spot_img
Monday, February 6, 2023
spot_img

ကရင်နီပြည်က စစ်ဘေးရှောင်ကလေးငယ် ၂၀၀ ဝန်းကျင် အာဟာရချို့တဲ့မှုရှိနေ

spot_imgspot_imgspot_imgspot_img

လဲသျို့ /ကန္တာရဝတီတိုင်း( မ် )

ကရင်နီပြည်က စစ်ရှောင်ကလေးငယ် ၂၀၀ ဝန်းကျင်ဟာ လုံလောက်တဲ့ အာဟာရမရရှိပဲ အာဟာရချို့တဲ့နေတယ်လို့ လူထုကျန်းမာရေးနှင့်ဖွံ့ဖြိုးရေးကွန်ယက် CHDN ဒါရိုက်တာ ဆရာဖိလစ်က ပြောပါတယ်။

ဒါဟာ CHDN နယ်မြေအတွင်း လက်လှမ်းမီ သလောက် ကောက်ယူထားတဲ့ စာရင်းဖြစ်ပြီး ဒီထက်ပိုများနိုင်တယ်လို့ ဆရာဖိလစ်က ဆက်ပြောပါတယ်။

“တစ်ရက်မှာ ထမင်းသုံးကြိမ်မစားရဘူး။ ထမင်းတွေ ပုံမှန်မစားရဘူး။ တစ်ခါတလေ စားရတာကလည်း ဆန်ပြုတ်တို့ အဲ့လိုမျိုးတွေ ဖြစ်တော့ အချိန်ကာလကြာလာတာနဲ့အမျှ အထူးသဖြင့် အမျိုးသမီးတွေနဲ့ ကလေးတွေအပေါ်မှာ အာဟာရချို့တဲ့တဲ့ ပြဿနာတွေအများကြီး ဖြစ်လာတယ်။” လို့ CHDN ဒါရိုက်တာ ဆရာဖိလစ်က ပြောပါတယ်။

ကရင်နီပြည်အတွင်းက စစ်ဘေးရှောင်စခန်းတစ်ခု

CHDN ကနေ စစ်ရှောင် ကလေးငယ်တွေကို လက်မောင်းအမှတ်တိုင်းတာ တာ၊ ကိုယ်အလေးချိန်နဲ့ အရပ်အမောင်းတိုင်းတာပြီး စစ်ဆေးပေးနေတာတွေရှိတယ်လို့ဆိုပါတယ်။

ကရင်နီပြည်တွင်းက တချို့ ဒေသတွေမှာ လမ်းပန်းဆက်သွယ်ရေးမကောင်းတာအပြင် စစ်ကောင်စီရဲ့ ပိတ်ဆို့ထားမှုတွေကြောင့် ရိက္ခာ အခက်ခဲရှိတဲ့ စစ်ရှောင်စခန်းတွေရှိနေပါတယ်။

ဖရူဆိုအနောက်ဘက်ခြမ်းမှာရှိတဲ့ စစ်ရှောင်တစ်ဦးကတော့ ကလေးငယ်တွေ ယခင်ကထက် အာဟာရချို့တဲ့သူတွေ ပိုများလာတယ်လို့ ဆိုပါတယ်။

“ ဒီဖက်စစ်ရှောင်စခန်းက ကလေးတွေက အာဟာရမပြည့်၀တာကြောင့် ပိန်လှီပြီး ပေါင်ချိန်မပြည့်တာတွေ ရှိတယ်။ လှုပ်ရှားမှုနှေးကွေးတာတွေ အမြဲလိုလိုဖျားနာတာတွေ စာသင်ရင် မလိုက်နိုင်တာမျိုးတွေ တချိန်လုံး ထုံထိုင်းတာတွေ ရှိတယ်။” လို့ စစ်ရှောင်တစ်ဦးက ဆိုပါတယ်။

ဒါ့အပြင် စစ်ရှောင်စခန်းမှာ လုံလောက်တဲ့ ဆေးဝါးကုသမှုတွေမရရှိကြရသလို လုံလောက်တဲ့ အာဟာရတွေလည်း မစားသုံးရဘူးလို့ ဆိုပါတယ်။

“ အာဟာရဖြစ်မုန့်တွေမစားရဘူး။ အသားတွေ သိပ်မစားရဘူး။ ပြီးတော့ ရက်တိုင်းက ဒေသထွက်ဟင်းတွေပဲ စားရတယ်။ အခုချိန်က ဟင်းသီးဟင်း ရွက်တွေလည်း မပေါ်သေးဘူးလေ။ ပဲဟင်း (ပဲစေ့) ပဲနေ့တိုင်းစားရတယ်။ ဟင်းရည်ချက်လိုက် ထောင်းစားလိုက်။ ဟင်းရည်လဲဒါ၊ အထောင်းလဲဒါပေါ့။ “ လို့ စစ်ရှောင်တစ်ဦးကပြောပါတယ်။

တိုက်ပွဲအတွင်းဖြစ်စေ၊ စစ်ကြောင်းထိုးရင်းဖြစ်စေ စစ်ကောင်စီက ဒေသခံနေအိမ်မီးရှို့တာတွေရှိနေတဲ့အတွက် ဒေသခံတွေဟာ ပြန်ယူစရာ ရိက္ခာတွေလည်းမရှိတော့ပါဘူး။

ကရင်နီပြည်မှာ အာဏာသိမ်းပြီးနောက် စစ်ကောင်စီနဲ့ ကရင်နီဒေသခံ ကာကွယ်ရေးပူးပေါင်းတပ်ဖွဲ့တို့ အကြား တစ်နှစ်ကျော်ကြာ တိုက်ပွဲတွေ ဖြစ်ပွားနေပြီး ဒေသခံ နှစ်သိန်းနီးပါး စစ်ဘေးရှောင်နေရပါတယ်။ စစ်ဘေးရှောင်ဦးရေဟာ ကရင်နီပြည်လူဦးရေရဲ့ ၅၁ရာခိုင်နှုန်းရှိနေပါတယ်။

စစ်ကောင်စီဟာ စစ်ရှောင်တွေရဲ့ စားနပ်ရိက္ခာနဲ့ ဆေးဝါးတွေကို ဖြတ်တောက်တာ၊ ကန့်သတ်တာတွေပြုလုပ်နေသလို ဒေသခံတွေ သိုလောင်ထားတဲ့ ရိက္ခာတွေကိုလည်း မီးရှို့ဖျက်စီးတာ ပြုလုပ်နေပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...