spot_img
Sunday, May 22, 2022
spot_img

KNPP ထိန်းချုပ်နယ်မြေထဲက စစ်ရှောင်စခန်းမှာ ဆေးဝါးလိုအပ်နေ

ဓါတ်ပုံ – KnIC

ကန္တာရဝတီတိုင်း(မ်)

ကရင်နီအမျိုးသားတိုးတက်ရေးပါတီ (KNPP) ထိန်းချုပ်နယ်မြေထဲမှာရှိတဲ့ စစ်ရှောင်စခန်းတစ်ခုမှာ ကျန်းမာရေးအတွက်ဆေးဝါးလိုအပ်​နေတယ်လို့ ကရင်နီကျန်းမာရေးနှင့် ပညာရေးဝန်ကြီးဌာန မှတာဝန်ရှိသူ တစ်ဦးကပြောပါတယ်။

၎င်းက ” အားနည်းချက်တော့ ရှိတယ် ဆေးဝါးတွေပေါ့နော်။ သားဖွားတို့ မိခင်တို့ လိုမျိုး နာတာရှည် ရောဂါသည်လိုမျိုး ပန်းနာရင်ကျပ်တို့ တီဘီတို့ ကင် ဆာတို့ အရမ်းအခက်အခဲဖြစ်တယ်။ ရေရှည် နာတာရှည် ကုဖို့းဝေါးတွေ အခက်အခဲရှိတယ်။ နောက်ပြီးတော့မှ နောက်ပြီးအလှူရှင်ငလည်း မပေါ်လာသေးဘူးဆိုတော့ ကျနော်တို့ ဟို ဆယ့်ငါးရက်စာ ရက်နှစ်ဆယ်စာ တို့ပဲပေးနိုင်တာပေါ့နော်။ အလှူရှင်ကလည်း ပြည့်ပြည့်ဝ ဝ မထောက်ပံ့ပေးနိုင်ဘူးပေါ့။ ဆေးဝါးတွေအများကြီးလိုအပ်တယ်။ အားနည်းလျက်တွေ ပများကြီးလိုအပ်တာပေါ့လေး။ နောက်ပြီး ဥပမာ လူနာတွေလွှဲပြောင်းဖို့ ကိစ္စ တွေကလည်း ထိုင်းက လုံးဝ လက်မခံတော့ ကျနော်တို့လွှဲပြောင်းရတာခက်ခဲတယ်ပေါ့နော်။ ” လို့ပြောပါတယ်။

လက်ရှိ ငါးနှစ်အောက် ကလေးငယ်တွေမှာ နှစေးချောင်းဆိုး အအေးပတ်ပြီး ကိုယ်တွေလည်း မကြာခဏပူလို့ ဆေးတွေတိုက်နေရတယ်လို့ ကလေးမိခင် ဒေါ်ပိုးမယ်ကပြောပါတယ်။

“အရင်က ကလေးချောင်းဆိုးပျောက်းေဆးသွားတောင်ဖူးတယ် မရှိဘူးလိူ့ပြောတယ်လေး။ အခုတော့ ထပ်ပြီးချောင်းဆိုးတ့ဲအခါ သွားပြန်တောင်းတော့ ဆေးရပြီ အခုက ကုန်တောင်ကုန်တော့မယ်။ “

အဲ့ဒီအခြေခံဆေးဝါးတွေနဲ့ ရာသီဥတုကြောင့်ဖြစ်တဲ့ လည်ချောင်းနာ၊ ချောင်းဆိုး စတဲ့ ရောဂါတွေကို အဓိက ဆေးပေးကုသပေး​နေပေမယ့်လည်း ဆေးဝါးတွေ မလုံလောက်ဘူးလို့ ကရင်နီအမျိုးသမီးအစည်းအရုံး ( KNWO) ကအတွင်းရေးမှူး ( ၂ ) မော်ပရေးမြာ ကပြောပါတယ်။

” ဒီမှာက ဆေးဝါးမလုံလောက်ဘူးပေါ့နော်။ ဆေးတွေက ကလေးတွေဖျားပြီဆိုရင် ဒီချောင်းဆိုး နှာချည်ဆေးတောင်မှ မရှိဘူးပါ့နော်။ မရှိတ့ဲဟာမျိုးသူတို့ပေးလိုက်ပြီဆိုရင်နောက်တယောက်ထပ်လာမယ်ဆိုရင် အဆင်မ​ပြေ​ေတာ့ဘူးပေါ့။ လူနာတွေကလည်း ကျန်းမာဖို့အရမ်းအရေးကြီးနေတော့ အခုလည်း ကိုဗစ်ထပ်ဖြစ်လာတယ် ကြား​တော့ ပိုပြီးတော့ စိတ်ပူတာပေါ့။ “

လက်ရှိမှာတော့ ကိုဗစ်ကာလကြောင့် လိုအပ်တဲ့ ဆေးဝါးတွေကို ဝယ်ယူသယ်ဆောင်ဖို့အတွက် အခက်အခဲဖြစ်နေပြီး အခြေခံဆေးဝါးတွေကိုသာ သယ်ဆောင်နေရပါတယ်။

ကိုယ်ဝန်ဆောင်မိခင်တွေအတွက်ဆေးဝါးတွေ အစုံအလင်မရှိသလို ရောဂါကိုဓာတ်ခွဲဖို့ ဓာတ်ခွဲခန်းမရှိတဲ့အတွက် ရောဂါကိုခန့်မှန်းပြီးကုသနေရတယ်လို့ ဆိုပါတယ်။

