spot_img
Thursday, February 2, 2023
spot_img

သွေးလွန်တုပ်ကွေးရောဂါအကြောင်း သိမှတ်စရာများ

spot_imgspot_imgspot_imgspot_img


လေးမြာ (ကန္တာရဝတီတိုင်း(မ်))


သွေးလွန်တုပ်ကွေးရောဂါဟာ ခြင်မှတဆင့် ကူးစက်နိုင်တဲ့ ရောဂါတစ်မျိုးဖြစ်ပါတယ်။ ဒင်းဂီး (Dengue) ဗိုင်းရပ်စ် အမျိုးအစားဖြစ်ပြီး လူတစ်ဦးမှ တစ်ဦးသို့ ဗိုင်းရပ်စ် သယ်ဆောင်တဲ့ အင်းဒီးစ် (Aedes) ခြင်ကျား (အမ) ကိုက်ခံရခြင်းကြောင့် သွေးလွန်တုပ်ကွေးရောဂါ ကူးစက်နိုင်ပါတယ်။

အသက်အရွယ်မရွေးဖြစ်ပွားနိုင်ပြီး အသက် (၁၅) နှစ်အောက် ကလေးတွေ အများဆုံး ဖြစ်ပွားကာ နေရာဒေသမရွေး ရာသီမရွေး ဖြစ်ပွားနိုင်တယ် ဆိုပေမယ့် ခြင်ပေါက်ဖွားမှုနှုန်းပိုများတဲ့ မိုးရာသီကာလမှာ ပိုမိုအဖြစ်များပါတယ်။

သွေးလွန်တုပ်ကွေးရဲ့ ရောဂါလက္ခဏာများ

အဖျားကြီးခြင်း၊ ပြင်းထန်စွာခေါင်းကိုက်ခြင်း၊ မျက်လုံးနောက်တွင် နာကျင်ခြင်း၊ ကြွက်သားနဲ့ အဆစ်များ နာကျင်ခြင်း ၊ ပျို့ခြင်း ၊ အန်ခြင်း၊ ကိုယ်ခန္ဓာတွင် အနီစက်များထွက်ခြင်း စတဲ့ လက္ခာဏာတွေကို ပြလေ့ရှိပါတယ်။

အဲ့ဒီရောဂါလက္ခဏာတွေဟာ (၂) ရက်မှ (၇) ရက်အထိ ကြာမြင့်နိုင်ပါတယ်။ စတင်ဖျားတဲ့ရက်မှ စပြီး (၃) ရက်မှ (၇) ရက်အတွင်း ရုတ်တရက် အဖျားကျကာ သွေးလန့်တဲ့ လက္ခာပြရင် အသက်အန္တရယ် ရှိနိုင်ပါတယ်။

သွေးလန့်တဲ့ ရောဂါလက္ခဏာတွေကတော့ ပြင်းထန်စွာ ဗိုက်အောင့်ခြင်း၊ မကြာခဏအန်ခြင်း၊ အသက်ရှူမြန်လာခြင်း၊ မောပန်းလွယ်ခြင်း၊ဂဏာမငြိမ်ခြင်း၊ သွားဖုံးသွေးယိုခြင်း၊ အညိုရောင် အရည်များ အန်ခြင်း စတာတွေ ပြလေ့ရှိပါတယ်။ အဲ့ဒီလို သွေးလန့်တဲ့ ရောဂါလက္ခဏာတွေ ပြပြီဆိုရင် နီးစပ်ရာဆေးခန်း ဒါမှမဟုတ် ကျန်းမာရေးလုပ်သားတွေဆီ အမြန်ဆုံး ပြသပြီး ဆေးကုသမှုခံယူရမှာဖြစ်ပါတယ်။

သွေးလွန်တုပ်ကွေးရောဂါကို ဘယ်လိုကာကွယ်မလဲ။

သွေးလွန်တုပ်ကွေးရောဂါဟာ ခြင်ကျား မှ တဆင့် ကူးစက်နိုင်ပြီး ခြင်ကျားဟာ နေ့အချိန်မှာ ပိုကိုက်ပါတယ်။ ခြင်ကျား ပိုးလောက်လန်းတွေဟာ ရေကြည်ရေသန့်နဲ့ မိုးရေတင်ကျန်နိုင်တဲ့ နေရာတွေမှာ ပေါက်ဖွားတတ်ပါတယ်။

