ပြည်နယ်တွင်းရှိ တောင်သူများ ဓာတ်မြေဩဇာအသုံးပြုမှု ၉၁ ရာခိုင်နှုန်းထိရှိ

မီမြာ

ကယားပြည်နယ်အတွင်း သီးနှံအထွက်တိုးရန် ဓါတုဓာတ်မြေဩဇာအသုံးပြုမှုသည့် တောင်သူများ ၉၁ ရာခိုင်နှုန်းထိ ရှိနေသည်ဟု ကရင်နီပြည်တောင်သူလယ်သမားသမဂ္ဂ၏ ပြုစုထားသည့် စာရင်းအရသိရှိရပါသည်။

ဓါတ်မြေဩဇာအသုံးပြုမှု၏ ဆိုးကျိုးကို တစိတ်တဒေသ သိရှိနားလည်သော်လည်း သီးနှံအထွက် တိုးစေရန် ဓါတ်မြေဩဇာကို သုံးရကြောင်း တောင်သူတစ်ဦးမှပြောသွားပါသည်။

“ဓါတ်မြေဩဇာကို သုံးရင်အန္တာရယ်ရှိတာသိပေမဲ့ မြေဩဇာကို မဖြစ်မနေသုံးရတယ်။ သီးနှံအထွက်တိုးဖို့ပေ့ါ။″ဟု တောင်သူတစ်ဦးမှ ပြောပါသည်။

ဓါတ်မြေဩဇာသုံးခြင်းဖြင့် သီးနှံအထွက်တိုးစေသော်လည်း ထွက်လာသည့်သီးနှံများသည် ဓါတ်မြေဩဇာ အသုံးပြုထားသည့်အတွက် ကျန်းမာရေးအတွက် လုံခြုံမှုမရှိနိုင်ကြောင်း၊ သီးနှံအရည်အသွေးအာနိသင်သည် သဘာဝအတိုင်းမဟုတ်တော့ဘဲ ဓာတုအဆိပ်များဖြင့်သာပြည့်နေကြောင်း ဟု ကရင်နီပြည်တောင်သူလယ်သမားသမဂ္ဂ ဥက္ကဌ ဦးတူရယ်မှ သဘာဝမြေဩဇာကိုမသုံးသင့်ကြောင်း ပြောသွားပါသည်။

” ဓါတ်မြေဩဇာသုံးပြီး သီးနှံထွက်တိုးတာက ငြင်းလို့မရပါဘူး။ မှန်ပါတယ်။ ဒါပေမဲ့တဖက်မှာက သူ့ရဲ့ဆိုးကျိုးတွေအများကြီးလိုက်လာတယ်။”ဟု ဦးတူရယ်က ပြောပါသည်။

ဓါတ်မြေဩဇာ၊ ပိုးသတ်ဆေးစသည်တို့အား အသုံးပြုလျှင် အကာအကွယ်ပစ္စည်းဖြစ်သော မားစ်၊ လက်အိတ်၊ ဘောဖိနပ် စသည်တို့ကို အသုံးပြုသင့်ကြောင်းနှင့် ကာကွယ်မှုမပါလျှင် ကျန်းမာရေးထိခိုက်စေနိုင်ကြောင်း ဦးတူရယ်မှ ဆက်လက်ပြောကြားသွားသည်။

” ဓါတ်မြေဩဇာကို ဖောက်ပြီးတော့သုံးရမယ်လို့ပြောပေမဲ့ ဆိုင်တွေမှာဖောက်ပြီးတော့ပိဿာလိုက်ရောင်းတာတို့ ကျနောတို့တွေ့နေရတယ်။ ဒါကမဖြစ်သင့်တဲ့အရာတွေလို့ ကျနောထင်တယ် ဒါအန္တာရယ်သိပ်များတယ်။”ဟု ဦးတူရယ်မှ ပြောသွားသည်။

ကရင်နီပြည်တောင်သူလယ်သမားသမဂ္ဂမှ စစ်တမ်းကောက်ယူမှုအရ ကယားပြည်နယ်ရှိ တောင်သူအများစုသည် ဓါတ်မြေဩဇာကိုအသုံးပြုကြပြီး ဓါတုမြေဩဇာ အသုံးပြုမှုသည်၉၁ ရာခိုင်နှုန်းရှိပြီး အသုံးပြုမှုမရှိသည်မှာ ၉ ရာခိုင်းနှုန်းသာရှိကြောင်း သိရသည်။

ကယားပြည်နယ်တွင် သဘာဝမြေဩဇာ စနစ်တကျ ထုတ်လုပ်သုံးစွဲရေးဥပဒေကို ၂၀၁၄ခုနှစ်၊ နိုဝင်ဘာလ ၂၈ရက်တွင် တရားဝင်ထုတ်ပြန်ပြဌာန်းပြီး ဖြစ်သည်။

Comments

comments

Next Post

လက်ရှိအစိုးရ တိုင်းရင်းသားတို့၏ အခွင့်အရေးမဖြည့်ဆည်းပေးနိုင်ဟုဆို

Mon Sep 30 , 2019
ဦးမြာ ကယား(ကရင်နီ)ပြည်နယ်အတွင်း တောင်သူများနှင့် စစ်တပ်တို့၏ တပ်သိမ်းမြေယာအငြင်းပွားမှု ကိစ္စရပ်များသည် လက်ရှိအစိုးရတွင် မဖြေရှင်းပေး နိုင်သည့်အတွက် တိုင်းရင်းသားတို့၏ အခွင့်အရေးကို မဖြည့်ဆည်းပေးနိုင်ကြောင်း ကယားပြည်နယ် ဒီမိုကရက်တစ်ပါတီမှ ဒုဥက္ကဌ ဦးစိုင်းနိုင်နိုင်ထွေးက ပြောပါသည်။ “တိုင်းရင်းသားအခွင့်အရေးကိုလုပ်တာ မဟုတ်ဘဲနဲ့ သူတို့အခွင့်အရးကိုထိန်းချုပ်ထားတယ်လို့ဘဲမြင်တယ်။ လက်ရှိတိုင်းရင်းသားအခွင့်အရေးလို့ ပြောတဲ့အခါကျရင် အဓိကလိုအပ်ချက်ကို ကျနောတို့တကယ်ဖြည့်ဆည်းပေးနိုင်တဲ့အနေအထားကို မတွေ့ရဘူး။” ဟု ဦးစိုင်းနိုင်နိုင်ထွေးက ပြောပါသည်။ မြေယာပြဿနာကိစ္စနှင့်ပတ်သက်ပြီး လက်ရှိတွင် ကယားပြည်နယ်အတွင်း စစ်တပ်က ပိုင်နက်ကျူးလွန်မှု ပုဒ်မ ၄၄၇ ဖြင့် ၁၁ဦး၊ ပြည်သူပိုင်ပစ္စည်းဖျက်ဆီးမှု ပုဒ်မ ၆/၁ ဖြင့် ၂ ဦး၊ ပုဒ်မ ၄၄၇နှင့် ပုဒ်မ ၆/၁ (ပုဒ်မ ၂ခု)ပေါင်းဖြင့် ၄ […]