spot_img
Wednesday, August 10, 2022
spot_img

စစ်ကောင်စီရဲ့ သတ်ဖြတ်မှုနဲ့ လက်နက်ကြီးထိမှန်ပြီး သေဆုံးသူ အမျိုးသမီး (၃၂) ဦးထိရှိ

spot_imgspot_imgspot_imgspot_img

ကန္တာရဝတီတိုင်း(မ်)

စစ်တပ်အာဏာသိမ်းပြီး ၂၀၂၁ခုနှစ်၊ ဖေဖော်ဝါရီလ( ၁ )ရက်နေ့ မှ ၂၀၂၂ ခုနှစ်၊ ဇွန်လ ( ၉ )ရက်နေ့အထိ ကရင်နီပြည်အတွင်းရှိ အမျိုးသမီးများ မတရားသတ်ဖြတ်ခံရသူနဲ့ လက်နက်ကြီး ထိမှန်ပြီး သေဆုံးသူ (၃၂) ဦး ရှိတယ်လို့ တိုးတက်သော ကရင်နီပြည်သူ့အင်အားစု ( PKPF ) က ထုတ်ပြန်ထားပါတယ်။

သေဆုံးသူအများစုဟာ လက်နက်ကြီးထိမှန်ပြီး သေဆုံးရတာတွေ ပိုများတယ်လို့ PKPF တာဝန်ရှိသူ တစ်ဦးက ပြောပါတယ်။

“လက်နက်ကြီးထိမှန်တာနဲ့ စစ်ကောင်စီ သတ်ဖြတ်တာပေါ့နော။ အကြောင်းအရင်းကတော့ နှစ်ခုရှိတယ်။ အများအားဖြင့်ကတော့ လက်နက်ကြီး ထိမှန်လို့ သေဆုံးတာပေါ့နော။ ကျန်တဲ့ စစ်ကောင်စီသတ်ဖြတ်တာကတော့ ကျနော်တို့ ရုပ်အလောင်း အကြွင်းပဲ ပြန်တွေ့ရပါတယ်။ ဒီရုပ်အလောင်းကြွင်းတွေပဲ ကျနော်တို့ တွေ့ရတာ။ ဒီရုပ်အလောင်းအကြွင်းပဲ ပြန်တွေ့ရတဲ့ဟာနဲ့ ဒီမိုဆိုကိစ္စမှာ ဖြစ်သွားတဲ့ဟာ” လို့ PKPF က တာဝန်ရှိသူတစ်ဦးက ပြောပါတယ်။

ဒါ့အပြင် စစ်ရှောင်ရင်း ကျန်းမာရေးစောင့်ရှောက်မှုနဲ့ အာဟာရမပြည့်ဝမှုဖြစ်ပြီး သေဆုံးသူတွေလည်းရှိနေပြီး အမျိုးသမီး (၁၁) ဦး ရှိတယ်လို့ ထုတ်ပြန်ချက်မှာ ဖော်ပြထားပါတယ်။

အဆိုပါ သေဆုံးသွားတဲ့ အမျိုးသမီးတွေရဲ့ စာရင်းတွေဟာ PKPF အနေနဲ့ လက်လှမ်းမှီသလောက် ပြုစု မှတ်တမ်းတင်ခြင်းသာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ကရင်နီပြည်မှာ တစ်နှစ်ကျော် ကာလအတွင်း စစ်ရှောင်ပြည်သူ နှစ်သိန်းနီးပါးရှိနေပြီး အများစုဟာ အမျိုးသမီးနဲ့ ကလေးငယ်တွေဖြစ်ပါတယ်။

ဒီလိုသေဆုံးရတာဟာ ပဋိပက္ခအတွင်း ထွက်ပြေးတိမ်းရှောင်ရင်း အသက်ဆုံးရှုံးရတာတွေဖြစ်တဲ့အတွက် စိတ်ပိုင်းဆိုင်ရာနဲ့ပတ်သက်ပြီး ကြောက်လန့်စိတ်တွေက အမြဲတမ်းရှိနေတယ်လို့ ဒီးမော့ဆို အနောက်ဘက်ခြမ်း စစ်ရှောင်အမျိုးသမီးတစ်ဦးက ပြောပါတယ်။

“ကျမတို့ကိုယ်တိုင်ခံစားနေရတယ်လေ။ လေယာဉ်လာကျဲမယ် လက်နက်ကြီးကျရင်လည်း ကျမတို့ကိုယ်တိုင်မြောင်းထဲမှာ ပုန်းရမယ့် အချိန်တွေရှိတယ်။ ပြီးတော့မှ မအိပ်ဘဲနဲ့ ကောင်းကင်ကို မျှော်ကြည့်ပြီးတော့ သူလာမယ့်အချိန်ကို စောင့်နေရတာမျိုးပေါ့။ ထိပ်လန့်မှုတွေနဲ့ ခဏတဖြုတ်တောင်မှ စိတ်ချ လက်ချ နေလို့မရဘူး” လို့ ဒီးမော့ဆို အနောက်ဘက်ခြမ်း စစ်ရှောင်အမျိုးသမီးတစ်ဦးက ပြောပါတယ်။

စစ်ကောင်စီ အာဏာသိမ်းပြီး သေဆုံးတဲ့ အမျိုးသမီးတွေဟာ ဖယ်ခုံ၊ ဒီးမော့ဆို၊ လွိုင်ကော် က အမျိုးသမီးတွေ ဖြစ်ပြီး ဘောလခဲက တစ်ဦးပါဝင်တယ်လို့ လို့ PKPF က တာဝန်ရှိသူတစ်ဦးက ပြောပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...