သဘာဝဘေးဒဏ်ခံရသူများထံ ကယ်ဆယ်ရေးပစ္စည်းများ အမြန်ဆုံးထောက်ပံ့ပေးမည်ဟုဆို

စိုးရယ်

ဘေးအန္တရာယ်စီမံခန့်ခွဲရေးဌာနမှ နိုင်ငံတော်၏ ပံ့ပိုးမှုဖြင့် ကယ်ဆယ်ရေးပစ္စည်းများကို သဘာဝဘေးဒဏ်ခံရသူထံသို့ အမြန်ဆုံးထောက်ပံ့ပေးနိုင်အောင် ဆောင်ရွက်သွားမည်ဟု ဒီးမော့ဆိုမြို ့နယ်အုပ်ချုပ်ရေးမှူး ဦးကျော်သက်ဝင်းက ပြောသည်။

ဧပြီလ ၁ရ ရက် ညနေ ၂ နာရီဝန်းကျင်က မိုးရွာသွန်းကာ လေပြင်းတိုက်ခတ်သဖြင့် ဒေါဖုကျေးရွာတွင် လူနေအိမ်အတော်များများ ပျက်စီးခဲ့သည်။

“ပျက်စီးမှုအခြေအနေနဲ့ ပျက်စီးမှုတန်ဖိုးတွေကို ကျွန်တော်တို့ သက်ဆိုင်ရာအထက်အရာရှိ အဆက်ဆက်အစီရင်ခံစာကို တင်ပြသွားမယ်။”ဟု ဦးကျော်သက်ဝင်းက ပြောသည်။

ထိုပျက်စီးမှုများအား သွားရောက်ကြည့်ရှု့စစ်ဆေးစဉ် ၎င်းက ကန္တာရဝတီတိုင်း(မ်)ကို ပြောကြားသည်။

လေပြင်တိုက်ခက်မှုကြောင့် ဒီးမော့ဆိုမြို့နယ်၏ အရှေ့တောင်ဘက်ခြမ်းရှိ ဒေါဖု၊ ဒေါပဲ့၊ ဒေါပဲ့ဒူ။ ဘိုးလျား စသည့်ကျေးရွာများရှိ လူနေအိမ်အချို့လည်း ပျက်စီးခဲ့ကြောင်း သိရသည်။

ယင်းလေပြင်တိုက်ခတ်မှုကြောင့် နေအိမ် ၁၂ လုံးထက်မနည်း ပျက်စီးသွားသည်ဟု ဦးကျော်သက်ဝင်းက ပြောသည်။

အိမ်ခေါင်မိုးလှန်ခြင်း၊ အိမ်နံရံများ လွင့်စဉ်သွားခြင်း၊ စပါးကျီများ ပျက်စီးသဖြင့် သိုလှောင်ထားသောစပါးများ မိုးစိုကာပျက်စီးခြင်း အစရှိသော ပျက်စီးဆုံးရှုံးမှုမှာ ကျပ်သိန်း သိန်း၄ဝ ကျော်အထိ ရှိမည်ဟု တာဝန်ရှိသူများက ခန့်မှန်းသည်။

ယင်းပျက်စီးမှုများကြောင့် စားဝတ်နေရေး အဆင်မပြေမည်ကို ဒေသခံများက စိုးရိမ်မှုများ ရှိနေသည်။

“စားသောက်ဖို့အတွက် မရှိတော့မှာကိုလည်း အရမ်းစိုးရိမ်ပါတယ်။ ကျွန်မတို့ စပါးက သိပ်မများပါဘူး။ ဒါမဲ့ နှစ်တိုင်းစားဖို့ ဖူလုံမှုရှိအောင် စားနေရပါတယ်။”ဟု ဒေါဖုကျေးရွာနေ ဒေါ်စိုးမယ်က ပြောသည်။

ဒေါဖုကျေးရွာ ဥက္ကဌ ဦးစူးရယ်က “သူတို့ရဲ့ အိမ်ကို နှစ်ကိုယ်အတိုင်းတော့ ပြန်လုပ်ပေးနိုင်ရင်ကောင်းမှာပေါ့။ ဒါမှလည်း သူတို့ စိတ်ပြန်သက်သာလာမယ်၊ ရွာသူရွာသားတွေက ဒီလိုဖြစ်လာတဲ့ချိန်ကျတော့ ဘာမှမတတ်နိုင်ဘဲ ထိုင်ငိုတာ၊ လမ်းပေါ်လျောက်ပြီး ငိုတာကလွဲရင် ဘာမှမတတ်နိုင်ကြဘူး။”ဟု ၎င်းက ညီးတွားသည်။

Comments

comments

Next Post

နှစ်ဆန်း ၁ ရက်နေ့ ငွေတောင်ဆည်အတွင်း ငါးကောင်ရေ ၁ သိန်းကျော် လွှတ်

Fri Apr 20 , 2018
မူအက်စတာ ကယားပြည်နယ် အစိုးရအဖွဲ့မှ ကြီးမှူးပြီး ၂၀၁၈ ခုနှစ် မြန်မာသက္ကရာဇ် ၁၃၈၀၊ နှစ်ဆန်း ၁ရက်နေ့တွင် ငွေတောင်ဆည်တွင် ဇီဝိတဒါန ငါးလွှတ်ပွဲကျင်းပခဲ့သည်။ ဇီဝိတဒါန ငါးလွှတ်ပွဲတွင် ရွှေဝါငါးကြင်း ၇၅၀၀ဝ ကောင်၊ မြက်စားငါးကြင်း ၁၅၀၀ဝ ကောင်၊ ငါးမြစ်ချင်း ၁၅၀၀ဝ ကောင်၊ ငါးခုံးမကြီး ၁၅၀၀ဝ ကောင် စုစုပေါင်း ၁၂၀၀၀ဝ ကောင်ကို ငွေတောင်ဆည်အတွင်း လွှတ်ပေးလို်က်သည်။ “ဒီနှစ်ကူး အခါသမယမှာ တိုင်းရင်းသားညီအစ်ကို မောင်နှမများ အားလုံးက ကျွန်တော်တို့တင်မြောက်ထားတဲ့ ပြည်သူ့အစိုးရနဲ့ အတူတကွလက်တွဲ ပူးပေါင်းဆောင်ရွက်ပြီး အေးအတူပူအမျှ ပြုပြင်ပြောင်းလဲရေးကို မိမိတတ်နိုင်တဲ့ ကဏ္ဍကနေ အစိုးရနဲ့ ပူးပေါင်းဆောင်ရွက်သွားဖို့ ပြောကြားလိုပါတယ်”ဟု ကယားပြည်နယ်ဝန်ကြီးချုပ် ဦးအယ်လ်ဖောင်းရှိုက […]