CJ(ကန္တာရဝတီတိုင်း(မ်))
ကရင်နီပြည်၊ ဖရူဆိုမြိုနယ်အတွင်းက ကျေးရွာလေးရွာ အနီးအနားမှာ ဖေဖော်ဝါရီလဒုတိယပတ်ကစပြီး တောမီး ရက်ဆက်လောင်နေတာကြောင့် ကျေးရွာအတွင်း မီးကူးစက်မှာကို ဒေသခံတွေက စိုးရိမ်ပူပန်နေကြတယ်လို့ သိရပါတယ်။
ဖရူဆိုမြို့တွင်းနဲ့ မြို့ပတ်လမ်းအနီးအပါအဝင် ကျေးရွာတချို့တွေမှာ စစ်ကောင်စီတပ်စွဲနေရာယူထားပြီး မြေမြှုပ်မိုင်းထောင်ထားခဲ့တာကြောင့် ကျေးရွာဒေသခံတွေဟာ သန့်ရှင်းရေးပြန်မလုပ်နိုင်ကြတာဖြစ်ပါတယ်။
ဒေသခံတွေဟာ နေရပ်မပြန်နိုင်တာ ၂နှစ်ကျော်ရှိနေပြီး တောမီး၊ ရှို့မီးတွေကတဆင့် ကျန်ခဲ့တဲ့နေအိမ်တွေ မီးလောင်သွားမှာကို စိုးရိမ်နေကြတာပါ။
ဖရူဆိုက ကျေးရွာတချိုမှာတော့ “သတ်မှတ်ဧရိယာအတွင်း မီးသတိပြုဖို့ ၊ မီး အန္တာရာယ် ကာကွယ်တားဆီးနိုင်ဖို့၊ တောမီးမရှို့ဖို့” လိုက်လံတားမြစ်ထားတယ်လို့ ဒေသခံတွေက ဆိုပါတယ်။
ပြီးခဲ့တဲ့ ၂၀၂၃ ခုနှစ် ဖေဖော်ဝါရီလအတွင်း ဖရူဆို၊ မြန်မာ့ဆက်သွယ်ရေးရုံး အနီးမှာ တောမီးလောင်ရာကနေ လူနေအိမ် တချို့ မီးလောင်သွားတာ ရှိခဲ့ဖူးပါတယ်။ နှစ်စဉ် ဖရူဆိုမြို့နယ်အတွင်းမှာ တောမီးလောင်မှု ဖြစ်ပွားနေတယ်လို့ သိရပါတယ်။