Monday, September 20, 2021

အစိုးရရဲ့ မြေယာရှုခင်းအလှဆင် လုပ်ငန်းမှာ တင်ဒါရ ကုမ္ပဏီတွေ ၅၀ ရာခိုင်းနှုန်းနဲ့ အထက် အမြတ်ငွေကျန်နိုင်ကြောင်းတွေ့ရှိထား

Must read

စက်တင်ဘာလ တတိယအပတ် ကယန်းဘာသာရေဒီယိုအစီအစဉ်

https://soundcloud.com/kantarawaddy-times/bvoy8uolfquf ကယန်းရေဒီယိုအစီအစဥ်အပတ်စဥ် တင်ဆက်နေကျ တိုင်းရင်းသားဘာသာ ရေဒီယိုအစီအစဥ်စနေနေ့ည (၇) နာရီတိုင်းယခုတစ်ပတ်မှာတော့ “တိုက်ပွဲဖြစ်ရာလမ်းတစ်လျှောက် ခရီးသွားလာခြင်းမပြုရန် KNDF အသိပေး” သတင်းနဲ့ “တိုက်ပွဲအတွင်းလက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦးကျဆုံး” ဆိုတဲ့သတင်းနဲ့အတူ “စစ်အာဏာရှင်ကို အမြဲတိုက်နေတဲ့ ကရင်နီအာဇာနည်သူရဲကောင်း”...

ဆေးဝါး၊ ရိက္ခာသယ်ယူတဲ့ စေတနာ့ဝန်ထမ်းကား သေနတ်ပစ်ခံရ

ကန္တာရဝတီတိုင်း(မ်) စစ်ဘေးရှောင်ပြည်သူတွေအတွက် ဆေးဝါး၊ ရိက္ခာသွားယူပြီး လွိုင်ကော်မြို့မှ ဒီမော့ဆိုမြို့ဖက်သို့ ပြန်လာတဲ့ စေတနာ့ဝန်ထမ်းတစ်ဦးရဲ့ကား ဒီကနေ့ (စက်တင်ဘာလ ၁၇ ရက်နေ့ ) နံနက်ပိုင်းမှာ သေနတ်နဲ့ အပစ်ခံရတယ်လို့ ဒီမော့ဆိုမြို့နယ်မှ ဒေသခံအမျိုးသားတစ်ဦးက ပြောပါတယ်။

စက်တင်ဘာလ တတိယအပတ် ကယားဘာသာရေဒီယိုအစီအစဉ်

https://soundcloud.com/kantarawaddy-times/pioxw7mapbsc ကယားဘာသာရေဒီယိုအစီအစဉ် အပတ်စဉ်တင်ဆက်နေကျ တိုင်းရင်းသားဘာသာ ရေဒီယိုအစီအစဉ်(ကယား) မြန်မာစံတော်ချိန် သောကြာနေ့ည (၇) နာရီတိုင်း

တိုက်ပွဲအတွင်း လက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦး ကျဆုံး

ကန္တာရဝတီတိုင်း(မ်) ယမန်ညက ဒီမော့ဆိုမြို့နယ် ဒေါပိုးစီနဲ့ ၆ မိုင်ကျေးရွာအနီးတစ်ဝိုက်မှာ ကရင်နီတပ်မတော်(KA)၊ ကရင်နီအမျိုးသားများကာကွယ်ရေးတပ်(KNDF) ပူးပေါင်းပြီး အကြမ်းစစ်ကောင်စီတပ်နဲ့ တိုက်ပွဲဖြစ်ပွားခဲ့ရာ ကရင်နီတပ်မတော်မှ တပ်ကြီးကြီးအဆင့်ရှိသူ တစ်ဦး...

စိုးထိုက်အောင်

မြေယာရှုခင်းအလှဆင်လုပ်ငန်းမှာ စိုက်ပျိုးထားတဲ့ ပန်းပင်တွေရဲ့ တန်ဖိုးဟာ မြေပြင်စျေးကွက်ပေါက်စျေးနဲ့ အဆင်မတန်ကွာခြားနေတာကြောင့် တင်ဒါရ ကုမ္ပဏီတွေဟာ အမြတ်ငွေ ၅၀ ရာခိုင်နှုန်းနဲ့ အထက် အမြတ်ငွေကျန် နိုင်တယ်လို့ ပြည်နယ်အရေးလေ့လာစောင့်ကြည့်သူ ကိုကျော်ထင်အောင်က ပြည်သူ့ငွေစာရင်း စောင့်ကြည့်စစ်ဆေးရေးရဲ့ တွေ့ရှိချက်ကိုကိုးကားပြီး ပြောပါတယ်။

