spot_img
Thursday, February 9, 2023
spot_img

လွိုင်ကော်မြို့ ဒေါပေါ်ကလဲကျေးရွာမှာ လက်နက်ကြီးကျရောက်ပြီး ဒေသခံအမျိုးသမီးတစ်ဦးသေဆုံး၊ ၄ဦးထက်မနည်းဒဏ်ရာရ

spot_imgspot_imgspot_imgspot_img

ကန္တာရဝတီတိုင်း( မ် )

ယမန်နေ့ (ဇွန်လ ၉ရက်) ညနေ ၄နာရီဝန်းကျင်က လွိုင်ကော်မြို့ ဒေါပေါ်ကလဲကျေးရွာအနီးမှာ တိုက်ပွဲဖြစ်ပွားနေပြီး ကျေးရွာအတွင်း လက်နက်ကြီးကျရောက်ခဲ့တဲ့အတွက် ဒေသခံ အမျိုးသမီးတစ်ဦးသေဆုံးပြီး ၄ ဦးထက်မနည်းဒဏ်ရာရခဲ့တယ်လို့ ကူညီကယ်ဆယ်ပေးခဲ့တဲ့ ရွှေလွိုင်ကော်ပရဟိတအသင်းဝင် တစ်ဦးက ပြောပြပါတယ်။

သေဆုံးသွားသူမှာ အသက်၂၀ ဝန်းကျင်အရွယ်ရှိ အမျိုးသမီးတစ်ဦးဖြစ်ပြီး ဝမ်းဗိုက်မှာ လက်နက်ကြီးစ ထိမှန်ထားတယ်လို့ သူက ပြောပါတယ်။

“ ဗိုက်မှာ လက်နက်ကြီးထိတာ။ နိုးကူးရောက်မှဆုံးတာ။ ဗိုက်ပွင့်သွားတယ်ပြောတယ်။ အူတွေဘာတွေလည်း ထွက်သွားတယ်ပြောတယ်။ ကျန်တဲ့ လေးယောက်ရဲ့ အခြေအနေက အသက်အန္တာရာယ်တော့ မစိုးရိမ်ရပါဘူး။ အခုက ညဖြစ်နေတဲ့အတွက် အဲ့ဒီရွာထဲကို သွားမကယ်နိုင်ဘူး။ အဲ့ဒီ သူတို့ထွက်လာနိုင်တဲ့လူ အဲ့ဒီလေးယောက်ကိုပဲ ကျနော်တို့ ဆေးရုံပို့ပေးနိုင်တယ်ပေါ့။ အဲ့ဒီရွာထဲမှာလည်း ဒဏ်ရာရထားတဲ့လူတွေလည်း ရှိတယ်လို့ သိရတယ်။ အဲ့တာတော့ မကယ်ထုတ်နိုင်သေးဘူးပေါ့နော။” လို့ ၎င်းက ဆက်ပြောပါတယ်။

ဒေါပေါ်ကလဲကျေးရွာအနီး တိုက်ပွဲဖြစ်ပွားတဲ့အတွက် ကျေးရွာအတွင်း ပိတ်မိနေသူတွေလည်း ရှိနေပါတယ်။ တိုက်ပွဲဖြစ်ပွားတဲ့အတွက် လက်နက်ကြီးပစ်ခတ်မှုတွေရှိနေပြီး ကျေးရွာအတွင်း နှစ်လုံးကျရောက်ခဲ့တာဖြစ်တယ်လို့ သိရပါတယ်။

“ ရွာနားမှာက တော်တော်များတယ်။ ၁၅လုံး အလုံး ၂၀လောက်ကျတယ်။ ရွာထဲမှာက နှစ်လုံးကျတယ်။ နှစ်လုံး လုံးက လူတွေထိကုန်တယ်ပြောတယ်။ “ လို့ ရွှေလွိုင်ကော်ပရဟိတအသင်းဝင် တစ်ဦးကဆက် ပြောပါတယ်။

ပြီးခဲ့တဲ့ ဇွန်လ ၈ ရက်နေ့မှာ ဒီးမော့ဆို အရှေ့ဘက်ခြမ်းကို စစ်ကောင်စီ ခလရ ၄၂၇က လက်နက်ကြီးတွေနဲ့ ပစ်ခတ်ခဲ့တဲ့အတွက် အသက်၅၁နှစ်အရွယ် အမျိုးသမီးတစ်ဦး ထိခိုက်ဒဏ်ရာရခဲ့ပြီး နေအိမ်တချို့ ထိခိုက်ပျက်စီးခဲ့တယ်လို့ ဒေသခံ တစ်ဦးက ပြောပါတယ်။

ဒါ့အပြင် ဇွန်လ ၃ရက်နေ့မှာလည်း ဒီးမော့ဆိုအရှေ့ဘက်ခြမ်းက ကျေးရွာတစ်ရွာထဲကို လက်နက်ကြီး လေးလုံးကျရောက်ခဲ့ပြီး ဒေသခံတစ်ဦးလက်နက်ကြီးစင်ထိ ဒဏ်ရာရခဲ့ပါတယ်။

ကရင်နီပြည်နယ်မှာ မေလ ၂၃ရက်နေ့ကနေ ဇွန်လ ၉ ရက်နေ့အထိ  လက်နက်ကြီးကြောင့် အရပ်သား သေဆုံးသူ ၃ဦး၊ ထိခိုက်ဒဏ်ရာရသူ အရပ်သား ၈ဦးနဲ့ စစ်ကောင်စီသတ်ဖြတ်ခံရသူ တစ်ဦးရှိနေပါတယ်။ 

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...