Wednesday, December 2, 2020

အရပ်ဘက်အဖွဲ့အစည်းများ အကြိုဖိုရမ်သို့ တက်မတက် ကယားပြည်နယ်အရပ်ဘက်အဖွဲ့အစည်းများ ယခုလ ၁၉ ရက်တွင် ဆုံးဖြတ်မည်

Must read

ထျိုးမြာ

တောင်ကြီးတွင် ပြုလုပ်မည့် မြန်မာနိုင်ငံလုံးဆိုင်ရာ အရပ်ဘက်အဖွဲ့အစည်းအကြိုဖိုရမ်သို့ ကယားပြည် နယ်ရှိ အရပ်ဘက်အဖွဲ့အစည်းများ တက်၊မတက်ကိုမူ ဖေဖော်ဝါရီလ (၁၉)ရက်တွင် ဆုံးဖြတ်သွား မည်ဖြစ်ကြောင်း ကယားပြည်နယ်အခြေစိုက် Lain နည်းပညာအထောက်အကူပြုဘုတ်အဖွဲ့ဝင် ကိုကျော်ထင်အောင်က ကယးပြည်နယ်ဒေသအရပ်ဘက်အဖွဲ့အစည်းများကိုယ်စား ပြောသည်။

ထို့အပြင် ကယားပြည်နယ်အရပ်ဘက်အဖွဲ့အစည်းများအနေဖြင့် နေပြည်တော်တွင် ဖေဖော်ဝါရီလ ၂၄ ရက်နှင့် ၂၅ ရက်တွင် ပြုလုပ်မည့် ပထမအကြိမ် CSOs ဖိုရမ်သို့ တက်ရောက်မည်မဟုတ်ကြောင်း ၎င်းက ဆိုသည်။

“ ၁၉ရက်နေ့အစည်းအဝေးမှာပဲ တစ်ခါတည်း လူကိုယ်စားပြုမှုနဲ့ အဖွဲ့ကိုယ်စားပြုမယ့် လူတွေ တစ်ဖွဲ့တစ်ဦးစီလောက်ကို ရွေးချယ်ရမှာဖြစ်တယ်။ မသွားဖို့ကို အားလုံးဆုံးဖြတ်တယ်ဆိုရင်လည်း အဲ့ဒီမှာမသွားတော့ဘူးပေါ့ ”ဟု ၎င်း ကပြောသည်။

ကယားပြည်နယ်ရှိအရပ်ဘက်အဖွဲ့အစည်းများအနေဖြင့် ပထမအကြိမ်ပြုလုပ်မည့် CSOs ဖိုရမ်သို့ တက်ရောက်ရန် အဆင်သင့်မဖြစ်သေးသည့်အပြင် ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ (UPDJC)မှ အရပ်ဘက်အဖွဲ့အစည်းများ သို့ အမျိုးသားအဆင့်နိုင်ငံရေးဆွေးနွေးပွဲနှင့် ပတ်သက်သည့် ချမှတ်ထားသော အကြောင်းအရာလိုက်ဆွေးနွေးပွဲ ခေါင်းစဉ်များအတွက်လည်း ဆွေးနွေးထားခြင်းမရှိသေးပေ။

တောင်ကြီးတွင်ပြုလုပ်မည့် အကြိုဖိုရမ်သို့ မြန်မာနိုင်ငံအနှံ့အပြားမှ အရပ်ဘက်အဖွဲ့အစည်းကိုယ်စားလှယ်များတက်ရောက်မည်ဟု မြန်မာနိုင်ငံCSOsဖိုရမ်ဖြစ်မြောက်ရေးကော်မတီ ဦးဆောင်သူ ကိုသွင်လင်းအောင်ကပြောသည်။