ပြည်နယ်အစိုးရ ရဲ့ အစီအစဉ်အရ ၂၀၁၉-၂၀၂၀ ဘဏ္ဍနှစ်မှာ ကျပ်သန်းပေါင်း ၁၉၉၀.၇၄၇ သန်းကုန်ကျခံ လုပ်ဆောင်နေတာပါ။

မြေယာရှုခင်း အလှဆင်လုပ်ငန်းတွေကို လွိုင်ကော်မြို့အတွင်းမှာ မြင်တွေ့ခဲ့ရစဉ်။

“ကယားပြည်နယ်လွှတ်တော်ရဲ့ပြည်သူ့ငွေစာရင်းစောင့်ကြည့်စစ်ဆေးရေးကော်မတီရဲ့စုံစမ်းတွေ့ရှိချက်လေးတွေကို ၂၅ရက်နေ့၊ စက်တင်ဘာလ တင်လိုက်တဲ့အချိန်မှာ ကျနော်တို့အနေနဲ့ တွေ့လိုက်ရတာကတော့ ၅၀%အထက် ကုမ္ပဏီတွေအမြတ်ရသွားနိုင်တယ်ဆိုတာမျိုးကို ကျနော်တို့ အကြမ်းဖျင်းတွေ့ရှိရပါတယ်။ ဘာကြောင့်လဲဆိုတော့ အပင်တစ်ပင်ရဲ့ဈေးနှုန်းတွေ အဆ ၂၀-၃၀မက ကွာနေတာတွေ၊ အမြင့်ပေအရနိမ့်နိမ့်လေးနဲ့ ၄-၅ပေလောက်ကိုပဲဝယ်ရင် ဘာမှမကုန်မဲ့အပင်တွေကို အမြင့်ပေ နည်းနည်းပိုတင်လိုက်ပြီးတော့မှကို ဈေးကို အဆမတန်မြင့်တက်လိုက်တာတွေကို တွေ့ရတယ်။” လို့ ကိုကျော်ထင်အောင်က ပြောပါတယ်။

ကုမ္ပဏီကနေ အစိုးရကို တင်ပြထားတဲ့ ပန်းပင် စျေးနှုန်းထားတွေအရ ၁၀ ပေအရှည်ရှိတဲ့ စိန်ပန်းနီ တပင်ကို ၂သောင်းကျပ် ဖြင့်စာရင်းပြထားပြီး လွိုင်ကော်မြို့တွင်းက ပန်းဆိုင်မှာတော့ ၁၀ ပေအရှည်ရှိတဲ့ စိန်ပန်းနီတပင်ကို ၈၀၀၀ ကျပ်ဖြင့်သာဝယ်ယူနိုင်တယ်လို့ ပြည်သူ့ငွေစာရင်းစောင့်ကြည့်စစ်ဆေးရေးရဲ့ တွေ့ရှိချက်တွေအရသိရပါတယ်။

“ ဒီပန်းဈေးတွေနဲ့ ပတ်သတ်ပြီးတော့ ကျနော်တို့ နေပြည်တော် စည်ပင်ဌာနနဲ့ချိတ်ဆက်ပြီးတော့ နှုန်းသင့်မသင့် ဒါတွေကို ပြည်နယ်အစိုးရအဖွဲ့ကိုတင်ပြပါတယ်။ ပြည်နယ်အစိုးရအဖွဲ့ ဆုံးဖြတ်ချက်နဲ့အတည်ပြုပြီး အဲ့ဒီနှုန်းထားအတိုင်းဆောင်ရွက်တာဖြစ်ပါတယ်။” လို့ စည်ပင်သာယာရေးနှင့် လူမှုရေးဝန်ကြီး ဦးဒေါက်တာအောင်ကျော်ဌေးက ဒုတိယ အကြိမ်ကယားပြည်နယ်လွှတ်တော်ရဲ့ ၁၈ ကြိမ်မြောက်ပုံမှန် အစည်းအဝေးမှာ ပြည်နယ်လွှတ်တော်ကိုယ်စားလှယ် ဦးသဲရယ်က မြေယာရှုခင်းအလှဆင်လုပ်ငန်းမှာ သုံးစွဲထားတဲ့ ပန်ပင်မျိုးတွေကိုဝယ်ယူတဲ့အပေး ဘယ်လိုနှုန်းထားတွေနဲ့ဝယ်ယူခဲ့တာလဲ ဆိုတဲ့မေးခွန်းအပေါ် ဖြေကြားခဲ့တာဖြစ်ပါတယ်။