ဒါကြောင့် ခြင်ကျားလောက်လန်းပေါက်ဖွားနိုင်တဲ့ နေရာတွေဖြစ်တဲ့ ရေသိုလှောင်ထားတဲ့ ရေစည်၊ရေအိုး၊ ရေကန်တွေ၊ ဘုရားပန်းအိုးတွေ၊ မိုးရေတင်ကျန်နိုင်တဲ့ ဘူးခွံ၊ ပုလင်းခွံ နဲ့ တာယာဟောင်း စတာတွေကို ဖယ်ရှားရှင်းလင်း‌ ပေးရမှာဖြစ်ပါတယ်။

ဒါ့အပြင် ဘယ်အချိန်၊ ဘယ်နေရာမှာပဲ အိပ်အိပ် ခြင်ထောင် ထောင်အိပ်ခြင်းဖြင့်လည်း သွေးလွန်တုပ်ကွေးရောဂါကို ကာကွယ်ပြီးသားဖြစ်ပါတယ်။

ကလေးငယ်တွေမှာ သွေးလွန်တုပ်ကွေးရောဂါ ပိုမိုဖြစ်လွယ်တဲ့အတွက် မိမိရဲ့ ကလေးငယ်တွေကို အင်္ကျီလက်ရှည်၊ ဘောင်းဘီရှည်ဝတ်ပေးရပါမယ်။ အိပ်တဲ့အခါ ခြင်ထောင်နဲ့ အိပ်ရမှာ ဖြစ်ပါတယ်။

သွေးလွန်တုပ်ကွေးရောဂါကို ဘယ်လို စစ်ဆေးမလဲ။

သွေးလွန်တုပ်ကွေးရောဂါရဲ့လက္ခဏာတွေက ငှက်ဖျား နဲ့ တိုက်ဖွိုက်ရောဂါတွေရဲ့ လက္ခဏာတွေနဲ့ ခပ်ဆင်ဆင်တူနေတတ်ပါတယ်။
ဒါပေမယ့် ရောဂါရာဇဝင်တွေ၊ လူနာကို စမ်းသပ်ချက်တွေအရ သွေးလွန်တုပ်ကွေးနဲ့ ကိုက်ညီနေတယ်ဆိုရင် သွေးစစ်ပြီး အဖြေရှာရမှာ ဖြစ်ပါတယ်။

သွေးလွန်တုပ်ကွေးဖြစ်နေရင် ဘယ်လိုကုသရမလဲ။

1. သွေးလွန်တုပ်ကွေးရောဂါအတွက် သီးခြားကုထုံးရယ်လို့ မရှိသေးဘူးလို့ သိရပါတယ်။

2. ရောဂါခံစားရသူအများစုက နှစ်ပတ်လောက် အတွင်း ပြန်ကောင်းလာတတ်ကြပါတယ်။

3. အရေးကြီးတာတစ်ချက်က နောက်ဆက်တွဲရောဂါတွေဝင်မလာအောင် ရောဂါတွေကို ကုသဖို့ပဲဖြစ်ပါတယ်။

4. ရောဂါသိပ်မပြင်းထန်ဘူးဆိုရင် ပြည့်ပြည့်ဝဝအနားယူရပါမယ်။ ရေများများသောက်ရပါမယ်။

5. အဖျားကျအောင်ဆေးသောက်ရပါမယ်။ နာကျင်ကိုက်ခဲမှုသက်သာပြီး အဖျားကျစေနိုင်ဖို့ ပါရာစီတမောသောက်ပေးလို့ရပါတယ်။

သတိထားရမှာက သွေးလွန်တာကို ဖြစ်နိုင်ခြေများစေတာကြောင့် အက်စပရင် (aspirin) ၊ အိုင်ဘူပရိုဖန်(ibuprofen)နဲ့ naproxen sodium စတဲ့ အကိုက်အခဲပျောက်ဆေးတွေကို မသောက်မိဖို့ လိုအပ်ပါတယ်။

သွေးအန်တာကို မသိလိုက်မှာစိုးတာကြောင့် အညိုရောင်ပါတဲ့ အစားအစာတွေကို ခဏရှောင်ရပါမယ်။
ရောဂါပြင်းထန်တဲ့အခါမျိုးမှာ သွေးလွန်တုပ်ကွေးရောဂါက သွေးပေါင်ချိန်တအားကျတာ ဒါမှမဟုတ် အပြင်းစားသွေးလွန် တုပ်ကွေးရောဂါကိုခံစားရနိုင်ပြီး ချက်ချင်းဆေးကုသမှုခံယူရမှာဖြစ်ပါတယ်။

ကိုးကား- Ministry of Health, National Unity Government of Myanmar Facebook page နဲ့ Hello Sayawon page

spot_imgspot_imgspot_imgspot_img

More from the blog

မလျော့သောဇွဲနဲ့ ရှည်ကြာလာတဲ့ “နွေဦးတော်လှန်ရေး”

