စတုတ္ထတန်းတက်မည့် ကလေးတွေကို ပညာရေးစနစ်အသစ် သင်ကြားပေးနိုင်ဖို့ စတင်ပြင်ဆင်နေ

အန်ထော်နီ

၂၀၂၀-၂၀၂၁ ပညာရေးနှစ်မှာ မူလတန်းအဆင့် စတုတ္ထတန်းတက်မည့် ကလေးတွေကိုစနစ်သစ်ပညာရေးဖြင့် သင်ကြားနိုင်ဖို့ မူလတန်းဆရာ/မ တွေကိုသင်တန်းတွေ စတင်ပို့ချပေးလျက်ရှိတယ်လို့ သိရပါတယ်။

“ အခုကျနော်တို့ဆွေးနွေးပွဲသင်တန်းက မူလတန်းအဆင့်ပေါ့နော်။ အထက်တန်းကျောင်းတွေဖွင့်ပြီးရင် ကျနော်တို့မူလတန်းတွေပြန်ဖွင့်ကျရင် ဆရာ/မ တွေ အဆင့်သင့်ဖြစ်အောင်ဆို အခုကျနောတို့ကဒီစနစ်သစ်ပညာဖြစ်တဲ့ စတုတ္ထတန်းကိုကျောင်းဖွင့်အမီပေါ့နော် အဆင်သင့်ဖြစ်အောင် သူတို့ကိုထပ်ဆင့်ပြီးတော့ သင်တန်းပေးတာဖြစ်ပါတယ်” လို့ သင်တန်းနည်းပြ (ဒေါဘူးငံရယ်ကျေးရွာမူလတန်းကျောင်းအုပ်) ဦးဝီဇင်းရှို ကပြောပါတယ်။

သင်တန်းတွင် ဘာသာရပ်စုစုပေါင်း (၁၀) ဘာသာလောက်ရှိတယ်လို့သိပါတယ်။

ကျောင်းပြန်ဖွင့်ချိန်တွင် ပညာရေးစနစ်သစ်ဖြင့်သင်ကြားပေးမှာဖြစ်ပြီး စနစ်သစ်က စနစ်ဟောင်းထက်ပိုမိုကောင်းမွန်တယ်လို့ ဆိုပါတယ်။

“ ကလေးတွေဒီစနစ်သစ်ကိုအသုံးပြုလိုက်ခြင်းကြောင့် ကလေးတွေကသူတို့ရဲ့လက်တွေ့ဘဝမှာ တစ်ကယ်အသုံးချနိုင်တယ်။ အဲ့ကြောင့်မို့လို့ စနစ်သစ်နှင့် စနစ်ဟောင်းကအရမ်းကိုကွာတယ်ပေါ့နော်။ စနစ်ဟောင်းကဆရာလုပ်တဲ့အတိုင်းသူတို့လိုက်လုပ်နေရတယ်။ အဲ့လိုပေါ့ အခုစနစ်သစ်ကျတော့ သူတို့အတွေးအခေါ်ကအစသူတို့ကိုယ်တိုင်လုပ်ရတဲ့အတွက်ကြောင့် သူတို့ဘဝမှာသူတို့ပြန်လည်အသုံးချနိုင်တဲ့အတွက်ကြောင့် စနစ်သစ်ကပိုကောင်းတယ်လို့ထင်တယ်” လို့ သင်တန်းသူ ( ဒေါဝဲကူးအခြေခံမူလတန်းကျောင်းမူပြဆရာမ) ဒေါ် ဂျဲနီဖာကပြောပါတယ်။

ကျောင်းသူကျောင်းသားတွေဟာဆိုရင် မိမိတို့ဘဝလက်တွေ့ ပြန်လည်အသုံးချနိုင်ဖို့အတွက် စနစ်သစ်ကိုပြောင်းလဲသင်ကြားမည်ဖြစ်ပြီးအထူးသဖြင့် ဘက်စုံဖွံ့ဖြိုးရေးနှင့် ၂၁ ရာစုစိန်ခေါ်မှုကို အဓိကထားသင်ကြားမည်ဖြစ်တယ်လို့သိရပါတယ်။