ပြီးခဲ့တဲ့ စက်တင်ဘာလ ၃၀ ရက်နေ့က ပြည်သူ့ငွေစာရင်းစောင့်ကြည့်စစ်ဆေးရေးအဖွဲ့ ရဲ့ သွားရောက်စစ်ဆေးခဲ့မှုအရ ပန်းပင်တွေကို စိုက်ပျိုးထားရာမှာလည်း သတ်မှုချက်တွေနဲ့ ကိုက်ညီမှုမရှိတာကိုလည်း တွေ့ရှိခဲ့တယ်လို့ ကယားပြည်နယ်လွှတ်တော် ပြည်သူ့ငွေစာရင်းစောင့်ကြည့်စစ်ဆေးရေးအဖွဲ့ဝင် ဦးစိန်ဝင်းက အခုလိုပြောပါတယ်။

“ ကယားပြည်နယ်လွှတ်တော် ပြည်သူ့ငွေစာရင်းစောင့်ကြည့်စစ်ဆေးရေးကော်မတီကနေ ဒီမြေယာရှုခင်းအလှလုပ်ငန်းတွေကို ဒါပထမဆုံးအကြိမ် သွားရောက်စစ်ဆေးခြင်းပဲဖြစ်ပါတယ်။ အဲ့ချိန်မှာ ကျနော်တို့ သွားတွေ့တာက ဂျပန်မြက်ပေါ့နော်၊ ဂျပန်မြက်စိုက်ပျိုးတဲ့အချိန်မှာ ဖွဲတွေ၊ သဲတွေ အောက်ခြေကခင်းရမှာ ခင်းပြီးမှ အပေါ်ကနေ ဂျပန်မြက်ကို ပြန်လွှာပြီးတော့လောင်းရမှာလေ။ အဲ့ချိန်မှာ နည်းနည်းတူးဆွ ကြည့်တဲ့အချိန်မှာ မတွေ့ရဘူး။ အောက်မှာ သဲတွေမတွေ့ဘူး၊ ဖွဲနုဆိုရင်လဲ လုံလောက်စွာထည့်ထားခြင်းကို မတွေ့ရှိရဘူး။ နောက်ပြီးတော့အခြားအပင်ကြီးတွေကိုလည်း အပင်ကိုသတ်မှတ်တဲ့အကွာအဝေးလောက်ထားသင့်တယ်။ ဒါပေမယ့် သူတို့ကစိတ်စိတ်လေးစိုက်ထားတာ အဲ့ဒါတွေတွေ့ရှိရတယ်။” လို့ ဦးစိန်ဝင်းကပြောပါတယ်။

မြေယာအလှရှုခင်းခေါင်းစဉ်နဲ့ ပန်းအလှဆင်တဲ့လုပ်ငန်းတွေကို ဂျိတ်ဗန်း ကုမ္ပဏီ၊ ငုရွှေဝါကုမ္ပဏီ၊ စိမ်းလန်း ဟန်မင်းအောင်ကုမ္ပဏီ၊ ကယားရွှေကုမ္ပဏီ၊ ကယားအလှကုမ္ပဏီ စုစုပေါင်းကုမ္ပဏီ(၅)ခုက လုပ်ဆောင်နေတာဖြစ်လို့ ဦးစိန်ဝင်းကပြောပါတယ်။

ပန်းအလှစိုက်ခြင်းနဲ့ ပတ်သတ်ပြီး စာရင်းစစ်ချုပ်အနေနဲ့ တွေ့ရှိချက် ဘာတွေရှိနေပြီလဲလို့ စက်တင်ဘာ ၂၈ရက်နေ့က ဖုန်းဖြင့်ဆက်သွယ်မေးမြန်းရာမှာ မေးမြန်းတဲ့အပေါ်မှာ ကယားပြည်နယ်စာရင်းစစ်ချုပ်ရုံး ဥက္ကဋ္ဌ ဦးအောင်မောင်းကို “ မစစ်ရသေးဘူး စစ်ပြီးမှပြောလို့ရမှာလေး” လို့ ပြောပါတယ်။

