ဖွံ့ဖြိုးမှုနောက်ကျရခြင်းက မငြိမ်းချမ်းခြင်းရဲ့အကြောင်းအရင်းတစ်ခုဖြစ်တယ်လို့ ပြည်သူ့လွှတ်တော်ကိုယ်စားလှယ်ပြော

စိုးထိုက်အောင်

ရှားတောမြို့နယ် ဖွံ့ဖြိုးမှု နောက်ကျရခြင်းအကြောင်းအရင်းတွေထဲမှာ မငြိမ်းချမ်းခြင်းရဲ့ အကြောင်းအရင်းတစ်ရပ် ဖြစ်တယ်လို့ ရှားတောမြို့နယ် ပြည်သူ့လွှတ်တော်ကိုယ်စားလှယ် ဒေါ်ဝင့်ဝါထွန်းက ပြောပါတယ်။

“ ကျေနပ်အားရမှု မရှိတဲ့အပိုင်းက ဘာလည်းလို့ပြောပါဆိုလို့ရှိရင်တော့ ဒါကတော့ ကျမတို့ တစ်မြို့နယ်ထဲနဲ့သက်ဆိုင်တာ မဟုတ်ဘဲနဲ့ တစ်နိုင်ငံလုံးနဲ့သက်ဆိုင်တဲ့ ကိစ္စရပ်ဖြစ်ပါတယ်။ ဒါကတော့ ဘာလည်း ဆိုရင် ငြိမ်းချမ်းရေးဆိုတဲ့ ကိစ္စရပ်ဖြစ်ပါတယ်။ ကျမတို့ရှားတောမြို့နယ်က ကယားပြည်နယ်ထဲမှာ ဆိုလို့ရှိရင် ဖွံ့ဖြိုးမှုနောက်ကျရခြင်း အကြောင်းအရင်းထဲမှာ မငြိမ်းချမ်းခြင်းရဲ့အကြောင်းအရင်းက တစ်ခုပါတယ်ပေါ့။” လို့ဒေါ်ဝင့်ဝါထွန်းက ပြောပါတယ်။

အစိုးရနဲ့တိုင်းရင်းသားလက်နက်ကိုင်တွေရဲ့ငြိမ်းချမ်းရေးဖြစ်စဉ်က အတိုင်းအတာတစ်ခုအထိတော့ ကျေနပ်မှု ရှိပေမဲ့လဲ အလုံးစုံဖွံ့ဖြိုးတိုးတက်ရေးကို ဆောင်ရွက်နိုင်ဖို့အတွက်တစ်နိုင်ငံလုံးရဲ့ငြိမ်းချမ်းရေးဖြစ်စဉ်ကြီးမာ ပါဝင်ဖို့အတွက်ကတော့ ကျေနပ်အားရမှု ရရှိဖို့က လိုအပ်နေသေးတယ်လို့ ဒေါ်ဝင့်ဝါထွန်းက ပြောပါတယ်။

၎င်းက “ ၂၀၁၂ ရဲ့နောက်ပိုင်းမှာကျမတို့ ကျမတို့တိုင်းရင်းသားလက်နက်ကိုင်အဖွဲ့အစည်းနဲ့ ပြီးခဲ့တဲ့ ကာလရဲ့အစိုးရရဲ့ကြားထဲမှာ သဘောတူညီမှုတွေ ရခဲ့တယ်။ ထိုနည်း၎င်းဘဲ အခုကျမတို့အခုလက်ရှိသွားနေတဲ့ အစိုးရနဲ့တိုင်းရင်းသားလက်နက်ကိုင်အဖွဲ့အစည်းတွေရဲ့ညီညီညွှတ်ညွတ်နဲ့သွားနေတဲ့ အားနဲ့ကျမတို့အတိုင်းအတာ တစ်ခုထိ ငြိမ်းငြိမ်းချမ်းချမ်းနဲ့သွားနိုင်နေပေမဲ့လည်း အလုံးစုံ ဖွံ့ဖြိုးတိုးတက်ရေးကို ဆောင်ရွက်နိုင်ဖို့ တစ်နိုင်ငံလုံးရဲ့ ငြိမ်းချမ်းရေးဖြစ်စဉ်ကြီးမှာ ပါဝင်ဖို့အတွက်ကတော့ ကျမတော့ အနည်းငယ် ကျေနပ်အားရမှု ရရှိဖို့အတွက်လိုအပ်နေသေးတယ်လို့မြင်ပါတယ်။” ပြောပါတယ်။

၂၀၁၅ အထွေထွေရွေးကောက်ပွဲအပြီး အနိုင်ရခဲ့ပြီးတဲ့နောက်တော့ ရှားတောမြို့နယ်အတွင်းမှာ စတင်တာဝန်ယူခဲ့ချိန် မှစပြီး ဖွံ့ဖြိုးရေးလုပ်ငန်းတွေအနေနဲ့ ကျေးရွာတွေမှာ ရွာချင်းဆက်လမ်းတွေအနေနဲ့ မြေသားလမ်းတွေ ဖောက်လုပ်တာတွေ၊ ကတ္တာရာလမ်းခင်းတာတွေ ၊ လျှပ်စစ်မီသွယ်တာတွေကိုတောင်ဆောင်ရွက် ပေးခဲ့တယ်လို့ ဆိုပါတယ်။

