Monday, September 20, 2021

ဖရူဆိုမြို့အနောက်ဖက်ခြမ်းမှ အကြမ်းဖက်စစ်ကောင်စီတပ်များ ပြန်လည်ဆုတ်ခွာ

ဓါတ်ပုံ – CJ

ကန္တာရဝတီတိုင်း(မ်)

ယမန့်နေ့ (ဇူလိုင်လ ၂၂) မှာ ကရင်နီပြည်နယ် ဖရူဆိုမြို့အနောက်ဖက်ခြမ်းရှိ ဟိုယာ၊ ဘီယာဒေသဖက်မှာ အကြမ်းဖက် စစ်ကောင်စီတပ်က အင်အား ၂၀၀ ကျော်ရှိတဲ့ စစ်ကြောင်းနှစ်ကြောင်းဖြင့် ကျေးရွာအတွင်း ဝင်ရောက်အခြေချခဲ့ပြီး ဒီကနေ့ ဇူလိုင်လ ၂၃ ရက်နေ့ နံနက်ပိုင်းမှာ ပြန်လည်ထွက်ခွာပြီဖြစ်ကြောင်း ဒေသခံဆီကနေ သိရပါတယ်။

“ဒီနေ့ သူတို့ပြန်ပြီးတော့ ထွက်ခွာသွားပြီ သူတို့လာတဲ့လမ်းအတိုင်းပဲ ပြန်ထွက်သွားပြီ ဒီနေ့ ၈နာရီကျော် ၉နာရီလောက်မှာ စထွက်သွားတယ်။ မနေ့က စစ်ကြောင်းနှစ်ကြောင်းလာတယ် စစ်ကြောင်းတစ်ကြောင်းကို ၁၂၀ လောက်ပါတယ်။ ဘုရားကျောင်းတို့ စာသင်ကျောင်းတို့ ဓတ်ပုံမှတ်တမ်းလေးတွေယူသွားတယ်။ သူတို့(စစ်ကောင်စီ) မရှိရင်တော့ ငြိမ်းချမ်းပါတယ် အေးဆေးပါပဲ အခုသူတို့ထွက်သွားတော့ ပုံမှန်အတိုင်းပဲ ပြန်ပြီးဖြစ်မှာပါ။”လို့ ဒေသခံအမျိုးသားတစ်ဦးက ပြောပါတယ်။

အင်အား ၂၀၀ ကျော်ရှိတဲ့စစ်ကောင်စီတပ်က ဟိုယာ၊ ဘီယာဒေသသို့ ယမန်နေ့ ဇူလိုင်လ ၂၂ရက်နေ့ နံနက်ပိုင်းမှစ သွားလာလုပ်ရှားခဲ့ပြီးနောက် ကျေးရွာအတွင်း ဝင်ရောက်အခြေချမှု ပြုလုပ်ခဲ့တာကြောင့် ဒေသခံတွေ စိုးရိမ်ကြောက်လန့်နေရတယ်လို့ သိရပါတယ်။

ရှမ်းပြည်နယ်တောင်ပိုင်း ဖယ်ခုံမြို့နယ် ဘီတူကျေးရွာမှတဆင့် ဖရူဆိုမြို့နယ်အတွင်း ဘီယာကျေးရွာနဲ့ ဒိုမိုခိုကျေးရွာမှာလည်း စစ်ကြောင်းများ တပ်ဖြန့်ထားတယ်လို့ ကရင်နီအမျိုးသားကာကွယ်ရေးတပ် (KNDF)ရဲ့ သတင်းနှင့်ပြန်ကြားရေးက ထုတ်ပြန်ထားပါတယ်။

ကရင်နီတပ်မတော်(KA)နဲ့ ကရင်နီအမျိုးသားကာကွယ်ရေးတပ် (KNDF) ပူးပေါင်းအဖွဲ့နဲ့ စစ်ကောင်စီတပ်တို့ ဘောလခဲမြို့နယ်နဲ့ ဖရူဆိုမြို့နယ်ကြား နန်းဖဲကျေးရွာအနီး တိုက်ပွဲဖြစ်ပွားမှုကြောင့် ဒေသခံပြည်သူတွေ စစ်ဘေးရှောင်နေရသလို ဖရူဆိုမြို့နယ်အနောက်ဖက်မှာလည်း စစ်ကောင်စီတပ်မှ အင်အားဖြည့်တင်းမှု ဆက်လက်လုပ်ဆောင်နေပြီး သွားလာလှုပ်ရှားမှုတွေလည်း ရှိတယ်လို့ ဒေသခံပြောကြားချက်အရ သိရပါတယ်။

