်သည်။

Comments

comments

Next Post

ရပ်ကွက်အလယ်ရှိ စစ်တပ်စခန်းဖျက်သိမ်းပေးရန် သက်ဆိုင်ရာသို့ ဒေသခံများ တောင်းဆိုထား

Thu Dec 1 , 2016
ထျိုးမြာ ကယားပြည်နယ် ဒီးမော့ဆိုမြို့နယ်၊ မြို့မအုပ်စု၊ ငူးပလော့ရပ်ကွက်အလယ်ရှိ စစ်တပ်လုံခြုံရေးတပ်စခန်းအား ပြန်လည်ရုပ်သိမ်းပေးရန် ဒေသခံများက ဒေသကွပ်ကဲမှူးစစ်ဌာနချုပ် (ဒ.က.စ)နှင့် ကယားပြည်နယ် လွတ်တော်ဥက္ကဌထံတွင် စာတင်ထားကြောင်း သိရသည်။ ၂၀၀၅-၂၀၀၆ခုနှစ်ဝန်းကျင်တွင် နိုင်ငံရေးအခြေနေအရ ရပ်ကွက်တွင်းလုံခြုံရေး တပ်စခန်းချထားရန် (ဒ.က.စ) မှ လာရောက်တည်ဆောက်ထားခဲ့ခြင်း ဖြစ်သည်။ လက်ရှိတွင် နယ်မြေဒေသလုံခြုံအေးချမ်းနေပြီဖြစ်၍ တပ်စခန်းကို ဖျက်သိမ်းပေးရန် ဒေသခံများမှ အလိုရှိနေကြခြင်းဖြစ်သည်။ “ စာပေါ်မှာအဓိက တင်ထားတာကတော့ ရပ်ကွက်အတွင်းမှာရှိတာက မသင့်တော်ဘူးပေါ့။ နောက် တပ်စခန်းတွေရှိတဲ့ မြေယာပေါ်မှာလည်း ရပ်ကွက်နေပြည်သူတွေက အိမ်တွေဆောက်ချင်ပြီပေါ့။ သူတို့နေရာကို ပြန်ဖယ်ပေးဖို့ပေါ့။ နောက်တစ်ခုက ငြိမ်ချမ်းရေးတည်ဆောက်နေတဲ့ ကာလဖြစ်တဲ့အတွက် ဒါတွေက မလိုအပ်တော့ဘူးပေါ့။ အဲ့ဒါတွေ ပြောချင်တာ ” ဟု ကရင်နီပြည်တောင်သူလယ်သမားသမဂ္ဂမှ […]