၅နှစ်အောက်ကလေးငယ်တွေကို ကာကွယ်ဆေးထိုးနှံဖို့လည်း ဆေးဝါးမရှိသလို သူတို့အတွက် ဆေးရည်တွေလည်းလိုအပ်နေတယ်လို့ သိရပါတယ်။

ရောဂါတွေအတွက် ဆေးဝါးမရှိပဲ အခြားဆေးခန်းကို လွဲပြောင်းရတာတွေလည်းရှိပါတယ်။

စစ်ရှောင်စခန်းမှာ ကိုယ်ဝန်ဆောင်မိခင် ၁၀ ဦးရှိပါတယ်။ ငါးနှစ်အောက်ကလေးတွေက ၇၀ ကျော်ရှိပါတယ်။

ယခုဆိုရင် ၎င်း ကရင်နီအမျိုးသားတိုးတက်ရေးပါတီ ထိန်းချုပ်နယ်မြေထဲ စစ်ဘေးဒုကသည် တစ်ထောင်ကျော်အထိရှိလာပါတယ်။

spot_imgspot_imgspot_imgspot_img

More from the blog

ယမန့်နေ့ ဖယ်ခုံမြို့ နယ်အတွင်း တိုက်ပွဲ တနေ့ကုန်ဖြစ်ပွား၊ နန့်ပေါ်လုံကျေးရွာက နေအိမ်တချို့ မီးရှို့ခံရ

လဲသျှို့ / ကန္တာရဝတီတိုင်း( မ် ) ယမန်နေ့ (မေလ ၂၀) ရက်နေ့) ဖယ်ခုံမြို့နယ်မှာ တနေကုန် တိုက်ပွဲဖြစ်ပွားခဲ့ပြီး နန့်ပေါ်လုံကျေးရွာက နေအိမ်တွေကို စစ်ကောင်စီက မီးရှို့ခဲ့တယ်လို့ ကရင်နီ ဒေသခံ ကာကွယ်ရေးတပ်ဖွဲ့တွေကပြောပါတယ်။ “သူတို့ အဲ့မှာ တိုက်ပွဲဖြစ်တယ်လေ။ မနေ့ညက တစ်နေကုန်ပဲ သူတို့ပြောတာပဲ။ တစ်နေကုန်ဖြစ်တယ်လေ။...

ဖယ်ခုံအင်း အရှေ့ဖက်ကမ်းရှိ ကျေးရွာ ၁၅ ရွာမှ ဒေသခံ ၅ ထောင်နီးပါး စစ်ဘေးရှောင်နေရ၊ နေရာထိုင်ခင်းနှင့် စားနပ်ရိက္ခာ အရေးပေါ် လိုအပ်

ကန္တာရဝတီတိုင်း(မ်) ရှမ်း-ကရင်နီနယ်စပ် ဖယ်ခုံအင်း အရှေ့ဖက်ကမ်းရှိ ကျေးရွာ ၁၅ ရွာမှ ဒေသခံ ၅ ထောင်နီးပါး စစ်ဘေးရှောင်နေရပြီး နေရာထိုင်ခင်းနဲ့ စားနပ်ရိက္ခာ အရေးပေါ် လိုအပ်နေတယ်လို့ ကရင်နီပြည် စစ်ဘေးရှောင်ကူညီစောင့်ရှောက်ရေး ကွန်ရက်မှ တာဝန်ရှိသူထံကနေ သိရပါတယ်။ “ခန့်မှန်းခြေကတော့ ကျနော်တို့ စာရင်းရသလောက်တော့ ၅ ထောင် ဝန်းကျင်လောက်ရှိတယ်။...

ဒီးမော့ဆိုအနောက်ခြမ်းရှိ စစ်ရှောင်စခန်း တစ်နေရာမှာ ရိက္ခာပြတ်လုနီးပါးဖြစ်နေ

ကန္တာရဝတီတိုင်း(မ်) ကရင်နီပြည်၊ ဒီးမော့ဆိုအနောက်ခြမ်း၊ ဆောင်ဒူလာအုပ်စုအတွင်းရှိ စစ်ရှောင်စခန်းတစ်နေရာမှာ ဆန်၊ ရိက္ခာခြောက်တွေ မရောက်လာတော့တာကြောင့် ပြတ်လုနီးပါးအခြေအနေနဲ့ ကြုံနေရတယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လက်ရှိမှာတော့ လူတစ်ဦးကို ဆန်တစ်ပြည်ဝေပေးပြီး နှစ်ပတ်စာအဖြစ် ချွေတာစားဖို့ စီမံထားရတယ်လို့ ဆိုပါတယ်။ “ ကျနော်တို့ ထုတ်ပေးတာက လူဦးရေနဲ့ ထုတ်ပေးပေမယ့်လည်း အကန့်အသတ်တော့ ရှိတာပေါ့နော။ ဘာလို့လဲဆို...

တပ်မ၆၆က တပ်သားတစ်ဦး KNDF ထံ လက်နက်နဲ့အတူ CDM ပြုလုပ်

ကန္တာရဝတီတိုင်း( မ် )စစ်ကောင်စီတပ်မ ၆၆ က တပ်သားတစ်ဦးဟာ KNDF B-16 ထံကို MA-1 သေနတ် ၁လက်၊ ကျည်ဘောက်တစ်ဘောက်၊ ကျည်ဆံ ၇၁တောင့် နဲ့အတူ CDM ပြုလုပ်ခိုလှုံခဲ့တယ်လို့ KNDF B-16 တာဝန်ရှိသူ တစ်ဦးက ပြောပါတယ်။မေလ ၁၆ရက်နေ့မှာ...