လက်ရှိလွိုင်ကော်မြို့အတွင်းလုပ်ဆောင်နေတဲ့ ပန်းအလှဆင်ခြင်း၊ မြေယာရှုခင်းအလှဆင်ခြင်းကိစ္စတွေမှာ ပြည်သူ့ငွေစာရင်းစောင့်ကြည့်စစ်ဆေးရေးအဖွဲ့ရဲ့ တွေ့ရှိချက်တွေအားလုံးကို ကယားပြည်နယ် ပြည်နယ်စာရင်းစစ်ချုပ်ထံမှာ တင်ပြထားတယ်လို့သိရပါတယ်။

အစိုးရရဲ့ မြေယာရှုခင်းအလှဆင်လုပ်ငန်းမှာ ပါဝင်တဲ့ နေရာတွေကတော့ ဘာဒိုကန်မြေယာရှုခင်း၊ မြစ်ဦးကျောင်းရှေ့မှ စုပေါင်းကားဂိတ်အထိ အလေးပေးပန်းခြံ ၁၊ ၂၊ ၃ မြေယာရှုခင်းများပြုလုပ်ခြင်း၊ စုပေါင်းကားဂိတ်မှ ပြည်နယ်လွှတ်တော်ရုံးရှေ့အထိမြေယာရှုခင်း၊ ဒေါနိုးကူးတံတားဘေး မြေယာရှုခင်း၊ လောပိတလမ်းမကြီးဘေး ဘီလူးချောင်းဘေးဘက်ခြမ်း၊ Golden Hail ဟိုတယ်ကြားမြေယာရှုခင်း၊ ပြည်နယ်ခန်းမမြေယာရှုခင်းလုပ်ငန်း၊ နောင်ယားကန်မြေယာရှုခင်းလုပ်ငန်း၊ ထေးဌားလျားကန်မြေယာရှုခင်းလုပ်ငန်း၊ ပြည်နယ်ဧည့်ရိပ်သာမြေယာရှုခင်းလုပ်ငန်း၊ နာရီစင် အဝိုင်းမှ ကိန္ဒရီ ကိန္ဒရာအဝိုင်းအထိ လမ်းလယ်ကျွန်းနှင့် လမ်းဘေးဝဲယာမြေယာရှုခင်းလုပ်ငန်း၊ ဘီလူးချောင်းရေစီးကွေ့ ပန်းခြံမြေယာရှုခင်းလုပ်ငန်း၊ လွိုင်ကော်မြို့ဝင် မုတ်ဦးမှ မြစ်ဦးကျောင်း လမ်းဆုံအထိမြေယာရှုခင်းလုပ်ငန်း၊ မြစ်ဦးကျောင်း လမ်းဆုံမှ စုပေါင်း လိုင်းပေါင်းစုံဂိတ်အထိမြေယာရှုခင်းလုပ်ငန်း၊ မြစ်ဦးကျောင်းလမ်းစုံမှ ကွန်ပျုတာတက္ကသိုလ် လမ်းအရှေ့ဘက်မြေယာရှုခင်းလုပ်ငန်း၊ ချိကယ်အဝိုင်းမှ လွိုင်ကော် ရှားတောဘေး လမ်းဘေးဝဲယာ မြေယာရှုခင်းလုပ်ငန်း၊ ၄လမ်း နာရီစင်မှ ၄လမ်းအဆုံးထိမြေယာရှုခင်းလုပ်ငန်း၊ ဦးသီရီလမ်း ပြည်နယ်ဧည့်ရိပ်သာမှ ဒေါဥခူမီးပွိုင့်အထိ မြေယာရှုခင်းလုပ်ငန်း၊ ဦးနီလမ်း ၄လမ်းနှင့် ၈လမ်းအထိမြေယာရှုခင်းလုပ်ငန်း၊ ၈လမ်း ကန္တာရဝတီလမ်းမှ ထေးဌားလျားကန်အထိ မြေယာရှုခင်းလုပ်ငန်း၊ မြို့ဝင်ဆိုင်းဘုတ်မှ ကွန်ပျုတာ တက္ကသိုလ်အထိ မြေယာရှုခင်းလုပ်ငန်း လုပ်ငန်းတွေပဲဖြစ်ပါတယ်။

