spot_img
Sunday, February 5, 2023
spot_img

စစ်ဘေးရှောင်တွေရဲ့ လိုအပ်ချက်တွေကို ကူညီနိုင်ဖို့ အတွက် နှီးနှောဖလှယ်ပွဲပြုလုပ်

spot_imgspot_imgspot_imgspot_img



ကန္တာရဝတီတိုင်း ( မ် )

စစ်ဘေးရှောင်ရှိရာစခန်းတွေကို အကူအညီပေးနိုင်ဖို့အတွက် စစ်ဘေးရှောင်ရေးရာ နှီးနှောဖလှယ်ပွဲကို ကရင်နီပြည် အနောက်ဘက်ခြမ်းတစ်နေရာမှာ နှစ်ရက်တာ ကျင်းပပြုလုပ်ခဲ့တယ်လို့ စစ်ရှောင်းရေးရာ ကူညီပါဝင်သူတစ်ဦးက ပြောပါတယ်။

“တစ်ဖွဲ့နဲ့ တစ်ဖွဲ့ကို တစ်လကို တစ်ကြိမ်၊ တစ်ကြိမ်တွေ့ဆုံဆွေးနွေးတဲ့ဟာပေါ့နော။ ဘယ်ဖက်ရောက်လဲ၊ ဘယ်ဖက်မရောက်လဲ။ ပစ္စည်းက နေရာတိုင်းရအောင် အဲ့လိုမျိုးပေါ့နော။ ပြီးတော့မှ အဆင်ပြေအောင် မထပ်အောင် အဲ့လိုမျိုးတွေပါတယ်ပေါ့နော။” လို့ စစ်ရှောင်ကူညီသူ တစ်ဦးက ပြောပါတယ်။

ပြီးခဲ့တဲ့ ဇူလိုင်လ ၉ရက်နေ့နဲ့ ၁၀ရက်နေ့က ပြုလုပ်ခဲ့တာဖြစ်ပြီး လူဦးရေ ၁၅၀ ဝန်းကျင် ပါဝင်တက်ရောက်ခဲ့ပါတယ်။ စစ်ဘေးရှောင်ကူညီပေးနေတဲ့ NGO၊ CSO ၊ ဒေသအလိုက် စစ်ဘေးရှောင်ကူညီသူတွေ၊ စစ်ရှောင်စခန်းကော်မတီဝင်တို့ ပူးပေါင်းပြီး နှီးနှောဖလှယ်ပွဲကို ကျင်းပပြုလုပ်ခဲ့ကြတာဖြစ်ပါတယ်။

စစ်ရှောင်တွေကို ကူညီတဲ့နေရာမှာ မဟာဗျူဟာချမှတ်နိုင်ဖို့လည်း ဆွေးနွေးသွားတယ်လို့ စစ်ရှောင်ကူညီသူတစ်ဦးဖြစ်တဲ့ မူအဲလ်မာရီက ပြောပါတယ်။

“ဘာတွေပံ့ပိုးကူညီမလဲဆိုတဲ့ဟာတွေကို ပိုပြီးတော့ သိရှိဖို့အတွက်လည်းဖြစ်တယ်။ ရှေ့ဆက် စစ်ဘေးရှောင်ပံ့ပိုးကူညီတဲ့အဖွဲ့အစည်းအနေနဲ့ပေါ့နော။ လုပ်ငန်းမဟာဗျူဟာတွေ ပိုပြီး ချမှတ်နိုင်ပြီးတော့မှ စစ်ရှောင်ကြားအတွင်းမှာ ကြုံတွေ့နေရတဲ့ အခက်အခဲ အခြေအနေတွေကော လိုအပ်ချက်ရှိနေတဲ့အခြေအနေတွေကော သူတို့ရဲ့အသံပေါ့နော။ ဘုံသဘောတူညီချက်ထွက်လာဖို့အတွက်ကို ဒီဖိုရမ်ကို ကျင်းပပြုလုပ်ခြင်းဖြစ်တယ်ပေါ့နော။” လို့ မူအဲလ်မာရီက ပြောပါတယ်။




စစ်ရှောင်တွေအတွက် စားနပ်ရိက္ခာနဲ့ ပညာရေးပိုင်းမှာ အဓိကကူညီဆောင်ရွက်ပေးနေတဲ့ ကယန်းမျိုးဆက်သစ်လူငယ်ဥက္ကဌ ခွန်းအားသိုက်က စစ်ရှောင်တွေမှာ စားနပ်ရိက္ခာမလုံလောက်ဘူးလို့ ပြောပါတယ်။

“အဓိကကတော့ စားနပ်ရိက္ခာမလုံလောက်မှုတွေ ရှိတယ်ပေါ့နော။ အရပ်ဖက်အဖွဲ့အစည်းတွေ ၊ အခြားအခြားသော အဖွဲ့အစည်းတွေ ကူညီတယ်ဆိုပေမယ့် လည်း သူတို့မှာလည်း ကူညီနိုင်တဲ့ အတိုင်းအတာလောက်ပဲ ကူညီတာဖြစ်တယ်။ ဥပမာအားဖြင့် တစ်လစာမျိုးပဲ ပေးနိုင်တာရှိတယ်ပေါ့နော။ လူဦးရေနဲ့ အိမ်ထောင်စုအပေါ်မူတည်ပြီးတော့ပေါ့။ ဆိုတော့ စားနပ်ရိက္ခာကတော့ လုံလောက်တဲ့ အခြေအနေမှာ မရှိဘူး။ လိုအပ်ချက်တွေ အများကြီးရှိသေးတယ်။” လို့ ခွန်းအားသိုက်က ပြောပါတယ်။

လက်ရှိ ကရင်နီပြည်မှာ အာဏာသိမ်းပြီးနောက်ပိုင်း စစ်ဘေးရှောင် နှစ်သိန်းနှစ်ထောင်ကျော်ရှိနေပြီး ဒီးမော့ဆိုမြို့နယ်က ခုနှစ်သောင်းကျော်ပါဝင်တယ်လို့ ကရင်နီလူမှုအသင်းအဖွဲ့များကွန်ယက် ( KCSN ) က ဇူလိုင်လ ၆ ရက်နေ့မှာ ထုတ်ပြန်ထားပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...