ကန္တာရဝတီတိုင်း(မ်)
လွိုင်ကော်-ဒီမော့ဆိုမြို့လမ်းမကြီးရှိ ဒေါပိုးစီကျေးရွာမှာ ယနေ့ မေလ ၂၅ရက်နေ့ ညနေ ၄နာရီကျော်မှာ စစ်ကောင်စီအုပ်စု အင်အား ၃၀ခန့်က ဒေသခံတစ်ဦးကို နေအိမ်ခြံထဲထိ ဝင်ရောက်ပြီး ညှင်းပန်းနှိပ်စက် ရိုက်သတ်ခဲ့တယ်လို့ ကျေးရွာသားတစ်ဦးက ကန္တာရဝတီတိုင်း(မ်)ကို ပြောပါတယ်။
“အိမ်ထဲမှာနေတယ်ပြောတာပဲ အိမ်ထဲဝင်လာပီးတော့ ရိုက်သတ်သွားတာ အယောက်၃၀လောက်ရှိတယ် ဝင်လာပီး ပြန်ထွက်သွားတယ်” လို့ ၎င်းကပြောပါတယ်။
စစ်ကောင်စီအုပ်စုနဲ့ ပြည်သူ့ကာကွယ်ရေးတပ်ဖွဲ့ တို့ အပြန်အလှန်ပစ်ခတ်မှုဖြစ်ပွားနေသလို စစ်ကောင်စီဖက်ကနေ လက်နက်ကြီးတွေနဲ့သုံးပြီး ပစ်ခတ်နေတာကြောင့် ကျေးရွာရှိနေအိမ်အချို့ပျက်ဆီးခဲ့ရပါတယ်။