တစ်နိုင်ငံလုံဆိုင်ရာ CSOs အကြိုဖိုရမ်ကို တောင်ကြီးမြို့တွင် ဖေဖော်ဝါရီလ (၂၂) မှ (၂၃) ရက်နေ့အထိ အရပ်ဘက်အဖွဲ့အစည်းများမှ ဦးဆောင်ကျင်းပမည်ဖြစ်ပြီး နိုင်ငံလုံးဆိုင်ရာ CSOsဖိုရမ်ကို ဖေဖော်ဝါရီလ (၂၄-၂၅) ရက်နေ့တွင် နေပြည် တော်၌ UPDJC မှ ကျင်းပပြုလုပ်ပေးသွားမည်ဖြစ်သည်။

တနင်္သာရီတိုင်းဒေသကြီးရှိ အရပ်ဘက်အဖွဲ့အစည်းများအနေဖြင့် CSOs အကြိုဖိုရမ်သို့ တက်ရောက်ရန် အဆင်သင့်ဖြစ်နေပြီး ကိုယ်စားလှယ် ၃၃ ဦးရွေးချယ်ထားပြီးဖြစ်ကြောင်းလည်း ထားဝယ်အမျိုးသမီးသမဂ္ဂ( မြန်မာနိင်ငံ CSOs ဖိုရမ်ဖြစ်မြောက်ရေးဗဟိုကော်မတီဝင်) တစ်ဦးဖြစ်သူ မစုစုဆွေက ပြောပါသည်။

အရပ်ဘက်အဖွဲ့အစည်းများ ဆွေးနွေးခွင့်ရှိသည့် အကြောင်းအရာအလိုက် အမျိုးသားအဆင့် နိုင်ငံရေးဆွေးနွေးပွဲများအတွက် အရပ်ဘက်အဖွဲ့အစည်းများဖိုရမ်အကြိုဆွေးနွေးပွဲများကို ရခိုင်ပြည်နယ် စစ်တွေမြို့တွင်လည်းကောင်း၊ ကချင်ပြည်နယ် မြစ်ကြီးနားမြို့တွင် လည်းကောင်း၊ မွန်ပြည်နယ် မော်လမြိုင်မြို့တွင်လည်းကောင်း၊ ရှမ်းပြည်နယ် မူဆယ်မြို့၊နမ့်ခမ်းမြို့၊တောင်ကြီးမြို့၊ကွက်ခိုင်မြို့တို့တွင် ရှမ်းတိုင်းရင်းသားလူမျိုးများ၏ လူမျိုးအလိုက်အမျိုးသားအဆင့်နိုင်ငံရေးဆွေးနွေးပွဲ အကြိုကိုလည်းကောင်း ကျင်းပပြုလုပ်ခဲ့ပြီးဖြစ်သည်။

Comments

comments

- Advertisement -
- Advertisement -

Latest article

နှစ်ပေါင်းခြောက်ဆယ် လျှပ်စစ်ဓါတ်အားထုတ်ပေမယ့် ကျေးလက်နေသူတွေခံစားခွင့်မရနိုင်ကြသေး

မီမြာ ဖရူဆိုမြို့နယ် အနောက်ဘက်ခြမ်း ဒိုမိုစော အုပ်စုမှာ ရှိတဲ့ ခါးဘယ်ကျေးရွာကို ရောက်ဖို့ဆိုရင် ဖရူဆိုမြို့ပေါ်ကနေ ဆိုင်ကယ်နဲ့ သုံးနာရီကြာစီးရပါတယ်။ ခါးဘယ်ရွာကတော့ လမ်းမ နဲ့နီးတဲ့အတွက် ဒိုမိုစောအုပ်စုထဲက တခြားရွာတွေထက်...

