spot_img
Friday, December 2, 2022
spot_img

လွိုင်ကော်မြို့အတွင်း ကုန်ဈေးနှုန်းမြှင့်တက်မှုကြောင့် စတိုးဆိုင်တချို့ပိတ်ထားရ

spot_imgspot_imgspot_imgspot_img



CJ (ကန္တာရဝတီတိုင်း)

လွိုင်ကော်မြို့အတွင်း အခြေခံ စားသောက်ကုန်အပါအဝင် စျေးနှုန်းမြှင့်တက်လာတဲ့အတွက် စတိုးဆိုင်တချို့ပိတ်ထားရတယ်လို့ ဒေသခံတွေက ပြောပါတယ်။ တချို့စတိုးဆိုင်က ကုန်ပစ္စည်းတွေကို လက်ကား မပေးနိုင်တော့ဘဲ အကန့်အသတ်နဲ့သာ ရောင်းပေးနေရပြီး ပစ္စည်းတွေ ဝယ်ရခက်လာတဲ့အပြင် စျေးနှုန်းမတည်ငြိမ်မှုကြောင့် ပိတ်ထားကြတယ်လို့လည်း ဆိုပါတယ်။

‘’ဒီနေ့ ရောင်းရငွေက မနက်ဖြန်အရှုံးဆိုတာလို ဖြစ်နေပြီ ။ စျေးတွေက ကြောက်စရာကောင်းလောက်အောင်တက်နေတာ အရာရာ နှစ်ဆကျော်လောက် ခုန်တတ်နေတော့ မရောင်းရဲသေးဘူး။ စျေးငြိမ်အောင်စောင့်ကြည့်နေရတယ်။” လို့ စတိုးဆိုင်ရှင်တစ်ဦးက ပြောပါတယ်။

စတိုးဆိုင်တချို့ ပိတ်နေရတဲ့အပြင် စျေးနှုန်းမြှင့်တက်လာမှုနဲ့ လက်ကားဝယ်ယူဖို့ ခက်ခဲလာတာကြောင့် တစ်နိုင်တစ်ပိုင် စားဝတ်နေရေးအတွက် ရောင်းချနေရတဲ့ အိမ်ဆိုင်ငယ်လေးတွေလည်း အခက်အခဲရှိလာတယ်လို့ ဆိုပါတယ်။

“ကလေးတွေလည်း မုန့်တွေလာမဝယ်စားနိုင်ကြတော့ဘူး။ စျေးတွေက တက်တော့ ဘယ်တော့စျေးက ငြိမ်မယ်မသိတော့ ဆိုင်လည်း ကြာရင်ပိတ်ရတော့မယ်။’’ လို့ အိမ်ဆိုင်ရောင်းသူတစ်ဦးကလည်း ပြောပါတယ်။

ဆန်ရိုးရိုးတစ်အိတ်ကို ယခင်က သုံးသောင်းကျော်က  ယခုအခါမှာတော့ ဆန်တစ်အိတ်ကို ၇သောင်းကျော်ကစပြီး တစ်သိန်းကျော်အထိ  ဈေးနှုန်းပြောင်းလဲမှုတွေရှိတယ်လို့ ဆိုပါတယ်။ စားသုံးဆီက တစ်ပိဿာ ၉ထောင်ကျော်ကနေ ၁၄၀၀၀ ကျပ်၊ ဆားတစ်ထုပ် ၂၅၀ – ၄၀၀ကျပ်အကြား ဝယ်ယူနေရတယ်လို့ ပြောပါတယ်။

လွိုင်ကော်မြို့အပါအဝင် ကရင်နီပြည်တွင်းရှိ မြို့အများစုမှာ ဒေသတွင်းတိုက်ပွဲကြောင့် ကုန်စည်စီးဆင်းမှုနှောင့်နှေးသလို ကုန်စျေးနှုန်းမြှင့်တက်မှုကြောင့် ဒေသခံတွေ အထူးသဖြင့် စစ်ဘေးရှောင်အတွက် အခြေခံစားသောက်ကုန်ဝယ်စားနိုင်ဖို့တောင် ငွေကြေးအခက်အခဲရှိတယ်လို့ ပြောပါတယ်။ 

spot_imgspot_imgspot_imgspot_img

More from the blog

KT-FM မြန်မာဘာသာအစီအစဉ် ၊ ၂၀၂၂၊ နိုဝင်ဘာလ  ၇ ရက်နေ့ (တနင်္လာနေ့)

https://youtu.be/j4iBtQtGBAw   KT-FM မြန်မာဘာသာအစီအစဉ် ၊ ၂၀၂၂၊ နိုဝင်ဘာလ  ၇ ရက်နေ့ (တနင်္လာနေ့) ဒီကနေ့ ထုတ်လွှင့်မယ့် KT-FM မြန်မာဘာသာရေဒီယို အစီအစဉ် -  အာဟာရဖြည့်စွက်စာ အနေနဲ့ အာဟာရမုန့်ကို စစ်ရှောင်ကိုယ်တိုင်ပြုလုပ် -- NUG နဲ့ PDF တွေမပါဝင်တဲ့ ငြိမ်းချမ်းရေးဆွေးနွေးပွဲကို တက်စရာအကြောင်းမရှိဘူးလို့ ကရင်နီ ကာကွယ်ရေးဒုဝန်ကြီးပြော စတဲ့သတင်း...