ကျေးရွာဖွံ့ဖြိုးတိုးတက်မှု လမ်းတံတားအဆောက်အဦးထက် လူတိုင်းရဲ့ အသိပညာ၊ အတတ်ပညာတွေ ဖွံ့ဖြိုးတိုးတက်ဖို့ လိုတယ်လို့ KNPP ရဲ့ ရှားတောမြို့နယ် ဆက်ဆံရေးရုံး တာဝန်ခံ ဦးဘိုးရယ်က ပြောပါတယ်။

“ကျတော်တို့လိုချင်တဲ့ ဖွံ့ဖြိုးရေးက အဓိကလူသားတွေရဲ့အသိဉာဏ်တည်ဆောက်တဲ့ ဖွံ့ဖြိုးရေးမျိုး။ အဲ့ဒါမှနောက်ပိုင်းမှဘဲ ဒီအဆောက်အဦးတို့၊ လမ်းတံတားတို့ ဒါက သူတို့တန်ဖို းရှိလာမယ်ဆိုတဲ့ အမျှော်အမြင်ရှိလာနိုင်တယ်။ အစိုးရကလူထုခေါင်းဆောင် တစ်ယောက်နှစ်ယောက် သဘောထားကို ယူပြီးတော့မှ လမ်းဖောက်တာ တံတားဆောင်တာလုပ်သွားတာက တစ်ချို့ကတောင်မသိဘူး ဆိုတဲ့အပေါ်မှ အခုဏပြောတဲ့ ဖွံ့ဖြိုးရေးက ကျတော်တို့မတူတာတော့ အဲ့ဒါတော့ပြောချင်တယ်။” လို့ ဦးဘိုးရယ်က ပြောပါတယ်။

မေလ ၁၆ရက်နေ့က မြန်မာ့အစိုးရစစ်တပ်နဲ့ ကရင်နီ တပ်မတော်တို့ ရှားတောမြို့နယ် အလယ်ပိုင်းဒေသမှာ ပစ်ခတ်မှု ဖြစ်ပွားခဲ့ပြီးနောက် ယာဉ်မောင်းအရပ်သား တစ်ဦး သေဆုံးခဲ့တာနဲ့ပတ်သတ်ပြီးတော့လည်း ရှားတောက ဒေသခံတွေက စိုးရိမ်မှုတွေ ဖြစ်ပေါ်နေကြပါတယ်။

KNPP ကတော့ အစိုးရနဲ့ တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူ စာချုပ် (NCA) ကို လက်မှတ်ရေးထိုးနိုင်ဖို့အတွက် အစိုးရနဲ့ ညှိနှိုင်းနေတဲ့ အဖွဲ့ဖြစ်ပါတယ်။

ရှားတောမြို့နယ်အတွင်းမှာ အိမ်ခြေ ၉၆၂ လုံးသာရှိပြီး လူဦးရေ စုစုပေါင်း ၇၇၀၀ ကျော် ရှိပါတယ်။

Comments

comments

Next Post

လွိုင်ကော်မြို့၊ နမ့်ဘော်ဝမ်(က)ရပ်ကွက်မှာ အိမ်မွေးဝက်များသေဆုံးနေ

Tue Jul 14 , 2020
ဒွေးအယ်ခူ လွိုင်ကော်မြို့၊ နမ့်ဘော်ဝမ်(က)ရပ်ကွက်မှာ တစ်နိုင်တစ်ပိုင်မွေးမြူထားတဲ့ အိမ်မွေးဝက်တွေသေဆုံးနေတာကြောင့် သက်ဆိုင်ရာကိုအကြောင်းကြားထားတယ်လို့ နမ့်ဘော်ဝမ်(က)အုပ်ချုပ်ရေးမှူး ဦးကျော်လတ်ကပြောပါတယ်။ “တိမွေးကုကတော့ ကျတော်အကြောင်းကြားပြီးပြီ ကြားပြီပြီဆိုတာ အဲဒီမနက်ကပဲအကြောင်းကြားလိုက်တာ သူတို့ကလည်း လာတော့မလာဘူးပေါ့နော။ သေသွားပြီဆိုတော့လည်း သူတို့တော့ ဘားမှတော့လုပ်လို့မရဘူးပေါ့လေ။ ကျန်တဲ့ဟာတော့ ဆက်ပြီးတော့ စနစ်တကျတော့ မြေမြုပ်ပေးပါ အဲလိုတော့ အကြောင်းကြားလာတယ်။” လို့ ဦးကျော်လတ်ကပြောပါတယ်။ ပြီးခဲ့တဲ့ ဇူလိုင်လ ၅ရက်နေ့ကတည်းက ရပ်ကွက်အတွင်း မွေးမြူသူအချို့ရဲ့ဝက်တွေက အစားမစားခြင်း၊ အနီစက်ကွက်တွေထွက်လာတယ်လို့ တချို့က ဆိုပါတယ်။ “ဒီလထဲမှာ ၅ရက် ၆ရက်လောက်တော့ရှိမှာ အဲ့ကစသေတာပဲ သေတာတော့ ၁၁ကောင်ရှိပြီ အကောင်ကြီးတွေ ၄၀(ပိဿာချိန်) ဝန်းကျင်ကပ်လျက်။ အစာပြတ်ပြီးသေတာပဲ ဒီအတိုင်းပဲ အန်တယ် ဘားမှတော့မဖြစ်ဘူး။ ဆေးကိုတော့ စစ်တပ်က ဆရာခေါ်ထိုးတယ်လေ။ […]

ဆက်စပ်သတင်းများ