spot_img
Wednesday, August 10, 2022
spot_img

ကျန်းမာရေးစောင့်ရှောက်မှု လုပ်ငန်းအတွက် သယ်ယူပို့ဆောင်ရေးယာဉ်တွေလိုအပ်နေ

spot_imgspot_imgspot_imgspot_img


ကန္တာရဝတီတိုင်း(မ်)


စစ်ရှောင်ပြည်သူတွေအတွက် ကျန်းမာရေး စောင့်ရှောက်မှုတွေ ပေးနေတဲ့ နေရာမှာ အသုံးပြုဖို့ သယ်ယူပို့ဆောင်ရေးယာဉ်တွေလိုအပ်နေတယ်လို့ မူကယန်းလူမှုကူညီရေးအသင်းကပြောပါတယ်။


“ကျမတို့ ရိက္ခာတွေလည်းဝေရတယ်။ ပြီးတော့ နောက်တခု ခါကျတော့ အရေးပေါ်လူနာတွေ ရှိရင် ကျမတို့က သွားရတယ်အဲခါကျတော့ ကားက တစ်စီးထဲပဲဖြစ်နေတာပေါ့နော်။ အခုခါကတော့ ကားအခက်အခဲလည်း ရှိတယ်။” လို့ မူကယန်းလူမှုကူညီရေးအသင်းက စေတနာ့ ဝန်ထမ်းတစ်ဦးက ပြောပါတယ်။


မူကယန်း လူမှု ကူညီရေးအသင်းဟာ ဒီးမော့ဆိုအနောက်ဖက်ခြမ်းမှာ စစ်ရှောင်ပြည်သူတွေကို ကျန်းမာရေးစောင့်ရှောက်မှု အပါအဝင် အာဟာရတိုက်ကျွေးတာတွေနဲ့ ရိက္ခာပေးဝေတာတွေ လုပ်ဆောင်ပေးနေတဲ့အဖွဲ့ဖြစ်ပါတယ်။

လက်ရှိ စစ်ရှောင်စခန်းတွေမှာ ဆေးဝါးလိုအပ်ချက်တွေ၊ မိုးရာသီအတွက် ခြင်ထောင်တွေလည်း လိုအပ်နေတယ်လို့ သူက ဆက်ပြောပါတယ်။


“ ကျမတို့ mobile trip သွားနေတဲ့ အချိန်မှာပေါ့နော်။ ဒီနာတာရှည်ရောဂါသည်တွေရှိတာပေါ့နော်။ ဆေးကို စွဲသောက်ရတဲ့လူနာတွေပေါ့နော်။ အဲဒါကို ကျမတို့က အဲဒါကို ထိထိရောက်ရောက်ပေးပို့ရယ် တလစာ နှစ်လစာပေးဖို့ထက် ကျမတို့က တစ်ပတ် နှစ်ပတ်စာ ပေးဖို့လောက်ပဲ ပေးနိုင်တဲ့အခြေအနေမှာရှိတယ်။ အဲခါကျတော့ ကျမတို့ ဆေးဝါးအရမ်းလိုအပ်ခဲ့ပါတယ်။ “ လို့ မူကယန်းလူမှုကူညီရေးအသင်းက စေတနာ့ဝန်ထမ်းတစ်ဦးက ပြောပါတယ်။


ကရင်နီပြည်က စစ်ရှောင်တွေမှာ ဆေးဝါးအချိန်မှီကုသခွင့်မရလို့ အသက်သေဆုံးခဲ့ရတယ် စစ်ဘေးရှောင်တွေလည်းရှိနေတယ်လို့  ကျန်းမာရေးစောင့်ရှောက်မှုပေးနေတဲ့ အဖွဲ့တချို့ဆီကနေသိရပါတယ်။

တိုးတက်သော ကရင်နီပြည်သူ့အင်အားစု ( PKPF ) ရဲ့ ဇွန်လ ၉ရက်နေ့ ထုတ်ပြန်ချက်အရ စစ်အာဏာသိမ်းပြီးနောက်ပိုင်း စစ်ဘေးရှောင်ရင်း သေဆုံးခဲ့ရတဲ့ အရပ်သားပြည်သူ ၁၁ဦး ရှိတယ်လို့ ဆိုပါတယ်။


ကရင်နီပြည်မှာ တစ်နှစ်ကျော်အတွင်း တိုက်ပွဲတွေပြင်းထန်ခဲ့ပြီး လူဦးရေ ထက်ဝက်ကျော်ဟာ တောထဲတောင်ထဲ စစ်ရှောင်နေရကာ ဆေးဝါးမလုံလောက်မှုကြောင့် သေဆုံးခဲ့ရသူတွေလည်း ရှိခဲ့ပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...