KT-FM မြန်မာဘာသာအစီအစဉ် ၊ ၂၀၂၂၊ စက်တင်ဘာလ ၂၉ ရက်နေ့ (ကြာသပတေးနေ့)

https://youtu.be/rHyE3RYtqwU ဒီကနေ့ ထုတ်လွှင့်မယ့် KT-FM မြန်မာဘာသာရေဒီယို အစီအစဉ်  - ၁၈နှစ်အရွယ် KDF ရဲဘော်ခွန်စိုးပိုင်သူ လက်နက်ကြီးထိခိုက်ဒဏ်ရာနဲ့ ဆေးကုသမှုခံယူရင်းကျဆုံး  - လက်နက်ကြီးကြောင့် လွိုင်ကော်၊ကုန်းသာကျေးရွာ ဒေသခံ အမျိုးသမီးတစ်ဦးပွဲချင်းပြီးဆုံး၊ နှစ်ဦး စိုးရိမ်ဒဏ်ရာရ စတဲ့သတင်းတွေနဲ့အတူ - လက်ရှိတော်လှန်ရေးအပေါ် စစ်ရှောင်ပြည်သူတချို့ရဲ့ မျှော်လင့်ချက် စကားသံတွေနဲ့ဒေသတွင်းသတင်းတွေကို ကြားရဖို့ ရှိပါတယ်။ FM မြန်မာဘာသာအစီအစဉ်ကို...

“စစ်ရှောင်ပညာရေးအလှူ ပြည်သူတစ်ရပ်လုံးဝိုင်းဝန်းကူ” ကမ်ပိန်းကို ဒီးမော့ဆိုကျောင်းသားသမဂ္ဂပြုလုပ်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ်အခြေခံပညာကျောင်းသားများသမဂ္ဂကနေပြီး "စစ်ရှောင်ပညာရေးအလှူ ပြည်သူတစ်ရပ်လုံးဝိုင်းဝန်းကူ" ဆိုတဲ့ ကမ်ပိန်းတစ်ခုကို ပြုလုပ်နေတယ်လို့ ဒီးမော့ဆို အ.က.သ ရဲ့ ဥက္ကဌ ကိုခွန်း က ပြောပါတယ်။ “ကျနော်တို့ဒီ ဒီးမော့ဆိုမြို့နယ်မှာ စစ်ဇုန်ဖြစ်တယ်ပေါ့။ စစ်ဇုန်ဖြစ်တယ်ဆို အားလုံးလည်းသိတယ်ပေါ့နော်။ စစ်ဇုန်ဖြစ်တဲ့ အနေထားမျိုးမှာ ကျနော်တို့ကလေးငယ်တွေရဲ့ ပညာရေးကလည်းဖော်ဆောင်သင့်တာပေါ့။...

“အနာဂတ်ကြယ်ပွင့်များကျောင်း” မှ အထက်တန်းကျောင်း တိုးချဲ့ဖွင့်လှစ်၊ ကျောင်းသား/သူများ သင်ထောက်ကူပစ္စည်း ခက်ခဲနေ

ကေးဒူ (ကန္တရဝတီတိုင်း (မ်)) ကရင်နီပြည် ဒီးမော့ဆိုအရှေ့ဘက်ခြမ်း စစ်ရှောင်စခန်းတစ်နေရာမှာ အလယ်တန်းကျောင်းအဖြစ် ဖွင့်လှစ်နေတဲ့ "အနာဂတ်ကြယ်ပွင့်များကျောင်း" စာသင်ကျောင်းကို အထက်တန်းကျောင်း အဖြစ်၂၀၂၂ခုနှစ် စက်တင်ဘာလ ၅ ရက်နေ့က ထပ်မံ တိုးချဲ့ဖွင့်လှစ်ခဲ့တယ်လို့ သိရပါတယ်။ စာသင်ကြားတဲ့အချိန်တွေမှာ ဖတ်စာအုပ်တွေ မလုံလောက်မှုကြောင့် အခက်အခဲတွေနဲ့ ကြုံတွေ့နေရတယ်လို့ Grade -10 မှာ...