ကျောင်းသူကျောင်းသားများနည်းစနစ်သစ်တွင် ကောင်းစွာသင်ယူနိုင်ရန်အတွက် ဆရာ/မ များစေတနာဖြင့် စိတ်ရှည်စွာသင်ကြားပေးခြင်းနှင့် ကျောင်းသူကျောင်းသားများတက်ကြွစွာပါဝင်မည်ဆိုပါကအလွန်ကောင်းမွန်သောပညာရေးစနစ်တစ်ခုဖြစ်တယ်လို့ဆိုပါတယ်။

ဆရာ/မ များကလည်းကလေးများအပေါ်စေတနာထားပြီး အပင်ပန်းခံသင်ကြားသွားပေးမယ်လို့ဆိုပါတယ်။

“ ကျနောတို့ကနိုင်ငံ့ဝန်ထမ်းတွေလေးနိုင်ငံတော်ကချမှတ်ထားတဲ့အတိုင်းတော့ ကျနောတို့လုပ်ဆောင်ရမှာဖြစ်ပါတယ် ဘာလို့လဲဆိုရင် နှစ်တုတ်ဘယ်လောက်ပဲခွဲခွဲနှစ်တုတ်ဘယ်လောက်ပဲတက်တက် အခုကျန်းမာရေးဌာနတွေလည်းရှေ့တမ်းကနေလုပ်ဆောင်နေတော့ ကျနော်တို့ ပညာရေးဌာနကလည်းလုပ်ဆောင်နိုင်ရမှာပေါ့နော် နှစ်သုတ်ပဲတက်တက် သုံးသုတ်ပဲတက်တက် အတတ်နိုင်ဆုံးတော့ ကြိုးစားမှာပေါ့” လို့ သင်တန်းသား ( ဒေါးဘူးငံရယ် အခြေခံမူလတန်းကျောင်းမူပြ) ဦးဝင်းသိန်းကပြောပါတယ်။

COVID ကာလဖြစ်သည့်အတွက် ကျောင်းသား/သူများကိုအသုတ်ခွဲပြီးသင်ကြားရမှာ ဖြစ်ပြီးတစ်ခန်းလျှင် ကျောင်းသား/သူ ၂၀ နှုန်းဖြင့်သင်ကြားပေးမှာဖြစ်ပါတယ်။

ဆရာ/မ များအနေဖြင့် ထိုအပေါ်တွင် အခက်အခဲမရှိဘူးလို့ဆိုပါတယ်။

ယခုလက်ရှိဖွင့်နေသောသင်တန်းသည် တစ်နိုင်ငံလုံးအတိုင်းအတာဖြင့် ဆောင်ရွက်နေခြင်းဖြစ်ပါတယ်။

ကယားပြည်နယ် ဒီမေားဆိုမြို့တွင် Training Center ၃ နေရာရှိပြီးသင်တန်းသူ/သားစုစုပေါင်း ၆၀၀ ဝန်းကျင်လောက်ရှိတယ်လို့သိရပါတယ်။

လက်ရှိသင်တန်းအတွင်းမှာလည်းCOVID ရောဂါကိုကြိုတင်ကာကွယ်တဲ့အနေဖြင့် အားကစားနှင့်ကျန်းမာရေး ဝန်ကြီးဌာနတွေရဲ့ ညွန်ကြားချက်အတိုင်း လိုက်နာဆောင်ရွက်ထားရှိတယ်လို့ ဆိုပါတယ်။

