မူအက်စတာ ဒီးမော့ဆိုမြို့နယ်၊ ဒီး/ကျေးအုပ်စု၊ ဒေါငံခါးရပ်ကွက်တွင် ဩဂုတ်လ ၂၃ ရက်က မူးယစ်ဆေးဝါးများ ထပ်မံဖမ်းဆီးရရှိမိကြောင်း ဒီးမော့ဆိုမြို့နယ် မြို့မရဲစခန်း မှုခင်းမှတ်တမ်းများအရ သိရသည်။ ဒီးမော့ဆိုမြို့နယ် ၊ ဒီး/ကျေးအုပ်စု၊ ဒေါငံခါး(၄)ရပ်ကွက်နေ ဇိုဝါးနီ(ခ)ဖားကယ် မှာ ၎င်း၏နေအိမ်တွင် မူးယစ်ဆေးဝါးသုံးစွဲနေကြောင်း သတင်းရရှိသဖြင့် မြို့မရဲစခန်းမှ သက်သေများနှင့်အတူ ဝင်ရောက်ရှာဖွေရာ နေအိမ်အတွင်း သိမ်းဆည်းထားသော မူးယစ်ဆေးဝါးများ တွေ့ရှိ ဖမ်းဆီးနိုင်ခဲ့ခြင်းဖြစ်သည်။ ဇိုဝါးနီ(ခ)ဖားကယ်၏ နေအိမ်အတွင်းမှ (WY) စာတမ်းပါ ပန်းရောင်စိတ်ကြွရူးသွပ်ဆေးပြား(၁၂)ပြား၊ ခန့်မှန်း    အလေးချိန်(၁.၀၈)ဂရမ်၊ ကာလတန်ဖိုး(၁၈၀၀၀)ကျပ်ခန့်အား ရှာဖွေတွေ့ရှိခဲ့သည်။ ၎င်းအမှုကို ဒီးမော့ဆိုမြို့နယ် မြို့မရဲစခန်းမှ ပုဒ်မ ၁၅/၁၆(ဂ)ဖြင့် အမှုဖွင့်ထားပြီး ဒုရဲအုပ်သူရကျော်မှ စစ်ဆေးလျှက်ရှိသည်။

မူအက်စတာ ကယားပြည်နယ်၊ ဒီးမော့ဆိုမြို့နယ်၊ အိုကေအုပ်စု၊ သာယပ်ကျေးရွာတွင် ဩဂုတ်လ ၁၂ရက်နေ့ နံနက်(၀၁းဝ၀)အချိန်တွင် မူးယစ်ဆေးဝါးနှင့် အခြားသက်သေခံပစ္စည်းများ ထပ်မံဖမ်းမိခဲ့ကြောင်း ဒီးမော့ဆိုမြို့နယ်၊ မြို့မရဲစခန်း၊ ရဲမှတ်တမ်းများမှ သိရှိရ သည်။ ဒီးမော့ဆိုမြို့နယ် အိုကေအုပ်စု၊ သာယပ်ကျေးရွာနေ ဦးသာရှို(ခ)မောင်ရှို၏နေအိမ်တွင် မူးယစ်ဆေးဝါးရောင်း ဝယ်နေကြောင်းနှင့် သုံးစွဲသူများ ရောက်ရှိနေကြောင်း သတင်းရရှိသဖြင့် မြို့နယ်ရဲတပ်ဖွဲ့မှူး၏ မူယစ်ဆေးဝါးရှာဖွေ ဖမ်းဆီးခွင့်ဝရမ်းအမှတ်(၁/၂၀၁၆)ဖြင့် သက်သေများနှင့်အတူ ဦးသာရှို၏နေအိမ်သို့ ဒီးမော့ဆိုမြို့မ ရဲစခန်းမှ စခန်းမှူး ဒုရဲမှူးစိုးမိုးနိုင်ဦးစီးတပ်ဖွဲ့ဝင်များက သွားရောက်ဖမ်းဆီးခဲ့ကြောင်း သိရသည်။ သာရှို၏နေအိမ်တွင် သာရှို၊ စောသာထူး၊ မောင်သန်း၊ မောင်ယုန်းတို့အား တွေ့ရှိရပြီး (WY) စာတန်းပါ ပန်းရောင်စိတ်ကြွရူးသွပ်ဆေးပြား(၂၁၇)ပြား ခန့်မှန်းတန်ဖိုးငွေ ကျပ်(၃၀ဝ ဝ၀ဝ )ခန့်၊ ပွိုင့် […]