- Advertisement -
- Advertisement -

Latest article

စက်တင်ဘာလ တတိယအပတ် ကယန်းဘာသာရေဒီယိုအစီအစဉ်

https://soundcloud.com/kantarawaddy-times/bvoy8uolfquf ကယန်းရေဒီယိုအစီအစဥ်အပတ်စဥ် တင်ဆက်နေကျ တိုင်းရင်းသားဘာသာ ရေဒီယိုအစီအစဥ်စနေနေ့ည (၇) နာရီတိုင်းယခုတစ်ပတ်မှာတော့ “တိုက်ပွဲဖြစ်ရာလမ်းတစ်လျှောက် ခရီးသွားလာခြင်းမပြုရန် KNDF အသိပေး” သတင်းနဲ့ “တိုက်ပွဲအတွင်းလက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦးကျဆုံး” ဆိုတဲ့သတင်းနဲ့အတူ “စစ်အာဏာရှင်ကို အမြဲတိုက်နေတဲ့ ကရင်နီအာဇာနည်သူရဲကောင်း”...

ဆေးဝါး၊ ရိက္ခာသယ်ယူတဲ့ စေတနာ့ဝန်ထမ်းကား သေနတ်ပစ်ခံရ

ကန္တာရဝတီတိုင်း(မ်) စစ်ဘေးရှောင်ပြည်သူတွေအတွက် ဆေးဝါး၊ ရိက္ခာသွားယူပြီး လွိုင်ကော်မြို့မှ ဒီမော့ဆိုမြို့ဖက်သို့ ပြန်လာတဲ့ စေတနာ့ဝန်ထမ်းတစ်ဦးရဲ့ကား ဒီကနေ့ (စက်တင်ဘာလ ၁၇ ရက်နေ့ ) နံနက်ပိုင်းမှာ သေနတ်နဲ့ အပစ်ခံရတယ်လို့ ဒီမော့ဆိုမြို့နယ်မှ ဒေသခံအမျိုးသားတစ်ဦးက ပြောပါတယ်။

စက်တင်ဘာလ တတိယအပတ် ကယားဘာသာရေဒီယိုအစီအစဉ်

https://soundcloud.com/kantarawaddy-times/pioxw7mapbsc ကယားဘာသာရေဒီယိုအစီအစဉ် အပတ်စဉ်တင်ဆက်နေကျ တိုင်းရင်းသားဘာသာ ရေဒီယိုအစီအစဉ်(ကယား) မြန်မာစံတော်ချိန် သောကြာနေ့ည (၇) နာရီတိုင်း

တိုက်ပွဲအတွင်း လက်နက်ကြီးထိမှန်မှုကြောင့် ကရင်နီတပ်မတော်မှတပ်ကြပ်ကြီးတစ်ဦး ကျဆုံး

ကန္တာရဝတီတိုင်း(မ်) ယမန်ညက ဒီမော့ဆိုမြို့နယ် ဒေါပိုးစီနဲ့ ၆ မိုင်ကျေးရွာအနီးတစ်ဝိုက်မှာ ကရင်နီတပ်မတော်(KA)၊ ကရင်နီအမျိုးသားများကာကွယ်ရေးတပ်(KNDF) ပူးပေါင်းပြီး အကြမ်းစစ်ကောင်စီတပ်နဲ့ တိုက်ပွဲဖြစ်ပွားခဲ့ရာ ကရင်နီတပ်မတော်မှ တပ်ကြီးကြီးအဆင့်ရှိသူ တစ်ဦး...

စစ်ကောင်စီက စစ်ကြောင်းထိုးရင် ဖမ်းဆီးခံရသူများ ပြန်လွှတ်သူ မရှိသေး

ကန္တာရဝတီတိုင်း(မ်) ကရင်နီပြည်နယ်မှာ စစ်ကောင်စီက စစ်ကြောင်းထိုးရင်းဖမ်းသွားတဲ့သူ ဩဂုတ်၂၇ရက်နေ့ကနေ စက်တင်ဘာလ၈ရက်နေ့အတွင်း ၂၅ဦး ရှိနေပြီး ပြန်လွှတ်လာတဲ့သူ မရှိသေးဘူးလို့ ကရင်နီလူ့အခွင့်အရေး ဒါရိုက်တာ ဦးဗညားထံက သိရပါတယ်။ ပြီးခဲ့တဲ့ ရက်ပိုင်းအတွင်း...