ကျောင်းပြန်ဖွင့်ချိန်သည် COVIDကာလဖြစ်သည့်အတွက် ကျောင်းသူကျောင်းသားတွေ COVIDရောဂါကင်းရှင်းဖို့အတွက် ကြိုတင်ပြင်ဆင်တဲ့အနေဖြင့် လက်ဆေးရေနှင့်ဆပ်ပြာတွေ၊ Masksတွေ ၊ တစ်ဦးနှင့်တစ်ဦး ၆ ပေအကွာနေဖို့ လူစုခွဲပြီးသင်ကြားပေးနိုင်ဖို့အတွက် ကျောင်းသားမိဘတွေ တိုင်ပင်ဆွေးနွေးထားတယ်လို့ဆိုပါတယ်။

အစိုးရ၏ညွှန်ကြားချက်အတိုင်း ဇူလိုင်လ၁၃ ရက်နေ့သည် အထက်တန်းကျောင်းသားများအတွက် ကျောင်းအပ်နှံရေးသီတင်းပတ်ဖြစ်ပြီး ဇူလိုင်လ၂၁ ရက်နေ့မှာအထက်တန်းမှစ၍ ကျောင်းများပြန်လည်ဖွင့်လှစ်မည် လို့သိရပါတယ်။

အထက်တန်းများဖွင့်ပြီးတစ်ပတ်ကြာလျှင် အလယ်တန်းကျောင်းများ၏ ကျောင်းအပ်နံှရေး သီတင်းပတ်လုပ်ပြီး အလယ်တန်းများဖွင့်ပါမယ်လို့ သိရပါတယ်။

အဆင်ပြေမည်ဆိုပါကမူလတန်းများကို သြဂုတ်လပထမပတ်နှင့်ဒုတိယပတ်လောက်တွင် ဆက်လက်ဖွင့်သွားမယ်လို့ ဦးဝီဇင်းရှိုကဆက်လက်ပြောပြခဲ့ပါတယ်။

Comments

comments

Next Post

LAIN နည်းပညာ အထောက်အကူပြုအဖွဲ့ ဘုတ်ဥက္ကဌ ဆရာကျော်ထင်အောင်နဲ့ တွေ့ဆုံမေးမြန်းခြင်း။

Fri Jun 19 , 2020
“COVID ကြောင့် ရွေးကောက်ပွဲ ကော်မရှင်ရဲ့ မြေပြင် လုပ်ဆောင်မှု အားနည်းနေတယ်” လို့ ပြောဆိုလိုက်တဲ့ LAIN နည်းပညာအထောက်အကူပြုအဖွဲ့ ဘုတ်ဥက္ကဌ ဆရာကျော်ထင်အောင် နဲ့ တွေ့ဆုံမေးမြန်းခြင်း။ စိုးထိုက်အောင် မေး။ ။ အခုလက်ရှိမှာ ရွေးကောက်ပွဲကော်မရှင်တွေက ဘာတွေလုပ်ဆောင်နေတာကို ဆရာတို့အနေနဲ့တွေ့ရလဲ။ ဘာတွေလုပ်ဆောင်သင့်နေပြီလဲ။ ဖြေ။ ။ ဟုတ်ကဲ့ကျတော်တို့လက်ရှိ Covid ကာလက ဒီသူတို့တွေရဲ့ ဟို လုပ်ကိုင်ဆောင်ရွက်မှု အချိန်မြင့်ရမဲ့ ကာလမှာကို ဒါ လာကျသွားတယ်ပေါ့ အဲ့ကြောင့် လာကျသွားတဲ့ အတွက်ကြောင့်မလို့ ၂၀၂၀ပြည့်နှစ် ရွေးကောက်ပွဲအတွက် ၂၀၂၀ပြည့်နှစ်အစ ကျတော်တို့အခု ၅လကြီးမှာ မြေပြင်လှုပ်ရှားမှု အတိုင်းအတာ ဘာမှမလုပ်ဆောင်နိုင်သလို ဖြစ်ပြီးတော့ စာရင်းအင်းပိုင်းဆိုင်ရာ နဲ့သူတို့ရုံးပိုင်းဆိုင်ရာတွေဘဲ လုပ်နေရတယ်ဆိုတဲ့အနေအထားဖြစ်တယ်။ […]

ဆက်စပ်သတင်းများ