မော်ဦးမြာ ( ကန္တာရဝတီတိုင်း(မ်) ) ၂၀၂၁ ခုနှစ် ဖေဖော်ဝါရီလ ၁ ရက်နေ့ဟာ မြန်မာပြည်က လူထုတွေအတွက် အမှောင်ကျခဲ့ရတဲ့ နေ့၊ ကြောက်ခေတ်ကို တဖန်ပြန်လည်ရောက်ရှိသွားရတဲ့ နေ့အဖြစ် လူထုရင်ထဲမှာ ရှင်သန်ကျန်ရစ်နေဦးမဲ့ သမိုင်းဆိုးတဲ့ နေ့ရက်တစ်ခု။ ရွေးကောက်ပွဲရလဒ်ကို မကျေနပ်တာကြောင့် အာဏာကို ထိန်းသိမ်းလိုက်တာ ဖြစ်တယ်လို့ ပြောလာတဲ့...

တော်လှန်ရေးထဲက အနုပညာဖန်တီးသူ

မီမြာ (ကန္တာရဝတီတိုင်း(မ်)) ဝါဿနာပါရာ ဖြစ်ချင်တဲ့ ရည်မှန်းချက်တွေကို စတင်အကောင်အထည်ဖော်နေကြတဲ့အချိန်မှာပဲ အညွှန့်တလူလူ တက်နေတဲ့ အနာဂတ်အိမ်မက်တွေ ရိုက်ချိုးခံလိုက်ရတဲ့ လူငယ်တွေအထဲ အသက် (၂၁)နှစ်အရွယ် ဂျွန်မီယာလည်း အပါအဝင်ပါ။ ဂျွန်မီယာကတော့ ဒီးမော့ဆိုမြို့နယ် ငူးပလော့ကျေးရွာ ဇာတိဖြစ်ပါတယ်။ သူကတော့ တက္ကသိုလ်ဝင်တန်းအောင်မြင်ပြီး ၂၀၁၉ခုနှစ်မှာ မန္တလေးက အမျိုးသားယဉ်ကျေးမှုနဲ့ အနုပညာတက္ကသိုလ်မှာ ဒါရိုက်တာအထူးပြုမေဂျာနဲ့...

လူငယ်တွေရဲ့ ပညာသင်အခွင့်အလမ်းအတွက် ဖွင့်ထားတဲ့ ကယန်းဒေသက ကောလိပ်ကျောင်း

ခွန်းကလိုင်းဖရီး (ကန္တာရဝတီတိုင်း(မ်)) ပညာသင်အခွင့်အလမ်း ဆုံးရှုံးခဲ့ရတဲ့ လူငယ်တွေအတွက် ဖယ်ခုံမြို့နယ်၊ အလယ်ကယန်းဒေသမှာ ကယန်းတောင်တန်း ကွန်မြူနီတီကောလိပ်လို့ခေါ်တဲ့ ကျောင်းတစ်ကျောင်းကို ဖွင့်လှစ်ထားတာ ခုဆိုရင် ၅ လ ကျော်ရှိနေပြီ ဖြစ်ပါတယ်။ ကယန်းတောင်တန်း ကွန်မြူနီတီကောလိပ်ကို ပထမဆုံး အမှတ်စဉ် (၁) အဖြစ် အလယ်ကယန်းဒေသမှာ ဖွင့်လှစ်တာဖြစ်ပြီး အဲ့ဒီကျောင်းမှာ လူငယ်...

အိမ်ပြန်ခွင့်ရရင်တောင် ပြန်စရာအိမ်မရှိတော့တဲ့သူများ

ကန္တာရဝတီတိုင်း(မ်) ၂၀၂၁ အာဏာသိမ်းမှု နောက်ဆက်တွဲအနေနဲ့ နိုင်ငံတွင်းမှာ လက်နက်ဆွဲကိုင်တော်လှန်မှုတွေ စတင်ခဲ့တဲ့ အချိန်ကစပြီး အသေးငယ်ဆုံး ပြည်နယ်ဖြစ်တဲ့ ကရင်နီပြည်နယ်မှာ စစ်ပွဲရဲ့ အကျိုးဆက်တွေကို ပြည်သူတွေ နဖူးတွေ့၊ဒူးတွေ့ ခံစားရပါတော့တယ်။ စစ်ပွဲကာလအတွင်း မိသားစုဝင်ဆုံးရှုံး သွားခဲ့ကြသူတွေရှိသလို၊ စည်းစိမ် ဥစ္စာတွေကိုလည်း ဆုံးရှုံးထားသူတွေ ဒုနဲ့ ဒေးဖြစ်ပါတယ်။ အဲဒီထဲမှာ အသက်...