Monday, September 20, 2021

လွိုင်ကော်မြို့တွင် စားသောက်ဆိုင်များ ပါဆယ်စနစ်ဖြင့် ရောင်းချရန်နှင့် လူစုလူဝေးအခမ်းနားများ ပြုလုပ်လိုပါက (၃)ရက်ကြိုတင် တင်ပြပြီး ခွင့်ပြုချက်တောင်းခံရန် စစ်ကောင်စီညွှန်ကြား

ကန္တာရဝတီတိုင်း(မ်)

ကရင်နီပြည်နယ်၊ လွိုင်ကော်မြို့နယ်အတွင်းရှိ စားသောက်ဆိုင်တွေကို ပါဆယ်စနစ်ဖြင့် သာ ရောင်းချကြရန်နဲ့ လူစုလူဝေး ဖြင့်ပြုလုပ်ရမယ့် အခမ်းအနားတွေကို စစ်ကောင်စီရဲ့ ပြည်နယ်စီမံအုပ်ချုပ်ရေး ကောင်စီသို့ (၃) ရက်ကြိုတင်တင်ပြ၍ ခွင့်ပြုချက် တောင်းခံရန် ဇူလိုင်လ ၄ ရက်နေ့မှစ၍ ညွှန်ကြားထားတယ်လို့ သိရပါတယ်။

မြန်မာနိုင်ငံအနှံ့အပြားမှာ ဖြစ်ပွားနေတဲ့ မျိုးရိုးဗီဇပြောင်း Covid-19 ရောဂါ အား ထိန်းချုပ် ကာကွယ်နိုင်ရန်အတွက် အဆိုပါ ညွှန်ကြားချက်တွေကို လိုက်နာပေးကြရန် စစ်ကောင်စီရဲ့ ပြည်နယ်စီမံအုပ်ချုပ်ရေး ကောင်စီက ဇူလိုင်လ ၄ ရက်နေ့မှာ စာထုတ်ပြီး မြို့နယ်စည်ပင်သာယာရေး ဌာနများမှတစ်ဆင့် ညွှန်ကြားထားတယ်လို့ သိရပါတယ်။

အဆိုပါ ညွှန်ကြားချက်ထဲမှာ လွိုင်ကော်မြို့အတွင်း စားသောက်ဆိုင်များအနေဖြင့် ဆိုင်ထိုင်စနစ်ဖြင့် ရောင်းချခွင့်မပြုဘဲ ပါဆယ်စနစ်ဖြင့်ရောင်းချရန်၊ နေ့စဥ်မရှိမဖြစ်လိုအပ်တဲ့ လူသုံးကုန်ပစ္စည်းများကိုသာ Covid စည်းကမ်းနှင့်အညီ ရောင်းချရန်၊ လူစုလူဝေးဖြင့် အခမ်းနား ပြုလုပ်မည်ဆိုပါက ပြည်နယ်စီမံအုပ်ချုပ်ရေးကောင်စီသို့ (၃)ရက်ကြိုတင် အကြောင်းကြား၍ ခွင့်ပြုချက်ရပါက Covid စည်းကမ်းချက်များ နှင့်အညီ ဆောင်ရွက်ကြရန် စသည့် အချက်တွေ ပါဝင်ပါတယ်။

ရပ်ကွက်အချို့မှာ အသံချဲ့စက်နဲ့ စားသောက်ဆိုင်တွေမှာ ပါဆယ်စနစ်နဲ့သာရောင်းချဖို့လည်း လှည့်လည် ပြောဆိုနေတယ်လို့ ဒေသခံဆီကနေ သိရပါတယ်။

