spot_img
Sunday, January 29, 2023
spot_img

အလယ်ကယန်းဒေသက ကိုယ်ထူကိုယ်ထကျောင်းမှာ စာရေးကိရိယာများ မလုံလောက်

spot_imgspot_imgspot_imgspot_img
ကရင်နီပြည် စစ်ရှောင် စခန်းတစ်နေရာက စာသင်ခန်းတစ်ခုကိုတွေ့ရစဉ်။

ကန္တာရဝတီတိုင်း(မ်)

အလယ်ကယန်းဒေသ တယု ကျေးရွာ မှာလည်း စစ်ရှောင်တွေနဲ့ ရွာခံ ကျောင်းသား/သူ တွေကို ပညာသင်ကြားပေးနေပြီး ဗလာစာအုပ်နဲ့ စာရေးကိရိယာတွေ မလုံလောက်တာကြောင့် အခက်အခဲဖြစ်နေတယ်လို့သိရပါတယ်။

” ရေးစာအုပ်လေးတွေ လိုနေတာပါ။ ဖတ်စာအုပ်ကတော့ လောက်ပါတယ်။
ဗလာစာအုပ်တွေမလောက်တော့ ရှိတာနဲ့ပဲ ရေးကြပါတယ်။ မိဘတွေကလည်း မဝယ်ပေးနိုင်ကြဘူး ဒီအချိန်က အလုပ်လည်းမရှိ ဝင်ငွေလည်းမရှိတော့ စာအုပ်ဝယ်ဖို့ ခက်ခဲနေကြတယ်။” လို့ စေတနာ့ဝန်ထမ်း ဆရာမတစ်ဦးကပြောပါတယ်။

ကျောင်းစဖွင့်တဲ့အချိန်မှာတော့ ကျောင်းသားတွေကို တစ်ယောက်ကို ၄ အုပ်နှုန်း ဝေပေးတာရှိပြီး ဘာသာရပ်များတော့ ဗလာစာအုပ်အရေအတွက် မလုံမလောက်တာကြောင့် အခက်အခဲဖြစ်နေတယ်လို့ဆိုပါတယ်။

ဗလာစာအုပ်အပြင် စာရေးကိရိယာဖြစ်တဲ့ ခဲတံ၊ ဘောပင်၊ ပေတံ၊ ခဲဖျက် နဲ့ ဆရာမတွေအတွက် ထိုင်ခုံ၊ စာသင်ပုန်း တွေလည်း လိုအပ်သေးကြောင်း သိရပါတယ်။

ဆရာမတွေအတွက် ထိုင်ခုံမရှိတာမို့ တစ်နေကုန် မတ်တပ်ရပ်ပြီး ကလေးတွေကို စာသင်ပေးရတယ်လို့ ဆရာမတွေက ဆိုကြပါတယ်။

အလယ်ကယန်းဒေသ တယု ကျေးရွာ က ဖွင့်ထားတဲ့ ကိုယ်ထူကိုယ်ထ စာသင်ကျောင်းမှာတော့ KG ကနေ အဋ္ဌမတန်းထိ သင်ကြားပေးနေပြီး ဆရာ/ ဆရာမ (၉) ဦးက စုစုပေါင်း ကျောင်းသားဦးရေ ၁၇၀ ဦးတို့ကို စာသင်ကြားပေးနေတာဖြစ်ပါတယ်။

ကရင်နီပြည်မှာ တိုက်ပွဲတွေပြင်းထန်နေတာကြောင့် ပြည်သူအများအပြား ဘေးလွတ်ရာကိုရွှေ့ပြောင်းရင်း ပညာရေးကိုလည် ၂ နှစ်နီးပါး ရပ်တန့်ခဲ့ရပါတယ်။ ယခုအချိန်မှာတော့ ကရင်နီပြည်နယ်အတွင်းရှိ စစ်ရှောင်စခန်းနေရာတော်တော်များများမှာ ကိုယ်ထူကိုယ်ထ စာသင်ကျောင်းတွေကို CDM ပညာရေးဝန်ထမ်းတွေနဲ့ စေတနာ့ဝန်ထမ်းတွေက ပညာသင်ကြားပေးနေတာတွေ ရှိလာပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...