ထွန်ယက်စိုက်ပျိုးနေတဲ့ လယ်မြေပေါ်မှာ မပေါက်ကွဲသေးတဲ့ မိုင်းနှစ်လုံးတွေ့ရှိ

ကန္တာရဝတီတိုင်း(မ်)

လွိုင်ကော်မြို့၊ နိုးကိုးကျေးရွာ နဲ့ ဒေါလိုရှေးကျေးရွာအကြား တောင်သူတစ်ဦး ထွန်ယက်စိုက်ပျိုးနေတဲ့ လယ်မြေပေါ်မှာ မပေါက်ကွဲသေးတဲ့ တိုက်မိုင်းတစ်လုံးနဲ့ နင်းမိုင်းတစ်လုံးကို ဇွန္လ ၁၀ ရက်နေ့က တွေ့ရှိခဲ့တာကြောင့် လယ်လုပ်တဲ့ရွာသားတွေ စိုးရိမ်ပူပန်နေကြတယ်လို့ နိုးကိုးကျေးရွာအုပ်စုအုပ်ချုပ်ရေးမှူး ဦးရှားရယ်ကပြောပါတယ်။

“လယ်လုပ်တဲ့သူတော့ တော်တော်စိုးရိမ်ကြတယ် ဘယ်လိုစိုးရိမ်လဲဆိုတာ သူတို့လယ်ထယ်တဲ့အချိန်မှာ တချို့တွေက ရွေ့တဲ့မိုင်းလည်းရှိကောင်းရှိနိုင်တယ် မြေငလျင်လှုပ်ရင်းနဲ့ ရွေ့သွားတဲ့မိုင်းလည်းရှိနိုင်တယ် ရွေ့သွားတာပေါ့။ သူတို့လယ်လုပ်ရင်းနဲ့ ဖြစ်သွားမှာလည်း ကြောက်ရတာပေါ့ လယ်ပိုင်ရှင်က။ စိုးရိမ်ရတာက ကလေးအတွက် တော်တော်စိုးရိမ်ရတာပေါ့ လောလောဆယ် ကျွဲ၊ နွား တိရစ္ဆာန်တွေလည်းရှိတယ်လေ အဲတော့ ကျတော်တို့ စိုးရိမ်ရတဲ့အပိုင်းမှာရှိတယ်ပေါ့” လို့ ဦးရှားရယ်ကပြောပါတယ်။

လယ်ပိုင်ရှင်တစ်ဦး လယ်သွားထယ်ရင်းနဲ့ လယ်အနီး တာဝိုင်တိုင်အောက်မှာ မိုင်းတွေ့ရှိခဲ့ပြီး အုပ်စုအုပ်ချုပ်ရေးမှူးကို အကြောင်းကြားခဲ့တာကြောင့် အုပ်ချုပ်ရေးမှူးမှတဆင့် ခလရ ၂၆၁ တပ်ရင်းကိုအကြောင်းကြားခဲ့ပါတယ်။

ခလရ ၂၆၁ တပ်ရင်းက လာရောက်စစ်ဆေးပြီး တာဝိုင်တိုင်အနီးပတ်လည်ကို ခြံကာခဲ့ပြီး မိုင်းရှင်းလင်းရေးကိုတော့ မပြုလုပ်သွားဘူးလို့ ဦးရှားရယ်ကဆိုပါတယ်။

မိုင်းတွေရှိတဲ့ တာဝိုင်တိုင်အနီးမှာ တောင်သူတွေ လယ်ထွန်ယက်စိုက်ပျိုးနေပြီး မိုင်းသွားထိမိမှာကိုစိုးရိမ်နေကြသလို ကျွဲ နွား တိရစ္ဆာန်အတွက်လည်း စားကျက်မြေဖြစ်တာကြောင့် ဝါးနဲ့ခြံကာမယ့်အစား အုတ်တံတားနဲ့ ခြံခတ်စေချင်တယ်လို့ ဆိုပါတယ်။

ဦးရွားရယ္က “ကျတော်တို့အတွက် အလုံခြုံဆုံးက အုတ်တံတားနဲ့ခတ်တာပိုသေချာတာပေါ့ဝါးနဲ့သွားခတ်ရင်တော့ အဆင်မပြေဘူး တစ်နေ့မဟုတ်တစ်နေ့တော့ ပျက်မှာပဲ။ နွား မဟုတ်ရင် တိရစ္ဆာန်တစ်ခုခု သွားဖျက်လိုက်ရင်တော့ သူကခြံကာလိုက်တော့ အထဲမှာအစာကောင်းသွားပြီလေ မြက်တွေထူလာမယ် အဲမျိုးခါကျတော့ နွားတော့ သူ့အစာတွေ့ရင် ဝင်မှာပဲ။ လောလောဆယ်တော့ အုတ်တံတားနဲ့ကာရင် ပိုအဆင်ပြေပါတယ်” လို့ ပြောပါတယ်။

ကျေးရွာအနီးအနားမှာရှိတဲ့ တာဝိုင်တိုင်အားလုံး ၂၀ကျော်ရှိပြီး မြှုပ်ထားတဲ့မိုင်းတွေကလည်း နှစ်ပေါင်း ၂၀ဝန်းကျင်ရှိနေပြီလို့ အုပ်ချုပ်ရေးမှူးပြောပြချက်အရသိရပါတယ်။

လက်ရှိ မိုင်းနှစ်လုံးတွေ့ရှိထားတဲ့ တာဝိုင်တိုင်က နံပါတ်(၁၀၈)တိုင်မြောက်ဖြစ်တယ်လို့ သိရပါတယ်။

ယခင်က အနီးနားကကျေးရွာတစ်ရွာမှာ တိရစ္ဆာန်အချို့ မိုင်းထိမှုကြောင့် သေဆုံးမှုဖြစ်ပွားခဲ့ဖူးပါတယ်။

Comments

comments

Next Post

Kayah Radio June 3rd Week

Mon Jun 15 , 2020
အပတ်စဉ် တင်ဆက်နေကျ တိုင်းရင်းသားဘာသာ ရေဒီယို အစီအစဉ် (ကယား)(တနင်္ဂနွေနေ့ ည ၇ နာရီတိုင်း)ယခုတစ်ပတ်မှာတော့ ဒီးမော့ဆိုမြို့နယ်က ကွိုင်ငံရေထွက်ပေါက် ချောင်းတစ်လျှောက် မြေပြိုမှုဖြစ်ပွားခဲ့တယ်ဆိုတဲ့သတင်း၊ ယာဉ်မှတ်ပုံတင်ပြုလုပ်ခြင်းနဲ့ သက်တမ်းတိုးဝန်ဆောင်မှုလုပ်ငန်းတွေကို ဇွန်လ ၈ ရက်နေ့ကစပြီး ပြန်လည်ဆောင်ရွက်နေပြီလို့ လွိုင်ကော်မြို့ ကုန်းလမ်းပို့ဆောင်ရေးညွှန်ကြားမှုဦးစီးဌာနက ပြောဆိုလိုက်တဲ့သတင်းနဲ့ “ပဋိပက္ခအလွန်မှာ ရှင်သန်ချင်သူများ” ဆိုတဲ့ ဆောင်းပါးလေးအပြင် အပတ်စဉ် သီချင်းလက်ဆောင်အစီအစဉ်ကနေ ကယားသီချင်းကောင်းလေး တစ်ပုဒ်ကို ထုတ်လွှင့် တင်ဆက်ပေးသွားမှာ ဖြစ်ပါတယ်။ Comments comments