သဘာဝမြေဩဇာကို ကိုယ်ပိုင်ထုတ်လုပ် အသုံးပြုနည်း အသုံးပြုရန် လိုအပ်လာ

လယ်ခင်းထဲတွင် ပိုးသတ်ဆေးဖြန်းနေကြသည့် တောင်သူတဦး (ဓါတ်ပုံ – ဖဲဘီး)

ထျိုးမြာ

တောင်သူလယ်သမားများသည် ဓာတုဓာတ်မြေဩဇာအပြင် ပိုးသတ်ဆေးများကို အကာအကွယ်မပါပဲ သုံးစွဲမှုများလျော့နည်းလာစေရန်နှင့် သဘာဝမြေဩဇာအသုံးပြုတတ်လာစေရန် လိုအပ်လာသည်ဟု မိုးဗြဲတောင်သူလယ်သမားကွန်ယက် အဖွဲ့က ပြောဆိုလိုက်ကြသည်။

အကြောင်းမှာ မိုးဗြဲဒေသတွင်ရှိသည့် တောင်သူများအသုံးပြုလျက်ရှိသည့် မြေဩဇာနှင့် ပိုးသတ်ဆေးများသည် မိုးဗြဲဆည်တွင်းတွင် စီးဝင်လျက်ရှိသည့်အတွက် ဖြစ်သည်ဟု သိရသည်။

ထို့ကြောင့် ယခု မိုးဗြဲတောင်သူလယ်သမားကွန်ယက်အဖွဲ့က သဘာဝမြေဩဇာ ထုတ်လုပ်နည်း အသုံးပြုနည်းများကို စာတွေ့လက်တွေ့ပို့ချပေးလျက်ရှိသည်။

“ ပိုးသတ်ဆေးတွေ ဖြန်းတဲ့အချိန်မှာလည်း သူတို့မှာ အကာကွယ်အပြည့်အစုံမရှိဘူး။ ဗဟုသုတ အရမ်းနည်းတယ် အဲ့ဒါက တစ်ဘက်ပေ့ါနော။ ပြီးတော့ ကျနော်တို့မြေတွေက မြေဆီလွှာတွေ အရမ်းနည်းနေပြီး။ ခန့်မှန်းခြေပေါ့နော နောက်ထပ်နှစ်နှစ်ဆယ်လောက်နေရင် လယ်အကြောင်းတော့ကျနော်တို့အတိမကျမပြောနိုင်ဘူး။ ကျနော်တို့မြေတွေကတော့ နောက်ထပ်နှစ်နှစ်ဆယ်သုံးဆယ်ဆိုရင် မြေဆီလွှာလုံးဝကုန်ခမ်းသွားနိုင်တဲ့အခြေအနေရှိတဲ့အတွက် ကျနော်တို့လည်း ဒီစီမံကိန်းကိုလုပ်ရခြင်းဖြစ်တယ်ပေါ့နော ” ဟု မိုးဗြဲတောင်သူလယ်သမားကွန်ယက် ဥက္ကဌ ခွန်းစိန်ဝင်း ကပြောပါသည်။

တောင်သူများအနေနှင့် မိမိဒေသရှိအရင်းအမြစ်များကို အသုံးချပြီး သဘာဝပတ်ဝန်းကျင်ကိုပျက်စီးစေခြင်းမရှိစေပဲ နည်းပညာကိုအသုံးချပြီး ကိုယ့်အားကိုယ်ကိုးစိုက်ပျိုးတတ်စေရန်နည်းလမ်းများကို စာတွေ့လက်တွေ့ပိုချပေးလျက်ရှိသည်ဟု Future Organic Form , Inlay မှ စိုက်ပျိုးရေးမန်မေဂျာ ကိုအောင်မိုးဟိန်းက ပြောပါသည်။

၎င်းတို့အဖွဲ့သည် အော်ဂဲန်နစ်စိုက်ပျိုးမှုစနစ်ကို ၂၀၁၄ ခုနှစ်တွင် စတည်ဆောင်ရွက်ခဲ့ပြီး စာတွေ့လက်တွေ့များကို အများဆုံးချပြနိုင်ခဲ့သောကြောင့် ယခုအချိန်တွင် တောင်သူများစိတ်ဝင်စားမှုပိုမိုများပြားလာခဲ့သည်ဟု ဆိုပါသည်။

