spot_img
Wednesday, November 30, 2022
spot_img

အကြမ်းဖက်စစ်ကောင်စီတပ်မှ ၃ ရက်အတွင်း နေအိမ်၅၀ကို မီးရှို့ဖျက်ဆီးခဲ့၊ စစ်ရာဇဝတ်မှု ကျုးလွန်နေဆဲလို့ ကရင်နီလူ့အခွင့်အရေးအဖွဲ့ဝေဖန်

spot_imgspot_imgspot_imgspot_img
ကုန်သာကျေးရွာတွင် ပျက်စီးသွားသော ပြည်သူအိမ်တချို့ (ဓါတ်ပုံ – CJ)

ကန္တာရဝတီတိုင်း(မ်)

ကရင်နီပြည်၊ ဒီးမော့ဆိုမြို့နယ်အတွင်းရှိ ကုန်းသာကျေးရွာနဲ့ သေးဆူလဲကျေးရွာမှ နေအိမ် ၅၀ ဝန်းကျင်ကို အကြမ်းဖက်စစ်ကောင်စီတပ်မှ မီးရှို့ဖျက်ဆီးခဲ့သလို နေအိမ်ဖောက်ထွင်းပြီး ပစ္စည်းတွေကို ဖျက်ဆီးခဲ့တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာဦးဗညားက ပြောပါတယ်။

“စစ်ကောင်စီတပ်ကနေ သက်သက်မဲ့ မီးရှို့တာကတော့ ၃၅လုံး ဒါက မီးရှို့တဲ့ပုံစံနဲ့ စာရင်းအရပေါ့နော။ နောက်တစ်ခုက လက်နက်ကြီး ကျည်စတွေပေါ့နော နောက်ပြီးတော့ လက်နက်ငယ် ကျည်စတွေ ထိမှန်တဲ့အိမ်က ၁၅လုံး အဲ့ဒါက ပျက်စီးတယ်ပေါ့နော။ တချို့ တော်တော်ပျက်စီးတယ်။ တချို့ကတော့ ပြတင်းပေါက်တွေ အုတ်တွေပေါက်တာတော့ ရှိတယ်ပေါ့နော။ ပေါင်းလိုက်ရင်တော့ အလုံး ၅၀လောက်တော့ သေချာသလောက်ရှိတယ်။ ဒီထက်လည်းပျက်စီးနိုင်သေးတယ်ပေါ့နော။ ဒါပေမယ့်လောလောဆယ်ကတော့ အဲ့ဒါ ကောဖန်းထားတာရှိတယ်။ တချို့အိမ်တွေကတော့ တပ်ကနေ ဝင်စီးတဲ့အချိန်မှာ အထူးသဖြင့် ကုန်းသာဖက်ပေါ့ အိမ်ထဲမှာရှိတဲ့ပစ္စည်းတွေ ဖျက်ဆီးတာတွေလည်း အများအပြားတွေ့ရတယ်ပေါ့နော။” လို့ ကရင်နီလူ့အခွင့်အရေးအဖွဲ့မှ ဒါရိုက်တာဦးဗညားက ပြောပါတယ်။

ပျက်စီးသွားတဲ့ နေအိမ် ၅၀ ဝန်းကျင်ဟာ ပြီးခဲ့တဲ့ စက်တင်ဘာလ ၂၃ ရက်နေ့မှ ၂၆ ရက်နေ့အထိ ဖျက်ဆီးခံခဲ့ရတဲ့ နေအိမ်တွေဖြစ်ပါတယ်။ အကြမ်းဖက်စစ်ကောင်စီတပ်မှ လက်နက်ကြီးတွေနဲ့ အဆက်မပြတ် ရမ်းသန်းပစ်ခတ်ခဲ့တာကြောင့် ပြည်သူ့နေအိမ်အများအပြား ထိခိုက်ပျက်စီးခဲ့သလို နေအိမ်အတွင်းပိတ်မိနေတဲ့ အသက် ၇၀ ကျော် အရပ်သားပြည်သူတစ်ဦးကိုလည်း အကြောင်းမဲ့ ပစ်ခတ်ခဲ့တာကြောင့် သေဆုံးခဲ့ရပါတယ်။

ဒါ့အပြင် ကုန်းသာကျေးရွာမှ သေးဆူလဲဖက်ကို မောင်းနှင်လာတဲ့ စစ်ရှောင်ကားတစ်စီးကိုလည်း ပစ်ခတ်မီးရှို့ခဲ့တာကြောင့် မီးလောင်သေဆုံးနေတဲ့ အရပ်သားပြည်သူတစ်ဦးရဲ့ ရုပ်အလောင်းကို တွေ့ရှိခဲ့ပါတယ်။

