စိုးထိုက်အောင်၊ အန်ထော်နီ
၂၀၂၁ ခုနှစ် ဇန်နဝါရီလ (၁၃)ရက်နေ့မှာ ကျရောက်တဲ့ ပရဲ့ နှစ်သစ်ကူးပွဲတော်ကို ပရဲ့လူမျိုးစုတွေ အများစုနေထိုင်တဲ့ ကေကော ကျေးရွာအုပ်စု လိုဒေးကျေးရွာမှာ ပြုလုပ်ခဲ့ပါတယ်။
ကိုဗစ်ကာလဖြစ်တာကြောင့် ပွဲတော်ကို အကျဉ်းချုံးပြီးတော့ ပြုလုပ်ခဲ့တယ်လို့ ပရဲ့အမျိုးသားကော်မတီ ဒုဥက္ကဌ ဦးဂျေအက်ဒွက် ကပြောပါတယ်။
နှစ်သစ်ကူးပွဲနေ့မတိုင်ခင် ည(၁၂)နာရီ တိတိမှာ မီးရှုးမီးပန်းဖောက်တာတွေ၊ သေနတ်ပစ်ဖောက်ခြင်းအပြင် ရိုးရာအကတွေနဲ့ သီဆိုဖျော်ဖြေရင်း နှစ်သစ်ကူးကိုကြိုဆိုကြပါတယ်။
နံနက် (၈) နာရီဝန်းကျင်မှာတော့ ပရဲ့လူမျိုးတို့ အထွဋ်အမြတ်ထားကြတဲ့ တံခွန်တိုင် တိုင်တော်ကိုအိုးစည်ဗုံမောင်းတီးကာ စိုက်ထူခဲ့ကြပြီး အားကစားပွဲတွေလည်း ကျင်းပခဲ့ကြပါတယ်။