“ အောင်ဂဲန်းနစ် စိုက်ပျိုးရေးဆိုတာက ကျနော်တို့က အကျိုးအမြတ်တစ်ခုတည်းအတွက် မဟုတ်ဘူးပေါ့နော။ တော်တော်မျာများသိထားတာက အောင်ဂဲန်းနစ်စိုက်ပျိုးနည်းစိုက်ရင် ထုတ်ကုန်တွေက ဈေးကွက်ပိုကောင်းတယ်ပေါ့။ ပိုက်ဆံပိုရတယ်ပေါ့။ ဒါပေမဲ့ကျနော်တို့ လုပ်ရှားမှုရဲ့ အဓိကရည်ရွယ်ချက်ကတော့ လူတွေကျန်းမာရေးနဲ့ညီညွတ်တဲ့ အစားအစာကိုစားနိုင်ရမယ် တောင်သူတွေလည်း ကျန်းမရေးနဲ့ညီညွတ်တဲ့စီးပွားရေးတွေကို ကိုယ်ကိုယ်တိုင်ဖောင်စပ်ပြီးတော့ အသုံးချနိုင်ပြီးတော့ ကုန်ကျစရိတ်လည်း သက်သာလာမယ် ” ဟု ကိုအောင်မိုးဟိန်းကပြောပါသည်။

သင်တန်းတွင် ပိုးမွေးမြူဆေး၊ ပယက်အားခြင်း၊ ပိုးနှိမ်ဆေး၊ ပိုးသတ်ဆေး၊ မှုန်စိုက်ပျိုးရေးနည်းပညာ၊ မြေဩဇာထုတ်လုပ်ရေးနည်းပညာ စသည်များကို လက်တွေ့စာတွေ့ပို့ချပေးကြပြီး သင်တန်းပြီးရင်လည်း သင်တန်းသားများကို သင်တန်းတက်ရောက်မှုအလကားမဖြစ်စေရန်အတွက် မှုန်မျိုးစေ့တစ်ဘောင်စီပေးသွားပြီး ၎င်းတို့၏စိုက်ပျိုးမှုကို မှတ်တမ်းအဖြစ်ယူသွားမည်ဖြစ်သည်ဟု သိရသည်။

ဓါတုပစ္စည်းပါဝင်မှုများလာသည်ဟု ယူဆရသည့် မိုးဗြဲဆည်ရေကန်ရှိ ရေကိုလည်း စမ်းသပ်နိုင်ရန်အတွက် စတင်ဆောင်ရွက်နေပြီဟုသိရသည်။

Comments

comments

Next Post

သီးနှံအထွက်တိုး၊ ပိုးမွှားအန္တရာယ်ကင်းစေရေး ကားတိုင်စိုက်ထူဆုတောင်း

Wed Sep 27 , 2017
မူအက်စတာ/ကန္တာရဝတီတိုင်း(မ်) တောင်သူများ၏ စိုက်ပျိုးရေးသီးနှံ ပိုမိုဖြစ်ထွန်းရန်နှင့် ပိုးမွှားဖျက်ဆီးသည့် အန္တရာယ်ကာကွယ်စေရန်အတွက် ဆုတောင်းပွဲများ ပြုလုပ်ကာ တစ်နှစ်တစ်ကြိမ် လယ်ကွင်းထဲတွင် ကရူးစူး(ခေါ်)ကားတိုင်ကို တောင်သူများ သွားရောက်စိုက်ထူကြခြင်း ဖြစ်သည်။ ကက်သလစ်ဘာသာဝင်များ၏ ကရူးစူး(ခေါ်) ကားတိုင်အောင်မြင်ခြင်းပွဲကို စက်တင်ဘာလ ၁၄ရက်နေ့၊ ဒီးမော့ဆိုမြို့နယ် ၅ မြောင်းတွင် ကျင်းပပြုလုပ်ခဲ့ကြောင်း သိရသည်။ စပါးတွေ ပိုအထွက်ကောင်းအောင်၊ ပိုးမကျအောင် ကျွန်တော်တို့ ဒီလိုဆုတောင်ပွဲတွေ လုပ်ကြတယ်ပေါ့၊ ပြီးတော့ ကျွန်တော်တို့လယ်ထဲမှာ ကရူးစူးကို သွားစိုက်ကြတယ်ပေါ့” ဟု တောင်သူဦးမာတေးအိုက ပြောပါသည်။ ကရူးစူး(ခေါ်)ကားတိုင်အောင်မြင်ခြင်းပွဲအား ပြုလုပ်ရခြင်းအကြောင်းအရင်းအား ကက်သလစ်ဘာသာဘုန်းတော်ကြီးတစ်ပါးက “အိမ်ရှေ့၊ အိမ်နောက် လမ်းဆုံလမ်းခွ၊ အိမ်ခေါင်မိုးတွေပေါ်မှာလည်း အောင်မြင်ခြင်းအတွက်၊ အနှောက်အယှက်တွေ ကင်းဝေးစေဖို့အတွက် အခုလို ကရူးစူးကို စိုက်ထူထားရခြင်းဖြစ်တယ်၊ […]

ဆက်စပ်သတင်းများ