မြန်မာနိုင်ငံတွင်းမှီတင်းနေထိုင်ကြသည့် ဗုုဒ္ဓဘာသာတိုင်းရင်းသားလူမျိူးများ တန်ဖိုးထားလေးစားသည့် မြန်မာအတာသင်္ကြန်ကား မေးခွန်းပေါင်းများစွာ၊ ငြင်းခုံမှုပေါင်းများစွာဖြင့် ပြီးဆုံးသွားခဲ့၏။
မြန်မာသင်္ကြန်သည် မြန်မာနိုင်ငံတွင် မြောက်များစွာသော ဓလေ့ထုံးတမ်းစဉ်လာ ပျော်ပွဲရွှင်ပွဲများအနက် သင်္ကြန်ပွဲတော်သည် မြန်မာနိုင်ငံသားတို့၏ အဓိက အားထားရာ ပျော်ပွဲရွှင်ပွဲတစ်ခုဖြစ်၏။ လူမျိုးစုံ၊ ဘာသာစုံ၊ နိုင်ငံသူ၊ နိုင်ငံသားများနှင့် မြန်မာနိုင်ငံသိုု့ရောက်ရှိနေသည့် နိုင်ငံခြားသားများပါ ပျော်ရွှင်စွာ ပါဝင်ဆင်နွှဲခဲ့ကြ၏။
ရန်ကုုန်ပြည်လမ်း အင်ယားကန်ဘေးတွင် အလှဆင်ထားသည့် ပုသိပ်ထီးများ ခုိုးယူခံခဲ့ကြရ၏။ အစုိုးရနှင့်တပ်မတော်တို့အား အပြုသဘောဝေဖန်သည့် မြန်မာ့ရုိုးရာသံချပ်အဖွဲ့တစ်ချို့ ပိတ်ပင်တားဆီးခံခဲ့ရ၏။ တစ်ချို့ကျောင်းသားလူငယ်များ ၆၆(ဃ)ဖြင့် တရားစွဲဆိုခံခဲ့ကြရ၏။ ဖောက်ထွင်းခံရမှု၊ လုယက်မှု၊ လူသတ်မှုများဖြစ်ပေါ်ခဲ့၏။ မည်သို့ပင် ၏ဖြစ်စေကာမူ လက်ရှိအစုိုးရမှ သင်္ကြန်ပွဲများကို နိုင်ငံရေးရည်ရွယ်ချက်နှင့် အတတ်နိုင်ဆုံး ကြိုးစားဆောင်ရွက်ခဲ့ပုံရ၏။
ပြည်နယ်နှင့်တိုင်းဒေသကြီး အစိုးရများအနေနှင့် နိုင်ငံတော်ဘဏ္ဍာငွေနှင့် လုပ်ငန်းရှင်များ၏ ပံ့ပုိုးကူညီမှုများနှင့် သင်္ကြန်ပွဲများ မြို့တုိုင်းလိုလိုတွင် အတတ်နိုင်ဆုံးစည်ကားသိုက်မြိုက်စွာ ကျင်းပခဲ့ကြ၏။ ပြည်နယ်အတွင်း ဖွံ့ဖြိုးရေးလုပ်ငန်းများလုပ်ကိုင်ရန် များစွာလိုအပ်နေသေးသော်လည်း သိန်းထောင်ချီပြီး သင်္ကြန်တွင်းအသုံးစရိတ် သုံးခဲ့သည်ကိုုတော့ လူထုအနေနှင့် ကျေနပ်နိုင်မည်မဟုုတ်ပေ။
မြန်မာရိုးရာအတာသင်္ကြန်ဟူသည်ကား ကုသိုလ်ကောင်းမှုများ၊ ဘုရားသွားကျောင်းတက် နှင့် သက်ကြီးရွယ်အိုများအား အရိုအသေပေးခြင်းတု့ိကို ပြုလုုပ်ခဲ့ကြ၏။ အုပ်ထိန်းသူမိဘများကုို အရိုအသေပေး ကန်တော့ခဲ့ကြ၏။
ဝန်ကြီးချုပ်ဟူသည်ကား ပြည်နယ်တစ်ခု၏အမိ၊ အဖ၊ လမ်းပြ၊ ထိန်းကျောင်းသူ၊ ဖွံ့ဖြိုးရေးလုုပ်ငန်းများ၏ မီးရှူးတန်ဆောင်ဖြစ်သင့်သည်ဟု ယုံကြည်၏။ မိမိတို့၏ ပုဂ္ဂိုလ်ရေးလွတ်လပ်မှုအရ၊ အရက်သေစာသောက်စားမှုနှင့် မူးယစ်ဆေးဝါး ကြိုက်နှစ်သက်သည်ရှိခဲ့ရင်တောင် လူသိရှင်ကြား လူမြင်ကွင်းလယ်တွင် မပြုလုပ်သင့်ပေ။ လူငယ်များကို အားပေးအားမြှောက်မလုပ်သင့်။ ထို့ထကဆိုးဝါးသည်မှာ ဗုဒ္ဓဘာသာ မြန်မာလူမျိုးတို့၏ အထွတ်အထိပ်ထားသည့် သင်္ကြန်ကဲ့သို့သော ဘာသာရေးပွဲတော်တွင် ဘီယာစတုဒီသာ ဝေငှတိုက်ကျွေးရဲသည့်အဆင့်အထိ ဖြစ်လာသည်မှာ ပြည်နယ်တွင်းရှိ လူထုများသာမက၊ မြန်မာတစ်နိုင်ငံလုံးရှိ ဗုုဒ္ဓဘာသာ မြန်မာလူမျိုးများအား စော်ကားရာရောက်၏။ အစိုးရတာဝန်ရှိသူတစ်ဦးအနေနှင့် (လုုံးဝ)မလုပ်သင့်သည့် ကိစ္စကို ကျူးလွန်ခဲ့ပြီဟု နားလည်ခဲ့ရ၏။
ထိုင်းနိုင်ငံသည် သင်္ကြန်ကျင်းပပုံခြင်း မြန်မာနိုင်ငံနှင့်ဆင်တူ၏။ မြန်မာနိုင်ငံကဲ့သို့ အရက်သေစာသောက်စားသူများ သင်္ကြန်ရက်တွင်းများပြား၏။ ယာဉ်မတော်တဆထိခိုက်မှုများ၊ ခိုက်ရန်ဖြစ်ပွာမှုများကြောင့် လူအသေအပျောက်များ၏။ အစိုးရအနေနှင့် အရက်ဘီယာရောင်းဝယ်မူများ သင်္ကြန်ရက်အတွင်း ကန့်သတ်၏။ လမ်းမကြီးများပေါ်တွင် စစ်ဆေးရေးဂိတ်များချထားပြီး အသက်သေစာသောက်ထား၊မထား စစ်ဆေး၏။ ဟန့်တားဆောင်ရွက်ပေးနေ၏။ လိုအပ်သည့်အပြစ်ပေး အရေးယူမှုများကို ဆောင်ရွက်လျှက်ရှိ၏။
ပြည်နယ်ဝန်ကြီးချုပ်တစ်ဦးအနေနှင့် လူမြင်ကွင်းတွင် ဘီယာဝေငှသည်ဆိုသည်မှာ မဖြစ်သင့်သည့် ကိစ္စတစ်ခုဟုနားလည်၏။ အဆိုပါ မဆင်မခြင်လုပ်ရပ်မျိုးများ၏ အခြေခံအကြောင်းတရားများသည် အဆိုပါ ပုဂ္ဂိုလ်၏ ပညာအရည်အချင်း၊ မိဘမျိုးရုိုး၊ လေ့လာဆည်းပူးမှု၊ နိုင်ငံတကာအတွေ့အကြုံများကြောင့်ဟု ထင်မိ၏။ ထို့အပြင် လူငယ်များနှင့် ပြည်နယ်သားများအပေါ် ထားသည့်စေတနာနှင့်လည်း သက်ဆိုင်ပတ်သက်လိမ့်မည်ဟု ထင်မိ၏။ ပို၍အရေးကြီးသည်မှာ ၎င်း၏သက်ဆိုင်ရာ ပါတီခေါင်းဆောင်များ၏ ဆုုံးမလမ်းညွှန်မှု၊ အပြစ်ပေးအရေးယူမှုများနှင့် ပိုပြီးသက်ဆိုင်လိမ့်မည်ဟုဆိုခြင်းက ပိုပြီးမှန်ကန်ပါလိမ့်မည်။
လူထုကို အဆိပ်အတောက်ဖြစ်စေမည့် ကိစ္စရပ်တစ်ခုအား မဆင်မခြင်ပြုလုပ်ခဲ့သည်ဟု နားလည်လက်ခံသင့်၏။ မိမိ၏လုပ်ရပ်အမှားအတွက် လူထုကို ဝန်ချတောင်းပန်သင့်ကြောင်း ရေးသားလိုက်ရပါသည်။
ထူးချစ်
(စာရေးသူသည် ရွှေ့ပြောင်းအလုပ်သမားအရေး ဆောင်ရွက်နေသူဖြစ်ပြီး ၂၀၀၈ ခုနှစ်၊ အမေရိကန်ပြည်ထောင်စုမှပေးသည့် အာသောက၊ လူ့အခွင့်အရေးဆု၊ ၂၀၁ဝခုနှစ်၊ ပြင်သစ်နိုင်ငံမှပေးသည့် လူ့အခွင့်အရေးဆုနှင့် ၂၀၁၄ခုနှစ် 7 DAY Hero ဆုများကို ရရှိထားသူဖြစ်ပါသည်။)
