spot_img
Thursday, February 9, 2023
spot_img

ဆယ်ကျော်သက်များနှင့် ပူးပေါင်းဆောင်ရွက်ခြင်း အစီအစဉ် အပတ်စဉ် ( ၂ ) သင်တန်းဖွင့်လှစ်

spot_imgspot_imgspot_imgspot_img

ကန္တာရဝတီတိုင်း ( မ် )

ကရင်နီပြည် ဒီးမော့ဆို အရှေ့ဘက်ခြမ်း တစ်နေရာမှာ ဆယ်ကျော်သက်များနှင့် ပူးပေါင်းဆောင်ရွက်ခြင်း အစီအစဉ် ( Adolescence Engagement Program ) အပတ်စဉ် ( ၂ )ကို ယမန်နေ့ ( ဇူလိုင်လ ၃ ရက်နေ့ ) မှာ ဖွင့်လှစ်ခဲ့ပါတယ်။
အပတ်စဉ် ( ၂ ) သင်တန်းကို ကျောင်းသား၊ ကျောင်းသူ ၅၀ဦးနဲ့ သင်ကြားသွားမှာ ဖြစ်ပြီး သင်တန်းကာလက ၄လ ဖြစ်ပါတယ်။တိုက်ပွဲဖြစ်ပွားခြင်းမရှိတဲ့ နေရာမှာ ကျောင်းဖွင့်လှစ်တာဖြစ်ပေမယ့် လုံခြုံရေးအတွက်တော့ စိုးရိမ်ရတယ်လို့ Adolescence Engagement Program မှာ သင်တန်းဆရာတစ်ဦးဖြစ်တဲ့ ခူးဖရေးရယ်က ပြောပါတယ်။

“အခုက ကျနော်တို့ဒီမှာ ဦးဆောင်နေတဲ့ ဆရာ၊ဆရာမတွေကအစပေါ့နော။ အကြီးဆုံးကနေ အငယ်ဆုံးအထိ ပြောရမယ်ဆိုလို့ရှိရင် လူငယ်တွေပေါ့နော။ ပြီးတော့ အခုကျောင်းလာတက်နေတဲ့လူတွေလည်း လူငယ်တွေပဲ။ အဲ့ဒီတော့ ဆရာဆရာမတွေကော ကျောင်းလာတက်နေတဲ့ သင်တန်းသူ သင်တန်းသားတွေက အသက်အရွယ်အရွယ်တွေက မသိမ်းမယိမ်းဖြစ်တယ်။ အဲ့ဒီတော့ ကျနော်တို့ youth to youth လူငယ်တွေကနေ လူငယ်တွေပဲ ပြန်ဦးဆောင်ရတယ်။ အဲ့ဒီလိုမျိုးဖြစ်တဲ့ အတွက်ကြောင့်မလို့ ဒီဘက်အပိုင်းမှာ ကြည့်မယ်ဆိုရင်လည်း ကျနော်တို့ လုံခြုံရေးအရ အခက်အခဲရှိတယ်ပေါ့နော။” လို့ ခူးဖရေးရယ်က ပြောပါတယ်။
သင်ကြားရေးပိုင်းအတွက် စာရေးကိရိယာတွေလည်း လိုအပ်ချက်ရှိနေတယ်လို့ ဆိုပါတယ်။ Adolescence Engagement Program သင်တန်းမှာ ဘာသာရပ် ၉ ခုကို သင်ကြားပေးပါတယ်။ ဘာသာရပ်သုံးခုဖြစ်တဲ့ အင်္ဂလိပ်စာ၊ ကရင်နီစာနဲ့ ကရင်နီသမိုင်း ကိုတော့ အဓိက သင်ကြားပေးပြီး တခြား ဂီတ၊ ခေါင်းဆောင်မှုပညာနဲ့ လူမှုပေါင်းသင်းဆက်ဆံရေး အကြောင်းတွေကို ဘာသာရပ်ထပ်ခွဲပြီး သင်ကြားပေးပါတယ်။ သင်တန်းကာလအတွင်း ၃လသာကို စာတွေ့သင်ကြားပေးပြီး နောက်ထပ် ၁လကိုတော့ စစ်ရှောင်စခန်းတွေမှာ ပြန်လည်မျှဝေခိုင်းတာ၊ လူမှုအဖွဲ့အစည်း တစ်ခုခုမှာ ဝင်ရောက်ကူညီတာတွေ ပြုလုပ်ရပါတယ်။
ပြီးခဲ့တဲ့ ဧပြီလမှာ Adolescence Engagement Programကနေ သင်တန်းသား ၄၇ဦးကို ပထမဆုံး သင်တန်းဆင်းပေးခဲ့ပါတယ်။ သင်တန်းပြီးမြောက်သူတွေဟာ လက်ရှိမှာတော့ စစ်ရှောင်စခန်းမှာ စေတနာ့ဝန်ထမ်းအနေနဲ့ စာသင်ပေးတာတွေ၊ လူမှုအဖွဲ့အစည်းမှာ သွားရောက် ကူညီဆောင်ရွက်တာတွေ၊ နယ်စပ်မှာရှိတဲ့ ကရင်နီနဲ့ဆိုင်တဲ့ ကျောင်းတွေကို ဆက်လက်တက်ရောက်တဲ့ သူတွေလည်းရှိပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...