စစ်ကောင်စီတပ်မှ ပြည်သူ့ကာကွယ်ရေးတပ်ဖွဲ့ ခြေကုပ်ယူထားတဲ့နယ်မြေတွေမှာ စစ်ဆင်ရေးပြုလုပ်နေသလို စစ်ရေးတင်းမာမှုအခြေအနေကြောင့် တိုက်ပွဲအချိန်မရွေး ဖြစ်ပွားနိုင်တဲ့အတွက် ပြည်သူများအနေဖြင့် လုံခြုံရေးသတိရှိကြဖို့ KNDF က အသိပေး ထုတ်ပြန်ထားပါတယ်။

More from the blog

ဆေးဝါး၊ ရိက္ခာသယ်ယူတဲ့ စေတနာ့ဝန်ထမ်းကား သေနတ်ပစ်ခံရ

ကန္တာရဝတီတိုင်း(မ်) စစ်ဘေးရှောင်ပြည်သူတွေအတွက် ဆေးဝါး၊ ရိက္ခာသွားယူပြီး လွိုင်ကော်မြို့မှ ဒီမော့ဆိုမြို့ဖက်သို့ ပြန်လာတဲ့ စေတနာ့ဝန်ထမ်းတစ်ဦးရဲ့ကား ဒီကနေ့ (စက်တင်ဘာလ ၁၇ ရက်နေ့ ) နံနက်ပိုင်းမှာ သေနတ်နဲ့ အပစ်ခံရတယ်လို့ ဒီမော့ဆိုမြို့နယ်မှ ဒေသခံအမျိုးသားတစ်ဦးက ပြောပါတယ်။

တိုက်ပွဲအတွင်း လက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦး ကျဆုံး

ကန္တာရဝတီတိုင်း(မ်) ယမန်ညက ဒီမော့ဆိုမြို့နယ် ဒေါပိုးစီနဲ့ ၆ မိုင်ကျေးရွာအနီးတစ်ဝိုက်မှာ ကရင်နီတပ်မတော်(KA)၊ ကရင်နီအမျိုးသားများကာကွယ်ရေးတပ်(KNDF) ပူးပေါင်းပြီး အကြမ်းစစ်ကောင်စီတပ်နဲ့ တိုက်ပွဲဖြစ်ပွားခဲ့ရာ ကရင်နီတပ်မတော်မှ တပ်ကြီးကြီးအဆင့်ရှိသူ တစ်ဦး...

စစ်ကောင်စီက စစ်ကြောင်းထိုးရင် ဖမ်းဆီးခံရသူများ ပြန်လွှတ်သူ မရှိသေး

ကန္တာရဝတီတိုင်း(မ်) ကရင်နီပြည်နယ်မှာ စစ်ကောင်စီက စစ်ကြောင်းထိုးရင်းဖမ်းသွားတဲ့သူ ဩဂုတ်၂၇ရက်နေ့ကနေ စက်တင်ဘာလ၈ရက်နေ့အတွင်း ၂၅ဦး ရှိနေပြီး ပြန်လွှတ်လာတဲ့သူ မရှိသေးဘူးလို့ ကရင်နီလူ့အခွင့်အရေး ဒါရိုက်တာ ဦးဗညားထံက သိရပါတယ်။ ပြီးခဲ့တဲ့ ရက်ပိုင်းအတွင်း...

တစ်ပြည်နယ်လုံးကို စစ်မျက်နှာဖွင့်ပြီး အကြမ်းဖက်စစ်ကောင်စီကို ချေမှုန်းသွားမယ်လို့ KNDF ပြော

ကန္တာရဝတီတိုင်း(မ်) ကရင်နီတစ်ပြည်နယ်လုံးအတိုင်းအတာနဲ့ စစ်မျက်နှာဖွင့်ပြီး စစ်ကောင်စီကို အမြစ်ပြတ်ချေမှုန်းသွားမယ်လို့ ကရင်နီအမျိုးသားများကာကွယ်ရေးတပ် ( KNDF ) က ဒီကနေ့ စက်တင်ဘာလ ၁၄ရက်နေ့မှာ ထုတ်ပြန်ထားပါတယ်။ အခုလို ထုတ်ပြန်တာနဲ့...