spot_img
Thursday, February 9, 2023
spot_img

အပစ်ရပ်အေးချမ်းတည်ငြိမ်မှုထိန်းသိမ်းကာကွယ်ပြီး ဖက်ဒရယ်ဒီမိုကရေစီတည်ဆောက်ရန် ကယန်းပြည်သစ်ပါတီ ဥက္ကဌ ပြောကြား

spot_imgspot_imgspot_imgspot_img

ခွန်းကလိုင်းဖရီး (ကန္တာရဝတီတိုင်း(မ်))

ဒီကနေ့ (ဇွန်လ ၄) ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ ဆီးဘူးကျေးရွာရှိ ကယန်းပြည်သစ်ပါတီရဲ့ ဗဟိုဌာနချုပ်မှာ (၅၈) နှစ်ပြည့် ကယန်းအမျိုးသားလက်နက်ကိုင်တော်လှန်ရေးနေ့ အခမ်း အနားကို ပြုလုပ်ခဲ့ပါတယ်။

အခမ်းအနားမှာ ကယန်းပြည်သစ်ပါတီဥက္ကဌ ဦးသန်းစိုးနိုင်က အပစ်ရပ်အေးချမ်းတည်ငြိမ်မှုထိန်းသိမ်းကာကွယ်ပြီး ဖက်ဒရယ်ဒီမိုကရေစီတည်ဆောက်ရန် မိန့်ခွန်းမှာ ထည့်သွင်းပြောကြားလိုက်ပါ တယ်။

ပါတီဥက္ကဌရဲ့ မိန့်ခွန်းကို ဗိုလ်မှူးကြီးစိုးနိုင်သန်းက ပြန်လည်ဖတ်ကြားပေးခဲ့တာဖြစ်ပါတယ်။

“ကယန်းအမျိုးသား လက်နက်ကိုင်တော်လှန်ရေးရဲ့ (၅၈) နှစ်အတွင်း ချွေး၊ သွေး၊ အသက်ပေးဆပ်ရမှုမှ ရရှိခဲ့သော အပစ်ရပ်အေးချမ်းတည်ငြိမ်မှုအပါအဝင် အချိန်ပေးတည် ဆောက်ရယူ ခဲ့သော ဖွံ့ဖြိုးမှုအခြေခံအဆောက်အအုံများနှင့် အောင်သီးအောင်ပွင့်များကို ထိန်းသိန်းကာကွယ်၍ ကယန်းအမျိုး သားတို့ရဲ့ နိုင်ငံရေးဦးတည်ချက်ဖြစ်သော ကိုယ်ပိုင်ပြဌာန်းခွင့်ပါရှိသည့် ကယန်းကိုယ်ပိုင်အုပ်ချုပ်ရေး ဒေသပါဝင် သော ဖက်ဒရယ်ဒီမိုကရေစီပြည်ထောင်စု နိုင်ငံတော်သစ်တည်ဆောက်ရေးပန်းတိုင်သို့ အရောက်ဆက် လက်ချီ တက်သွားကြပါစို့လို့ လှုံ့ဆောက်တိုက်တွန်းရင်း နိဂုံးချုပ်အပ်ပါသည်။”လို့ မိန့်ခွန်မှာ ပြောကြားခဲ့တာပါ။

ကယန်းပြည်သစ်ပါတီဟာ ၁၉၆၄ ခုနှစ်၊ ဇွန်လ (၄) ရက်နေ့မှာ လက်နက်ကိုင်တော်လှန်ရေးစတင်ခဲ့ပြီး ၁၉၉၄ ခုနှစ် မှာ စစ်အစိုးရ နဲ့ အပစ်ခတ်ရပ်စဲရေးပြုလုပ်ခဲ့တာဖြစ်ပါတယ်။

အပစ်ခတ်ရပ်စဲရေးလုပ်ပြီးနောက်ပိုင်းမှာ ကယန်းဒေသတွင်း ဖွံ့ဖြိုးရေးလုပ်ငန်းများလုပ်ဆောင်ပေးခဲ့တယ်လို့လည်း မိန်းခွန်းမှာပါရှိပါတယ်။

“ထိုသို့ ငြိမ်းချမ်းရေးနှင့် ဒေသဖွံ့ဖြိုးရေးလုပ်ငန်း ဆောင်ရွက်နေသည်နှင့် တပြိုင်တည် အခြေခံကျတဲ့ နိုင်ငံရေး ပြဿနာများကို ဖြေရှင်းနိုင်ရန်အတွက် နည်းလမ်းကောင်းများ ရှာဖွေပြီး လူမျိုး တိုင်းတန်းတူမျှတသော ဖယ်ဒရယ် ဒီမိုကရေစီ ပြည်ထောင်စုသစ်ကိုပါ တည်ဆောက်သွားရန် ဖြစ်ပါသည်။” လို့ ဥက္ကဌရဲ့ မိန့်ခွန်းမှာပါရှိပါတယ်။

အဲဒီ အခမ်းအနားမှာ ကယန်းပြည်သစ်တပ်မတော်မှ စစ်ရေးပြတာတွေနဲ့ ကယန်းပြည်သစ်ပါတီဥက္ကဌ၊ ကယန်းပြည်သစ်တပ်မတော် စစ်ဦးစီးချုပ်၊ ကယန်းပြည်သစ်တော်လှန်ရေးကောင်စီ၊ ကယန်းပြည်သူလူထုကိုယ်စားတို့မှ ပေးပို့လာတဲ့ သဝဏ်လွှာတွေကို ဖတ်ကြားခဲ့ပါတယ်။

ကယန်းပြည်သစ်ပါတီဟာ ပါတီအနေနဲ့ ကယန်းပြည်သစ်ပါတီ (KNLP)၊ တပ်မတော်အနေနဲ့ ကယန်းပြည်သစ်တပ်မတော် (KNLA)နဲ့ ကယန်းပြည်သစ်တော်လှန်ရေးကောင်စီ ဆိုတဲ့ ပြည်သူ့အုပ်ချုပ်ရေးအဖွဲ့ (KNRC) ဆိုပြီး ဖွဲ့စည်းထားကြောင်းသိရပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...