ဆိတ်သုန်းနေတဲ့ အမျိုးသမီးထုအသံ လွှတ်တော်အတွင်း မြိုင်ဆိုင်လာတော့မလား

ကရင်နီသူ ၂၀၂၀ အထွေထွေရွေးကောက်ပွဲကနေ အရွေးချယ်ခံခဲ့ရတဲ့ အမျိုးသမီး လွှတ်တော်ကိုယ်စားလှယ်တွေဟာ တိုင်းနဲ့ပြည်နယ် အသီးသီးက လွှတ်တော်တွေမှာ ယခင်လွှတ်တော်သက်တမ်းထက် (၆)ရာခိုင်နှုန်း ပိုမိုပါဝင်ပြီး ဆွေးနွေးခွင့် ရတော့မှာပါ။ ၂၀၁၅ ခုနှစ်က...

ဖရူဆိုမြို့နယ် အနောက်ဖက်ခြမ်းဒေသအတွက် အရေးပေါ်လူနာတင်ယာဉ်တွေလိုအပ်

အန်ထော်နီ ကျန်းမာရေး စောင့်ရှောက်မှု ခက်ခဲနေတဲ့ ဖရူဆိုမြို့နယ် အနောက်ဖက်ခြမ်းဒေသက ဒေသခံတွေအတွက် အရေးအပေါ်လူနာတင်ယာဉ်တွေ ထားရှိပေးဖို့ လိုအပ်နေတယ်လို့ ၂၀၂၀ ရွေးကောက်ပွဲ အနိုင်ရ ပြည်သူ့လွှတ်တော်ကိုယ်စားလှယ် ဦးဒီးဒီ(ခ)စစ်မုန်း ကပြောပါတယ်။

အစိုးရသက်တမ်း ၅နှစ်အတွင်း ပရဲ့လူမျိုးစုတွေ ဖရူဆိုမြို့နယ် အနောက်ဖက်ခြမ်း မှာ ဘာတွေပြောင်းလဲလာပြီလဲ။

စိုးထိုက်အောင်NLD ဦးဆောင်တဲ့ အစိုးရသက်တမ်း၅နှစ်နီးပါးကာလမှာ ပရဲ့လူမျိုးစုတွေနေထိုင်ကြတဲ့ ဖရူဆိုအနောက်ဘက်ခြမ်းမှာ ဘာတွေပြောင်းလဲနေပြီလဲ။ လက်ရှိသူတို့ ရဲ့ လိုအပ်ချက်တွေနဲ့ တောင်းဆိုမှုတွေဘာတွေဖြစ်မလဲ။ ကန္တာရဝတီတိုင်း(မ်) ကနေ အဲဒီကဒေသခံတချို့ကို သွားရောက်တွေ့ဆုံမေးမြန်ခဲ့တဲ့ တာတွေကို တင်ပြပေးလိုက်ပါတယ်။

ဒေသန္တရအမိန့်တွေကို ရုတ်သိမ်းပေးဖို့ လွှတ်တော်ကော်မတီမှတဆင့် တင်ပြတောင်းဆို

နိုဝင်ဘာလ ၂၅ရက်နေ့က ကရင်နီလူ့အခွင့်အရေးအဖွဲ့အစည်းနဲ့ ကယားပြည်နယ်အရပ်ဖက်အဖွဲ့အစည်းတွေပူးပေါင်းပြီးတော့ “ ကယားပြည်နယ်အစိုးရအဖွဲ့မှ ထုတ်ပြန်ထားတဲ့ ဒေသန္တရအမိန့်” နဲ့စပ်လျဉ်းပြီးတော့ ကယားပြည်နယ်လွှတ်တော် တိုင်းရင်းသားလူမျိုးများ၏အခွင့်အရေးနှင့် သဘာဝပတ်ဝန်းကျင်ထိန်းသိမ်းကာကွယ်စောင့်ရှောက်ရေးကော်မတီနဲ့တွေ့ဆုံဆွေးနွေးပြီး ဆွေးနွေးပွဲကနေ ရလာတဲ့ တင်ပြချက်တွေကို လွှတ်တော်ဥက္ကဌထံ အစီရင်ခံစာပေးပို့သွားမှာဖြစ်တယ်လို့သိရပါတယ်။

Comments

comments