ဦးမြာ
မော်ချီးမြေပြိုမှုကြောင်း ရွေ့ပြောင်းနေထိုင်ကြရတဲ့ ဒေသခံတွေဟာ နေရာသစ်မှာ နေထိုင်ပြီး စီးပွားရေး လုပ်ကိုင်ရတာ အဆင်မပြေကြောင်း သိရပါတယ်။
မြေပြိမှုထဲအိုးအိမ်များ ဆုံးရှူံးသွားရတဲ့လူတွေကိုတော့ လက်ရှိမှာမော်ချီးဒေသနဲ့ လေးမိုင်ခန့်ဝေးတဲ့နေရာမှာ အလင်းတန်းကျေးရွာအမည်ဖြင့် ပြန်လည်နေရာချထားရေးကိုအစိုးရမှ ဆောင်ရွက်ပေးထားတာ ဖြစ်ပါတယ်။
“အဲ့ဒီမှာကသူတို့ချပေးတဲ့နေရာနဲ့က စီးပွားရေးလုပ်စားလ ို့မရဘူးစီးပွားရေးတစ်ခုဖြစ်ဖို့အတွက် ဝမ်းစာကိုရှာလို့မလွယ်ဘူး။ ကိုယ်တတ်ထားတဲ့ပညာနဲ့ အဲ့ဒီနားမှာလည်း လုပ်လို့မရဘူး။ ကျတော်ဆိုရင် ပရိဘောဂတတ်တယ် ကျတော့်မိန်းမဆိုရင် စက်ချုပ်တယ်။ အဲ့မှာအိမ်ခြေလေးငါးဆယ်လောက်နဲ့ ကျတော်တို့ ပရိဘောဂသွားလုပ်လို့ မရဘူးစက်ချုပ်လို့မရဘူး။ အဲ့ဒါကြောင့် နောက်ဆုံးဟိုမှာက စားဝတ်နေရေး ကျပ်တည်းလာတယ်။” ဟု အလင်းတန်းကျေးရွာတွင် နေထိုင်သူ ကိုဒိုးလုံးကပြောသည်။
မော်ချီးဒေသရှိဒေသခံများဟာသတ္တုကိုသာအဓိကကထားပြီးစားဝတ်နေရေးအတွက် လုပ်ကိုင်နေကြရတာ ဖြစ်ပါတယ်။
မြေပြိုမှုဖြစ်ပြီးနောက်ပို်င်းမှာအလုပ်ရှားပါးလာတဲ့အမျှ တစ်ပိုင်တစ်နိုင်စီးပွားရေးအဖြစ် ဈေးရောင်းလုပ်ကိုင်နေကြတဲ့ အိမ်ရှင်မတွေအတွက်လည်း ထိခိုက်မှုတွေ ရှိလာတယ်လို့ ဒေသခံတွေကပြောပါတယ်။
“အဲ့ဒီမှာဒီမြေပြိုမှု ဖြစ်သွားတဲ့နောက်ပိုင်းမှာဘာဖြစ်လဲဆိုတော့ ဒီအလုပ်အကိုင်တွေကတော့ ရှားပါးကုန်တယ်။ ရှားပါးကုန်တော့ ကျတော်တို့က မော်ချီးဒေသမိုင်းတွင်း ဧရိယာ သတ္တုအပေါ်မှာပဲ မှီခိုလုပ်ကိုင်နေရတာ လုပ်တဲ့အခါကျတော့ ပြင်ပအလုပ်သမားလည်း လာမလုပ်တော့ဘူး။ လာမလုပ်တော့ ဘာတွေကိုအကုန်ထိခို်က်လဲဆိုရင် ကျတော်တို့ ဒီမော်ချီးမှာသတ္တုမလုပ်ပဲနဲ့ ဈေးရောင်းဈေးဝယ်ပဲလုပ်တဲ့လူတွေ အကုန်လုံးက ကိုင်းကြိုးမှီတဲ့အနေအထားမှာ လုပ်ကိုင်ကြတာပေါ့ အဓိကကတော့ သတ္တုလုပ်ငန်းဖြစ်တဲ့အတွက် သတ္တုလုပ်ငန်းထိခို်က်သွားရင် အကုန်ထိခိုက်တာပေါ့ စီးပွားရေးလည်းထိခို်က်တယ်။” ဟု မော်ချီးဒေသခံ ကိုကောင်းဝေသိန်းကဆိုသည်။
မော်ချီးဒေသဟာ ယခင်အစိုးရလက်ထက်မှာ မြေပြိုမှု ဖြစ်ပွားခဲ့ပြီးနောက် ကျောင်းလေးကျောင်းကို ပိတ်ပင်လိုက်ပြီးအန္တာရယ်ဇုံအဖြစ် သတ်မှတ်ခြင်းခံခဲ့ရပါတယ်။
လက်ရှိမှာတော့ ကလေးတွေရဲ့ ပညာရေးအတွက် ယာယီကျောင်းအဖြစ် ဖွင့်လှစ်ထားပြီး ပြင်ပဆရာ၊မကို ဌါးရမ်းသင်ကြားပေးတယ်လို့ သိရပါတယ်။
