spot_img
Tuesday, January 31, 2023
spot_img

ကယား(ကရင်နီ)ပြည်နယ်မှာ တိုက်ပွဲပေါင်း ၆၀ ဖြစ်ပွားခဲ့

spot_imgspot_imgspot_imgspot_img
ရှေ့တန်းတွင် မြင်တွေနေရသည့် KNDF တပ်ဖွဲ့ (ဓါတ်ပုံ – KNDF)

ကန္တာရဝတီတိုင်း(မ်)

ကယား(ကရင်နီ)ပြည်နယ်မှာ အာဏာသိမ်းတဲ့ကာလအတွင်းမှာ ပြည်နယ်တွင်းက ကရင်နီအမျိုးသားကာကွယ်ရေးတပ်၊ ကရင်နီတပ်မတော် တို့နဲ့ တိုက်ပွဲပေါင်း ၆၀ ဖြစ်ပွားခဲ့တယ်လို့ PKPF (သတင်းနှင့် ပြန်ကြားရေးဗျူရို) လူမှုကွန်ယက်စာမျက်နှာမှာ ထုတ်ပြန်ထားပါတယ်။

တိုက်ပွဲဖြစ်ပွားခဲ့တဲ့ အကြောင်းရင်း အများစုကတော့ စစ်ကောင်စီကို ချုံခိုတိုက်ခိုက်ခဲ့တာတွေ များတယ်လို့ ကရင်နီအမျိုးသားကာကွယ်တပ် KNDFမှ ပြောဆိုခွင့်ရှိသူတစ်ဦးက ကန္တာရဝတီတိုင်း(မ်)ကို အခုလိုပြောပါတယ်။

” အဓိကက အရင်တလောတုန်းက ဒီးမောဆိုမှာ ဖြစ်တဲ့ဟာတွေတော့ အပြန်အလှန်ချုံခိုတိုက်မှု ဖြစ်တဲ့ ရင်ဆိုင်တိုက်ပွဲတွေပါ အဲ့တာတွေကတော့။ နောက်ပိုင်း တိုက်ပွဲတွေကတော့ ကျနောတို့ ချုံခိုတိုက်ခိုက်တဲ့ တိုက်ပွဲတွေ ပိုများလာတာပေါ့လေ။တချို့ စစ်ကောင်စီဘက်က စစ်ကြောင်းထိုးလို့ ကျနောတို့ တိုက်ပွဲလုပ်လိုက်ရတဲ့ဟာတွေတော့ နည်းနည်းပါးပါးတော့ ရှိပါတယ်ဗျာ။ “

တိုက်ပွဲကြောင့် ဒေသခံပြည်သူ တစ်သိန်းကျော်လောက်က စစ်ဘေးရှောင်နေရဆဲဖြစ်ပါတယ်။ အကြမ်းဖက် စစ်ကောင်စီဖက်ကနေလည်း အခုရက်ပိုင်းတွေမှာ အင်အားဖြည့်တင်းတာတွေရှိနေပြီး လွိုင်လင်ဖက်မှာ လူဦးရေ ၃၀၀၊ ဖယ်ခုံဖက်မှာ လူဦးရေ ၂၀၀ ဝန်းကျင်လောက်နဲ့ ဒီကနေ့ ဒီးမော့ဆို အနောက်ဘက်မှာလည်း အင်အားဖြည့်တင်းနေတာတွေ ရှိနေတယ်လို့ KNDFက ဆိုပါတယ်။

အကြမ်းဖက် စစ်ကောင်စီဖက်က အင်အားတွေ ဖြည့်တင်းလျက်ရှိနေတဲ့အပေါ် တိုက်ပွဲတွေ ထပ်မံ ဖြစ်လာနိုင်ကြောင်း KNDFက ပြောပါတယ်။

” စစ်ရေးအခြေအနေကတော့ တင်းမာတယ်။ ဒီအနေအထား ကတော့ တစ်နေရာမဟုတ် တစ်နေရာကတော့ တိုက်ပွဲတွေ ဖြစ်မယ့် ရာခိုင်နှုန်း ပိုပြီးတော့ သေချာပါတယ်။ ဒီအနေအထားကတော့။ စစ်ကောင်စီရဲ့ လှုပ်ရှားမှုက ပိုပြီးတော့ စိပ်လာတယ်။ လူတွေကလည်း ပိုပြီးတော့ဖြည့်ထားတဲ့အတွက် ရင်ဆိုင်တိုက်ပွဲတွေတော့ ဖြစ်မှာပါပဲ အနှေးနဲ့ အမြန်ပေါ့လေ။ “

တိုက်ပွဲ ၆၀ မှာ လွိုင်လင်လေး(၈)ကြိမ်၊ လွိုင်ကော်(၁၃)ကြိမ်၊ ဒီးမော့ဆို(၁၆)ကြိမ်၊ ဖရူဆို(၉)ကြိမ်၊ ဘောလခဲ(၅)ကြိမ်၊ မိုးဗြဲ(၅)ကြိမ်၊ ဖယ်ခုံ(၄)ကြိမ် ဖြစ်ပွားခဲ့ပါတယ်။ တိုက်ပွဲကြောင့် နေအိမ်(၂၄၃)လုံး နဲ့ ကက်သလစ်ဘုရားကျောင်း(၅) ကျောင်း ပျက်စီးခဲ့ပါတယ်။ အဖမ်းဆီးခံရသူ ၁၂၄ဦးရှိပြီးတော့ သေဆုံးသူ ၈၃ဦးရှိပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...