တပ်သိမ်းယာမြေဧက ၃၇ရ ကျော် ပြန်လည်စွန့်လွှတ်

ကန္တာရဝတီတိုင်း(မ်) –

ရှမ်းပြည်နယ်တောင်ပိုင်း မိုးဗြဲမြို့၌ တပ်လုံခြုံရေးအတွက် အကြောင်းပြချက်ဖြင့် သိမ်းယူထားသော ယာမြေဧက ၃၇ရ ဧကကျော်ကို   ပြန်လည်စွန့်လွှတ်ရန် မေလ ၁၁ ရက်နေ့က တိုင်းတာမှုများ ပြုလုပ်ခဲ့ကြောင်း သိရသည်။
 
၁၉၉၂ ခုနှစ်ကတည်းက အမှတ် ၄၂၂ ခြေမြန်တပ်ရင်းက သိမ်းယူခဲ့ခြင်းဖြစ်ပြီး ယာမြေ ၃၇ရ ဧကကို တပ်မတော်၊ ရဲတပ်ဖွဲ့နှင့် ဒေသခံများ ပါဝင်လျှက် ၃ ပွင့်ဆိုင် ကွင်းဆင်းတိုင်းတာမှုများ ပြုလုပ်ခဲ့ကာ တပ်မှ ပြန်လည်စွန်လွှတ်ရန် သေချာနေပြီဟု ဒေသခံတောင်သူ ဦးစိန်ဝင်က အတည်ပြု ပြောကြားသည်။

“အထက်ကနေ တဆင့်ပြီး တဆင့် ညွှန်ကြားလာတာ မြို့နယ်ကနေ ကျေးရွာအထိ ဒီရက်တိုင်းတဲ့ဟာကတော့ အတည်ပဲပေါ့” ဦးစိန်ဝင်းက ကန္တာရဝတီတိုင်း(မ်)ကို ပြောသည်။

ပြန်လည်စွန့်လွှတ်သည့် ယာမြေများ၏ မူလပိုင်ရှင်တောင်သူထံ လယ်ယာမြေ ပုံစံ ရ ရရှိရန် ဆောင်ရွက်ပေးသွားမည်ဟု တာဝန်ရှိသူများက တောင်သူများသို့ ပြောကြားခဲ့သည်။

မသိမ်းယူခင်ကတည်း ယင်းယာမြေများတွင် ပြောင်း၊ ပဲစင်းငုံ၊ စပါး၊ ပြောင်းကောက် စသည်ဖြင့် အဓိက စိုက်ပျိုးခဲ့ခြင်း ဖြစ်သည်။

ယင်းသို့ စွန့်လွှတ်လိုက်သော ယာမြေများ၌  ယမန်နှစ်က စစ်တပ်က ထပ်မံသိမ်းယူရန်  တိုင်းတာခဲ့သော ရွာမြေများ ပါဝင်လျှက်ရှိနေပြီး ယင်းသို့ကြောင့် ယမန်နှစ်က မိုးဗြဲဒေသခံများ ယင်းကိစ္စအပေါ် အပြင်းအထန် ကန့်ကွက်ခဲ့ကြသည်။

စစ်တပ်မှ ယခင်ကတည်း  ဧက ၁ ထောင်ကျော် သိမ်းယူထားခဲ့ပြီး အခုပြန်လည်စွန့်လွှတ်လိုက်သော်လည်း တပ်မှ သိမ်းယူထားသော လယ်မြေများအပါအဝင် ဧက ၈ဝဝ ကျော် ကျန်ရှိနေသေးကြောင်း သိရသည်။

Comments

comments

Next Post

တိုးတိတ် ရှိုက်သံများ မကြားချင်တော့ပြီ

Fri May 12 , 2017
စူးမယ် အခုလို နွေအချိန်ဟာ တောင်ယာရှင်းလင်း ခုတ်ထင်းနေတဲ့အချိန်ဖြစ်လို့ တောင်စောင်းလေးပေါ်မှာ ခပ်နွမ်းနွမ်း အပြင် အကျီင်္လက်ရှည်ကို ဝတ်ထားပြီး ဝါးခမောက်ကို ဆောင်းထားတဲ့ အသက် ၄ဝ အရွယ် အိမ်ထောင်ရှင် အမျိုးသမီးတစ်ဦး ဖြေးဖြေးနဲ့ မှန်မှန်ပဲ တောင်ယာရှင်းနေပါတယ်။ သူမဟာ ကယားပြည်နယ်ရဲ့ နာမည်ကျော် လောပိတ ရေတံခွန်နားက လောပိတကျေးရွာမှာ နေထိုင်သူဖြစ်ပြီး တောင်ယာကိုသာ အဓိက လုပ်ကိုင်စားသောက်နေပါတယ်။ တောင်ယာအလုပ်ကို လုပ်ကိုင်ရင်း မိသားစု စားဝတ်နေရေးကို သူမ တစ်ယောက်တည်းပဲ အဓိက လုပ်နေရပါတယ်။ သူမမှာ ကျန်းမာရေး အားနည်းတဲ့ အမျိုးသားနဲ့ အသက် ၁၁ နှစ်အရွယ် ၄တန်း သမီးလေး မော်ပလဲမြာ(နာမည်ရင်းမဟုတ်) တစ်ဦးရှိနေပါတယ်။ သမီးလေး […]