ကရင်နီပြည်နယ်မှာ ၂၀၂၁ ခုနှစ် ဇန်နဝါရီလ ၃၁ ရက်နေ့ထိ Covid-19 အတည်ပြုလူနာပေါင်း ( ၁၁၂)ဦး တွေ့ရှိခဲ့ရပြီး စစ်တပ်မှအာဏာသိမ်းပြီးနောက် ဇွန်လ၃၀ရက်နေ့ ဇူလိုင်လ ၉ရက်နေ့အထိ Covid-19 အတည်ပြုလူနာ (၃၅)ဦး တွေ့ရှိထားသလို ကိုဗစ်ရောဂါနဲ့သေဆုံးသူ ၂ဦးရှိနေပြီဖြစ်တယ်လို့ သိရပါတယ်။

More from the blog

ဆေးဝါး၊ ရိက္ခာသယ်ယူတဲ့ စေတနာ့ဝန်ထမ်းကား သေနတ်ပစ်ခံရ

ကန္တာရဝတီတိုင်း(မ်) စစ်ဘေးရှောင်ပြည်သူတွေအတွက် ဆေးဝါး၊ ရိက္ခာသွားယူပြီး လွိုင်ကော်မြို့မှ ဒီမော့ဆိုမြို့ဖက်သို့ ပြန်လာတဲ့ စေတနာ့ဝန်ထမ်းတစ်ဦးရဲ့ကား ဒီကနေ့ (စက်တင်ဘာလ ၁၇ ရက်နေ့ ) နံနက်ပိုင်းမှာ သေနတ်နဲ့ အပစ်ခံရတယ်လို့ ဒီမော့ဆိုမြို့နယ်မှ ဒေသခံအမျိုးသားတစ်ဦးက ပြောပါတယ်။

တိုက်ပွဲအတွင်း လက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦး ကျဆုံး

ကန္တာရဝတီတိုင်း(မ်) ယမန်ညက ဒီမော့ဆိုမြို့နယ် ဒေါပိုးစီနဲ့ ၆ မိုင်ကျေးရွာအနီးတစ်ဝိုက်မှာ ကရင်နီတပ်မတော်(KA)၊ ကရင်နီအမျိုးသားများကာကွယ်ရေးတပ်(KNDF) ပူးပေါင်းပြီး အကြမ်းစစ်ကောင်စီတပ်နဲ့ တိုက်ပွဲဖြစ်ပွားခဲ့ရာ ကရင်နီတပ်မတော်မှ တပ်ကြီးကြီးအဆင့်ရှိသူ တစ်ဦး...

စစ်ကောင်စီက စစ်ကြောင်းထိုးရင် ဖမ်းဆီးခံရသူများ ပြန်လွှတ်သူ မရှိသေး

ကန္တာရဝတီတိုင်း(မ်) ကရင်နီပြည်နယ်မှာ စစ်ကောင်စီက စစ်ကြောင်းထိုးရင်းဖမ်းသွားတဲ့သူ ဩဂုတ်၂၇ရက်နေ့ကနေ စက်တင်ဘာလ၈ရက်နေ့အတွင်း ၂၅ဦး ရှိနေပြီး ပြန်လွှတ်လာတဲ့သူ မရှိသေးဘူးလို့ ကရင်နီလူ့အခွင့်အရေး ဒါရိုက်တာ ဦးဗညားထံက သိရပါတယ်။ ပြီးခဲ့တဲ့ ရက်ပိုင်းအတွင်း...

တစ်ပြည်နယ်လုံးကို စစ်မျက်နှာဖွင့်ပြီး အကြမ်းဖက်စစ်ကောင်စီကို ချေမှုန်းသွားမယ်လို့ KNDF ပြော

ကန္တာရဝတီတိုင်း(မ်) ကရင်နီတစ်ပြည်နယ်လုံးအတိုင်းအတာနဲ့ စစ်မျက်နှာဖွင့်ပြီး စစ်ကောင်စီကို အမြစ်ပြတ်ချေမှုန်းသွားမယ်လို့ ကရင်နီအမျိုးသားများကာကွယ်ရေးတပ် ( KNDF ) က ဒီကနေ့ စက်တင်ဘာလ ၁၄ရက်နေ့မှာ ထုတ်ပြန်ထားပါတယ်။ အခုလို ထုတ်ပြန်တာနဲ့...