spot_img
Monday, February 6, 2023
spot_img

ယမန့်နေ့ ဖယ်ခုံမြို့ နယ်အတွင်း တိုက်ပွဲ တနေ့ကုန်ဖြစ်ပွား၊ နန့်ပေါ်လုံကျေးရွာက နေအိမ်တချို့ မီးရှို့ခံရ

spot_imgspot_imgspot_imgspot_img

လဲသျှို့ / ကန္တာရဝတီတိုင်း( မ် )

ယမန်နေ့ (မေလ ၂၀) ရက်နေ့) ဖယ်ခုံမြို့နယ်မှာ တနေကုန် တိုက်ပွဲဖြစ်ပွားခဲ့ပြီး နန့်ပေါ်လုံကျေးရွာက နေအိမ်တွေကို စစ်ကောင်စီက မီးရှို့ခဲ့တယ်လို့ ကရင်နီ ဒေသခံ ကာကွယ်ရေးတပ်ဖွဲ့တွေကပြောပါတယ်။

“သူတို့ အဲ့မှာ တိုက်ပွဲဖြစ်တယ်လေ။ မနေ့ညက တစ်နေကုန်ပဲ သူတို့ပြောတာပဲ။ တစ်နေကုန်ဖြစ်တယ်လေ။ သူတို့ဘက်လည်း ၄၂၆ကနေစပြီး သူတို့ထိုးလာတယ်လေ။ အဲ့မှာလည်း PDF တွေရှိတယ်ရော။ တိုက်ပွဲဖြစ်ပြီးတော့ သူတို့လူလည်း ကျတယ်။ သူတို့လူကျတာလည်း နည်းနည်းရှိမယ်ထင်တယ်။ အဲ့တာကြောင့်မလို့ ရှို့တယ် ထင်တယ်။ PDF တွေလည်း ကျတယ်။ အဲ့တာကြောင့်မလို့ထင်တယ်“ လို့ KNDF B-03 တာဝန်ရှိသူ တစ်ဦးက ပြောပါတယ်။

မနက် ၈နာရီကနေစတင်ပြီး ညနေ ၆နာရီအထိ တိုက်ပွဲတွေဖြစ်ပွားခဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့ဘက်က တစ်ဦးကျဆုံးပြီး စစ်ကောင်စီဘက်ကလည်း သေဆုံးမှုတွေရှိနိုင်တယ်လို့ ဖယ်ခုံ PDF က ပြောပါတယ်။

ဖယ်ခုံမြို့အင်းအရှေ့ဘက်ခြမ်းမှာ မေလ ၁၅ရက်နေ့ကစပြီး စစ်ကြောင်းထိုးလာတဲ့ စစ်ကောင်စီနဲ့ ကရင်နီဒေသခံ ကာကွယ်ရေးပူးပေါင်းတပ်ဖွဲ့တို့ တိုက်ပွဲစတင်ဖြစ်ပွားခဲ့တာ ဖြစ်ပါတယ်။

နန့်ပေါ်လုံကျေးရွာက နေအိမ်တချို့ ကိုတော့ တိုက်ပွဲ အပြီး ည ၇နာရီအချိန်မှာ မီးရှို့ခံရတယ်လို့ KNDF B-03 တာဝန်ရှိသူ တစ်ဦးက ပြောပါတယ်။

“မနေ့က ပြောမယ်ဆိုလို့ရှိရင် သုံး၊ လေး လုံးလောက် လောင်ပြီပြောတယ်။ သူတို့ စရှို့တာလေးနာရီလောက်ကတည်းကပေါ့နော။ ၆နာရီကျော်ကနေစရှို့တော့ မှောင်တဲ့အချိန်အထိဆိုတော့ ၇နာရီ ၈နာရီအထိ ဆက်ကူးသေးတာပဲ မီးက။ တစ်လုံးနှစ်လုံးပဲ နောက်တစ်ဖြည်းဖြည်ကူးတာ“ လို့ KNDF B-03 တာဝန်ရှိသူ တစ်ဦးက ပြောပါတယ်။

မိုးရွာလာတဲ့အတွက် သုံးအိမ်အထိ မီးစွဲလောင်သွားပြီး ဆက်မလောင်တော့ဘူးလို့ ဆိုပါတယ်။ နန့်ပေါ်လုံကျေးရွာဟာ မေလ ၁၆ရက်နေ့က ရွာလုံးကျွတ်နီးပါးမီးရှို့ခံထားရတဲ့ ဆောင်နန်းခဲကျေးရွာရဲ့ အနီးမှာရှိပါတယ်။

လက်ရှိမှာ ဖယ်ခုံမြို့နယ်အတွင်း တိုက်ပွဲတွေ ဆက်တိုက်ပြင်းထန်ဖြစ်ပွားနေပြီး စစ်ကောင်စီကလည်း စစ်ကြောင်းတွေထပ်ထိုးလာတာရှိနေတဲ့အတွက် လက်နက်ခဲယမ်းတွေ လိုအပ်နေတယ်လို့ ဒေသခံကာကွယ်ရေးတပ်ဖွဲ့တွေက ဆိုပါတယ်။

တိုက်ပွဲတွေဖြစ်ပွားနေတဲ့အတွက် ကျေးရွာ၁၅ရွာက ဒေသခံ ၅ ထောင်နီးပါးစစ်ဘေးရှောင်နေရပြီး စားနပ်ရိက္ခာနဲ့ မိုးကာလိုအပ်လျက်ရှိနေပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...