ဒါ့ကြောင့် စစ်ကောင်စီတပ်မှ စစ်ရာဇဝတ်မှုကျူးလွန်ခြင်း၊ လူသားမျိုးနွယ်အပေါ် ရာဇဝတ်မှုကျူးလွန်ခြင်း နဲ့ လူသားချင်းစာနာထောက်ထားမှုဆိုင်ရာ လိုက်နာစောင့်ထိန်းရမယ့် အပြည်ပြည်ဆိုင်ရာ ဥပဒေကို ကရင်နီပြည်နယ်အတွင်း ဆက်လက်ကျူးလွန်နေတယ်လို့ ကရင်နီလူ့အခွင့်အရေးအဖွဲ့က ဝေဖန်ထားပါတယ်။

“အိမ်ရှို့တဲ့အပေါ်မှာတော့ ဒါကတော့ လူ့အခွင့်အရေးရှုထောင့်ကကြည့်မယ်ဆိုရင် ကျနော်တို့ရိုးရိုးလေးကြည့်မယ်ဆိုရင် ဒါကတော့ ပြည်သူပိုင်ပေါ့။ ပြည်သူ့ကိုယ်ပိုင် ပစ္စည်းဥစ္စာတွေကို စစ်ကောင်စီက ဖျက်ဆီးတယ်ဆိုတာက လူ့အခွင့်အရေး ချိုးဖောက်မှုတစ်ခု ဖြစ်တယ်ပေါ့နော။ ဒီဟာကလည်း လူထုက နှစ်ပေါင်းများစွာ ကုတ်ကပ်ပြီး တည်ဆောက်လာတဲ့ အိမ်တွေကို ဖျက်ဆီးသွားတယ်။ အဲ့ကြောင့်မို့လို့ ငွေကြေးအရလည်း ပျက်စီးတယ်။ စိတ်ပိုင်းဆိုင်ရာအရလည်း အများကြီးထိခိုက်မှုတွေရှိသွားတယ်ပေါ့နော။ လူထုတွေရဲ့ အခြေခံအုတ်မြစ်ဖြစ်တဲ့ အိုးအိမ်စည်းစိမ်တွေပျက်စီးတာလည်း အရမ်းကိုဆိုးဝါးတဲ့ ဆုံးရှုံးမှု ဖြစ်ရပ်လို့ ကြည့်လို့ရတယ်။” လို့ ဦးဗညားက ဝေဖန်ထားပါတယ်။

ကရင်နီပြည်နယ်အတွင်းမှာ ကရင်နီပူးပေါင်းတပ်နဲ့ အကြမ်းဖက်စစ်ကောင်စီတပ်တို့ တိုက်ပွဲဖြစ်ပွားနေတာကြောင့် ဘေးကင်းရာထွက်ပြေးတိမ်းရှောင်နေရတဲ့ ဒေသခံပြည်သူ တစ်သိန်း၃သောင်း ရှိနေပြီး လတ်တလောမှာလည်း ဒီမော့ဆိုမြို့နယ်အတွင်းမှာ စစ်ရေးတင်းမာနေတာကြောင့် ဒေသခံတွေ နေအိမ်မပြန်နိုင်သေးပါဘူး။

ကုန်သာကျေးရွာတွင် ပျက်စီးသွားသော ပြည်သူအိမ်တချို့ (ဓါတ်ပုံ – CJ)
spot_imgspot_imgspot_imgspot_img

More from the blog

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...

ယင်းတလဲစာပေတွေကို စာသင်ကျောင်းတွေမှာ ထည့်သွင်း သင်ကြားပေးနေ

ကန္တာရဝတီတိုင်း( မ် ) ကရင်နီပြည်ထဲမှာရှိတဲ့ ယင်းတလဲ လူမျိုးစု အနေနဲ့ လူမျိုးမပျောက်ကွယ်အောင် စာပေတွေကို ယင်းတလဲလူမျိုးတွေ အများစုနေထိုင်တဲ့ဒေသက စာသင်ကျောင်းတွေမှာ ဘာသာရပ်တစ်ခုအနေနဲ့ စတင်သင်ကြားပေးနေပြီလို့ ယင်းတလဲလူမျိုး တစ်ဦးက ပြောပါတယ်။ “လူမျိုးလည်း နည်းလာပြီပေါ့နော။ လူမျိုးနည်းလာတော့ အခုကလည်း ဘယ်လိုပြောရမလဲ။ ယဉ်ကျေးမှုပဲ လွှမ်းမိုးတာလား။ လူမျိုးအချင်းချင်းကပဲ လွှမ်းမိုးတာပဲဖြစ်ဖြစ်...

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...