spot_img
Wednesday, August 10, 2022
spot_img

အာဏာသိမ်းပြီး တစ်နှစ်နဲ့ လေးလအတွင်း ကရင်နီပြည်မှာ နေအိမ် တစ်ထောင်ကျော် ဖျက်ဆီးခံရမှုရှိလာ

spot_imgspot_imgspot_imgspot_img

လဲသျို့/ကန္တာရဝတီတိုင်း( မ် )

စစ်ကောင်စီက အာဏာသိမ်းပြီး တစ်နှစ်နဲ့ လေးလအတွင်း ကရင်နီပြည်မှာ နေအိမ် ၁၀၉၃ လုံး ဖျက်စီးခံရသွားပြီလို့ တိုးတက်သော ကရင်နီပြည်သူ့အင်အားစု ( PKPF ) က ဇွန်လ ၁ရက်နေ့မှာ ထုတ်ပြန်ထားပါတယ်။

နေအိမ်ပျက်စီးသွားတာဟာ ဒီးမော့ဆိုမြို့နယ်က အများဆုံးဖြစ်ပြီး အရေအတွက် အားဖြင့် ၅၀၀ကျော် ရှိတယ်လို့ လို့ ထုတ်ပြန်ချက်မှာ ဖော်ပြထားပါတယ်။

ဒီးမော့ဆိုမြို့နယ်ဟာ တိုက်ပွဲဖြစ်ပွားမှုပိုများတဲ့ မြို့နယ်ဖြစ်တဲ့အတွက် အခုလို နေအိမ်ပျက်စီးမှုများတာ ဖြစ်တယ်လို့ တိုးတက်သော ကရင်နီပြည်သူ့အင်အားစု ( PKPF ) တာဝန်ရှိသူ တစ်ဦးက ပြောပါတယ်။

“ ဘာဖြစ်လို့လဲဆိုရင် ကျနော်တို့ စစ်မြေပြင်မှာ ကျနော်တို့ မြင်သလောက်ဆိုရင် တိုက်ပွဲတွေ ပိုပြီးစိတ်တယ်ပေါ့နော။ တခြားပြည်နယ်တွေ ထက်စာရင် နောက်ပြီးတော့ နောက်တစ်ခုက ဒီးမော့ဆိုမြို့ နယ်မှာရှိတဲ့ ကျေးရွာတွေက တစ်ဆက် တစ်စပ်တည်း ဖြစ်တော့လေ တိုက်ပွဲဖြစ်ရင် တစ်ကြောလုံးဖြစ်တယ်ပေါ့နော။ ဆိုလိုချင်တာက နန်းမယ်ခုံကနေ ဟိုး ဒေါငံခါးအထိက ကျေးရွာ တစ်ဆက်တည်းပေါ့နော။ ကျေးရွာ နှစ်ဆယ်လောက်က ဆက်စပ်နေတယ်လေ။ အဲ့လိုမျိုး တစ်ဖက် တစ်ကြောလုံး တိုက်ပွဲဖြစ်တော့ အဲ့ဒီတစ်ကြောလုံး အိမ်တွေ ဘုရားကျောင်းတွေ ပျက်စီးတာတွေ ဖြစ်သွားတာပေါ့။ အဲ့ဒါကြောင့် အများကြီး ပျက်စီးသွားတာ ရှိတယ်လို့ ကျနော်တို့ မြင်တယ်။ “ လို့ PKPF တာဝန်ရှိသူတစ်ဦးက ပြောပါတယ်။

လက်ရှိမှာတော့ မြေပြင်မှာ ကိုယ်တိုင် သွားရောက်အချက်အလက်ကောက်ယူတာတွေ မြေပြင်မသွားနိုင်တဲ့ နေရာတွေကို ဖုန်းနဲ့ ဆက်သွယ်တာတွေ ပြုလုပ်ပြီး အချက်အလက်စုဆောင်းထားတယ်လို့ ၎င်းက ဆက်ပြောပါတယ်။

ကရင်နီပြည်မှာရှိတဲ့ ဘာသာရေးအဆောက်အအုံ ၂၀လုံးလဲ ထိခိုက်ပျက်စီးသွားတယ်လို့ ထုတ်ပြန်ချက်မှာ ဖော်ပြထားပါတယ်။

စစ်ကောင်စီနဲ့ ကရင်နီဒေသခံ ကာကွယ်ရေးတပ်ဖွဲ့တို့ တိုက်ပွဲတွေဖြစ်ပွားနေတဲ့ ကရင်နီပြည်မှာ စစ်ကောင်စီက လက်နက်ကြီး ပစ်ခတ်တာတွေ၊ စစ်ကြောင်းထိုးရင်းနဲ့ မီးရှို့ဖျက်စီးတာတွေ ပြုလုပ်လေ့ရှိပါတယ်။

ထုတ်ပြန်ချက်ထဲမှာ သတ်ဖြတ်ခံထားရတဲ့ အရပ်သားပြည်သူ ( ၂၃၉ ) ဦး ၊ စစ်ရှောင်ရင်း သေဆုံးသူ ( ၂၆ )ဦး၊ ဖမ်းဆီးခံရတဲ့ အရပ်သားပြည်သူ (၂၃၅) ဦး၊ ဘာသာရေးအဆောက်အုံးပျက်စီးခံမှု (၂၀)လုံး၊ ပျက်စီးသွားသည့်အိမ် (၁၀၉၃) လုံး၊ KNDF/PDF/KA ကျဆုံးသူ (၁၂၈ ) ဦး၊ တိုက်ပွဲအကြိမ်အရေတွက် ( ၃၁၈ ) ကြိမ်၊ လေကြောင်းတိုက်ခိုက်မှု (၁၂၃ )ကြိမ်၊ စစ်ကောင်စီ သေဆုံးသူ (၁၂၂၇) ဦး၊ စစ်ကောင်စီ ယာဥ်တန်ပျက်စီးမှု (၅၀) စီး ပျက်စီးခဲ့တယ်လို့ ဖော်ပြထားပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...